परकास 12:7 - याम्फु

⁷ मोबा थाङ्‌सिरिबेॽ ङेः लिसा। मिखाएलनुङ खोमि दुतजिडे़ॽ मो बेॽएम्‍मा पुसे़ॽनुङ खोमि दुतजिनुङ ङेः ले़टुजि।

परकास 12:7 Iomraidhean Croise

मत्‍ति 13:41

याॽमिमि पसाडे़ॽ खोमि थाङ्‌सिरिदुतजि पाङ्‌इन्‍डुजे, मोबा पाप ले़ःॽमेॽखुबा चोप थोकनुङ दुस्‍ट योम्‍बोक ले़ःॽमे़ॽखुबाजि खोमि राज्‍यबाङ सुम्‍इन्‍डुजे,

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

मत्‍ति 24:31

खोसे़ॽ खोमि थाङ्‌सिरिदुतजि तुराहिमि सेम्‍लानुङ सोरि पाङ्‌इन्‍डुजे। मोबा माहाजिडे़ॽ मक्‍खाम्‍डेमनुङ नान्‍द्‌रुङ्‌मामि चोप ठाउँबाङ खोसे़ॽ से़म्‍बॽआजि सुम्‍इन्‍डुजे।

मत्‍ति 25:41

“मोबा ए़क्‍साङ खोसे़ॽ ए़ङ्‌सिङ्‌लामबेॽहा याॽमिजि लुन्‍डुजे, ‘होउ चापहिबॽआ याॽमिजि! काबाङ ओः खे़ॽपेसानिङे, सैताननुङ मोमि दुतजिमि लागि पोरोक्‌युङ्‌बॽआ इन्‍डोक्‍पेॽसो सिघे़ॽनिये मिबेॽ खडानिङे।

मत्‍ति 26:53

हे़ने़ॽ इमाङ मिॽइन्‍डुए, इमा के़ॽ काङ्‌मि पाबा लुहेसुङ्‌ने, खोसे़ॽ का जोगबा ले़ःॽसिॽ हागोनोॽ इक्‍पोङ निच्‍चि पल्‍टनबाङ्‌सो बेॽलो थाङ्‌सिरिदुतजि पाङ्‌हेसुनिबा ?

२ कोरिन्‍थि 12:7

तर निवाहाङ्‌डे़ॽ खाङ्‌मुबॽआ बेॽलो खा चुप्‍मिटुङ्‌हा कानुङ का बेॽए मे़रे़ङ्‌लो लुनुङ काङ्‌मि हिङाबेॽ इक्‍को सेनडोॽमा खेः का पिबॽआ ले़ये। मोसे़ॽ काङ्‌मि हिङाबेॽ घरि घरि खाक्‍नुङ का काङायोङ्‌बा लिमे़ॽनिबा।

एफिसि 6:12

इन्‍ढोङ्‌होङ कानिङ्‌मि ङे याॽमिजिनुङ ने़ॽनि, तर से़न्‍जुगुपबेॽहा सासकजि, अधिकारि, नान्‍दरुङ्‌बेॽहा मङे़हा चापजिनुङ सक्‍तिमि बिरोधबेॽ ले़ये।

२ थेस्‍लोनिकि 1:7

हे़निङ दुःख आङ्‌घुबा मोबा कानिङ्‌सो खोसे़ॽ खेःबाङ छुट्‌कारा पिये। परभु येसुडे़ॽ इघा चोप योम्‍बोक खोमि सक्‍तिनुङ्‌हा थाङ्‌सिरि दुतजिनुङ लेम्‍मा यिडे़ॽ ले़न्‍डुहा।

हिब्‍रु 2:10

चोप थोक निवाहाङ्‌मि ले़हा, मोबा चोप थोक खोमि सक्‍तिबाङ्‌नोॽ टोङ्‌बॽआ ले़ये। मोडोगे़ॽ बेॽलो पसाजि खोमि महिमाबेॽ लाप्‍मामि लागि येसु दुःख आङ्‌मेॽनुङ खोसे़ॽ इगो योम्‍बोकबाङ येसु मुक्‍तिमि मुल टोक्‍सु।

२ पत्‍रुस 2:4

निवाहाङ्‌डे़ॽ पाप ले़ःॽखुबा थाङ्‌सिरिदुतजिनोक्‍सो मे़लेडुजि। खोसे़ॽ माहाजि खेःलोकपेॽ वेएन्‍डुजि। माहाजि न्‍यायमि याकठोकमि लागि सेन्‍जुगुप्‍पेॽ से़क्‌युङ्‌इटुजे।

यहुदा 1:9

तर एप्‍पा थाङ्‌सिरिदुत मिखाएलडे़ॽसो मोसामि सिगुयाकमि टुम्‍बेॽ सैताननुङ खा इःमाबेॽ खो इःजानुङ आप्‍टिक मे़म्‍पिसु। इडोॽरेॽनोॽ लुटुए “परभुडे़ॽ हे़न योप्‍मिये”।

परकास 12:8

तर मो बेॽएम्‍मा पुसे़ॽनुङ खोमि दुतजिडे़ॽ ङेःबेॽ मे़हेजोसुजि, मोबा माहाजिडे़ॽ थाङ्‌सिरिबेॽ पेन्‍ढाम ठाउँ मे़न्‍चुप्‍टुजि।

परकास 12:9

मो उहिलेमा बेॽएम्‍मा पुसे़ॽनुङ मोमि दुतजि थाङ्‌सिरिबाङ मक्‍खाम्‍डेमबेॽ राप्‍खडामि। मो बेॽएम्‍मा पुसे़ॽ लुबॽआ चाहिँ मक्‍खाम्‍डेमबेॽहा चोप याॽमिजि चाइबमा निवाहाङ्‌बाङ फाङ्‌सेॽखुबा मङे़ॽमा चाप अथबा सैतान ले़ये।

परकास 13:7

मोबा मो जिवात चाहिँ निवाहाङ्‌मि याॽमिजिनुङ काक्‍नुङ खोजि हेजामे अधिकार पिबॽआ ले़टे़। मोबा चोप बङ्‌सजि, याॽमिजि, खाल खालहा खाप्‍लानुङ जातिजिसोक्‍पेॽ अधिन ले़ःॽमे अधिकार पिबॽआ ले़टे़।

परकास 20:2

मोसे़ॽ मो बेॽएम्‍मा पुसे़ॽ इक हजार निङ्‌मि लागि मो चे़क्‍चिमि साङ्‌लोडे़ॽ हिगु। इगो पुसे़ॽनोॽ उहिलेमा पुसे़ॽ ले़ये, मोनोॽ दियालस अथबा सैतान ले़ये।