परकास 12:17 - याम्फु17 मोबा मो बेॽएम्मा पुसे़ॽ मो मेॽनामिॽनुङ बेॽलो सुरकडा, मोबा मो मेॽनामिॽमि हाइखा पसाजि, निवाहाङ्मि खा खेम्खुबाजिनुङ येसुबेॽ बिस्वास ले़ःॽखुबाजिनुङ काक्सिॽ खडा। Faic an caibideil |
परकास 12:17
26 Iomraidhean Croise
हे़निङ्मि पाबा सैतान ले़येनुङ हे़निङ्मि पाबाडे़ॽ ले़ःॽमा मिॽटिडोक्नोॽ हे़निङे़ॽ सानिङ ले़न्डानुमे। मोगो याक्लोएम्बाङ्नोॽ याॽमि सेक्खुबा ले़टे़, खोसे़ॽ चाइबमा खामि ले़ख्खो ले़टुनिबा इन्ढोङ्होङ खो रेम्डेॽखुबा ले़ये। खोबेॽ मङे़हा निवा टुये मोबा मोडोक्नोॽ यामुये इन्ढोङ्होङ खो रेम्सिङ्मि पाबा ले़ये।
खिरिस्टराम्बाङ का हे़निङ्मि वावा युहन्ना ले़ङे। हे़निङे़ॽ आङ्बॽआडोॽमा खेः के़ॽसो आङ्मे़ॽनिङ्सिनुङ्हा, इन्ढोङ्होङ येसु कानिङ्मि हाङ्बा ले़ये, तर खोसे़ॽनोॽ कानिङ योङ आङ्हेमे सक्ति पिये। के़ॽ निवाहाङ्मि बचन परचार ले़ःॽपॽआसे़ॽनुङ येसु खिरिस्टमि टुम्बेॽहा खा याॽमिजि लुबॽआसे़ॽ याॽमिजिडे़ॽ का पत्मोस लुमे योङेॽ यिजुम्बॽआ ठाउँबेॽ से़क्नुङ युङ्बॽआ ले़टे़।
मोबा खो सेवा ले़ःॽसिॽ का खोमि सराङ्बेॽ पोप्युसिङ, तर खोसे़ॽ का लुसिङा, “हे़ने़ॽ का सेवा ले़ःॽमा फे़न्निबा। कासो हे़न्नुङ हे़ने़हा वावा निसाजिडोॽ येसुमि टुम्बेॽहा साक्छि पिघुबा निवाहाङ्मि सेउतेरेॽ ले़ङे। ओहाङ्गो निवाहाङ पिमा खे़ये, इन्ढोङ्होङ परभु येसु खिरिस्टडे़ॽ ले़ःॽपॽआनुङ लुबॽआ चाइबमा खाडे़ॽनोॽ अगमबक्ताजि सक्ति पिन्डुजे।”
मोबा के़ॽ बेॽलो हाङ्पेन्ढामनुङ मोबेॽ पेङ्घुबाजि खाङ्डोक्टुङ्जि, न्याय ले़ःॽमे अधिकार माहाजि पिबॽआ ले़टा। येसुमि टुम्बेॽ साक्छि पिमाबेॽनुङ निवाहाङ्मि बचन खेम्मेॽमाबेॽ निन्डवाँ चेन्नुङ सेॽनेबॽआजिमि होङ्निवाजि मोबेॽ टुसामि। माहाजिडे़ॽ मो मङे़ॽमा जिवातनुङ मोमि मुरतिमि पुजा मे़ले़ःॽखुबाजिनुङ जिवातमि छाप तुरुवानुङ हुकपेॽ मे़न्टिमाबेॽ सेॽनेबॽआजिमि होङ्निवा के़ॽ खाङ्डोक्टुङ माहाजि चोप फेरि हिङ्रिक लिसामि, मोबा खोजिडे़ॽ खिरिस्टनुङ सोरि इक्को हजार निङ्ठोक राज्य ले़टुजि।
Sanasan