परकास 12:4 - याम्फु

⁴ मोमि मिराडे़ॽ थाङ्‌सिरिमि सुम भागामि इक्‍को भागा साङ्‌गेजि फिःक्‍नुङ मक्‍खाम्‍डेमबेॽ राप्‍ए़न्‍डु। मोबा मो मेॽनामिॽडे़ॽ ओङे़क टोक्‍मासोरोॽ रिम्‍बेमामि मो बेॽएम्‍मा पुसे़ॽ कुम्‍सुमा लिसिॽपोरोक्‍पॽआ मेॽनामिॽमि के़क्‍पेॽ येःबा।

परकास 12:4 Iomraidhean Croise

युहन्‍ना 8:44

हे़निङ्‌मि पाबा सैतान ले़येनुङ हे़निङ्‌मि पाबाडे़ॽ ले़ःॽमा मिॽटिडोक्‍नोॽ हे़निङे़ॽ सानिङ ले़न्‍डानुमे। मोगो याक्‍लोएम्‍बाङ्‌नोॽ याॽमि सेक्‍खुबा ले़टे़, खोसे़ॽ चाइबमा खामि ले़ख्‍खो ले़टुनिबा इन्‍ढोङ्‌होङ खो रेम्‍डेॽखुबा ले़ये। खोबेॽ मङे़हा निवा टुये मोबा मोडोक्‍नोॽ यामुये इन्‍ढोङ्‌होङ खो रेम्‍सिङ्‌मि पाबा ले़ये।

१ पत्‍रुस 5:8

होसियार ले़ःॽनुङ चङ्‌खो पेनानिङे, हे़निङ्‌मि सतुर दियाबलसडे़ॽ असा चुप्‍नुङ चाबेमे लुनुङ किबाडोॽ वोसाङ किॽयु मिॽयु योक्‍मे़ॽसिन्‍डुए।

परकास 12:7

मोबा थाङ्‌सिरिबेॽ ङेः लिसा। मिखाएलनुङ खोमि दुतजिडे़ॽ मो बेॽएम्‍मा पुसे़ॽनुङ खोमि दुतजिनुङ ङेः ले़टुजि।

परकास 12:9

मो उहिलेमा बेॽएम्‍मा पुसे़ॽनुङ मोमि दुतजि थाङ्‌सिरिबाङ मक्‍खाम्‍डेमबेॽ राप्‍खडामि। मो बेॽएम्‍मा पुसे़ॽ लुबॽआ चाहिँ मक्‍खाम्‍डेमबेॽहा चोप याॽमिजि चाइबमा निवाहाङ्‌बाङ फाङ्‌सेॽखुबा मङे़ॽमा चाप अथबा सैतान ले़ये।

परकास 13:2

मो जिवात किबाडोॽमा ले़टा, मोमि सराङ माःक्‍सामिडोॽहा ले़टा, मोमि याबुक किबामिडोॽमा ले़टा। मो बेॽएम्‍मा पुसे़ॽडे़ॽ खोमि सक्‍ति, खोमि हाङ्‌पेन्‍ढामनुङ खोमि बेॽए अधिकार मो जिवात पिसु।

परकास 13:4

याॽमिजिडे़ॽ मो बेॽएम्‍मा पुसे़ॽमि ओहाङ ले़टुजि, इन्‍ढोङ्‌होङ मोसे़ॽ टाङ्‌बामि अधिकार मो जिवात पिबॽआ ले़टा। माहाजिडे़ॽ इडोॽ लुसाङ मो जिवातमि पुजा ले़टुजि, “इगो जिवातडोॽमा हाइखा असा टुम्‍मे ? इगोनुङ असा काक्‍हेम्‍मे ?”

परकास 16:13

मोबा के़ॽ बेॽए पुसे़ॽमि याबुकबाङ, मो जिवातमि याबुकबाङ्‌नुङ रेम्‍सिङ अगमबक्‍तामि याबुकबाङ पयाकडोॽहा सुम्‍जि चिक्‍चिमिॽमारोहा होङ्‌निवाजि पे़आप्‍पॽआ खाङ्‌डोक्‍टुङ।

परकास 17:18

हे़ने़ॽ खाङ्‌बॽआ मो बेस्‍या मेॽनामिॽ लुबॽआ चाहिँ मक्‍खाम्‍डेमबेॽहा चोप हाङ्‌बाजिसोक्‍पेॽ अधिन ले़ःॽखुबा बेॽएम्‍मा सहर ले़ये।”

परकास 20:2

मोसे़ॽ मो बेॽएम्‍मा पुसे़ॽ इक हजार निङ्‌मि लागि मो चे़क्‍चिमि साङ्‌लोडे़ॽ हिगु। इगो पुसे़ॽनोॽ उहिलेमा पुसे़ॽ ले़ये, मोनोॽ दियालस अथबा सैतान ले़ये।

परकास 8:10

मोबा ए़क्‍साङ सुम्‍जिमा थाङ्‌सिरिदुतडे़ॽ टाङ्‌बामि तुरहि मिडु, नन्‍द्‌रुङ्‌मे़ॽटुरा वामिडोॽमा हाङ्‌मे़ॽनिङ्‌सिबॽआ इक्‍को बेॽए साङ्‌गे यिवामि सुम भागाबेॽनुङ योङा पिॽठामबेॽ हेडा।

परकास 8:11

मो साङ्‌गेमि निङ “खिक्‍ले़क” ले़टे़। मोसे़ॽ ले़ःॽमे़ॽ योङामि सुम भागा खिक्‍ले़क लिसा, मो खिॽइये योङा उङ्‌नुङ बेॽलो याॽमिजि सिसामि।

परकास 8:12

मोबा ए़क्‍साङ रिउममा थाङ्‌सिरिदुतडे़ॽ टाङ्‌बामि तुरहि मिडु, मोडोक्‍पेॽनोॽ नममि, लामि, साङ्‌गेजिमि सुम भागामि इक्‍को भागा सेन्‍जिगुप लिसा। मोडोगे़ॽ लेन्‍डामि सुम भागामि इक भागानुङ सेन्‍डामि सुम भागामि इक भागा जोति चुक्‍खडा।

परकास 8:7

याक्‍लोमा थाङ्‌सिरिदुतडे़ॽ तुरहि मिडु, मोबा हरिनुङ ठुबॽआ ओमनुङ मि मक्‍खाम्‍डेमबेॽ हेॽपुगा। मोबा मक्‍खाम्‍डेमबेॽ टुहा सुम भागामि इक्‍को भागा, सिङ्‌बु डाङ्‌मि सुम भागामि इक भागानुङ फिरिरिहा घासामि सुम भागामि इक भागा हिक्‍खडा।

परकास 8:8

निच्‍चिमा थाङ्‌सिरिदुतडे़ॽ तुरहि मिडु, मोबा मि हाङ्‌मे़ॽनिङ्‌सिबॽआ इक्‍को बेॽएम्‍मा सुम्‍लाखाडोॽमा माहोङ्‌माबेॽ राप्‍खडा, मोबा माहोङ्‌मामि सुम भागामि इक भागा हरिनोॽ हरि लिसा।

परकास 8:9

मोबा मो माहोङ्‌माबेॽ टुबॽआ सुम भागामि इक भागा हिङ्‌रिक जिवातजि सिसामिनुङ सुम भागामि इक भागा योङा जहाजसो नासि लिसा।

परकास 9:10

माहाजिमि मिराबेॽए सेन बिच्‍छिमिडोक्‍नोॽ ले़टा। माहाजिमि मिराबेॽ ङाउम महिनाठोक याॽमिजि खेः पिहेमे सक्‍ति पिबॽआ ले़टा।

परकास 9:19

इन्‍ढोङ्‌होङ माहा घोडाजिमि याबुकनुङ मिराबेॽ सेॽनेमे सक्‍ति टुसा। माहाजिमि मिरा सिक्‍चानुङ्‌मा पुसे़ॽमि निन्‍डवाँडोॽ ले़टा, मोसे़ॽ याॽमिजि ओगुजे।