परकास 11:17 - याम्फु

¹⁷ “हे परभु निवाहाङ, चोप्‍पाङ सक्‍तिदाङ्‌बा, हे़न सिरिस्‍टि लिबॽआबाङ टुसे़नुङ आयुसो टुसिये, कानिङे़ॽ हे़न ओहाक पिन्‍डुङ्‌मे, इन्‍ढोङ्‌होङ हे़ने़ॽ टाङ्‌बामि बेॽएम्‍मा अधिकार लानुङ टाङ्‌बामि राज्‍य तरिक्‍पोॽइटुए।

परकास 11:17 Iomraidhean Croise

मत्‍ति 11:25

मोडोक्‍पेॽ येसुडे़ॽ लुसु, “हे पाबा, थाङ्‌सिरिनुङ मक्‍खाम्‍डेमबेॽए परभु, के़ॽ हे़न ओहाक पिन्‍ने़, इन्‍ढोङ्‌होङ निवादाङ्‌बानुङ चेन्‍दुबाजिबाङ चुम्‍नुङ युङ्‌बॽआ खा पिच्‍छाजिडोॽहा याॽमिजिमि पोम्‍बेॽ खाङ्‌मुसु।

लुका 10:21

मोडोक्‍पेॽनोॽ येसुबेॽ पबित्‍रा होङ्‌निवा लेन्‍नुङ मोमि हाङ्‌हाङ्‌बेॽ लुसु, “हे निवाहाङ पाबा, थाङ्‌सिरिनुङ मक्‍खाम्‍डेममि मायोङ्‌बा के़ॽ हे़न ओहाक पिन्‍ने़ इन्‍ढोङ्‌होङ निवादाङ्‌बानुङ चेन्‍दुबाजिबाङ चुम्‍नुङ युङ्‌बॽआ खा हे़ने़ॽ इमाङ्‌सो मे़लेघुबाजि पिटुजे। हे पाबा इडोॽ ले़ःॽमानोॽ हे़ने़ॽ नेन्‍जोसु!

युहन्‍ना 11:41

मोडोगे़ॽ माहाजिडे़ॽ मो रुङ्‌गोॽवा सेम्‍बेसुजि, मोबा येसुडे़ॽ थाङ्‌सिरिॽटु खाङ्‌साङ लुसु, “हे पाबा, के़ॽ हे़न ओहाक पिन्‍ने़, इन्‍ढोङ्‌होङ हे़ने़ॽ काङ्‌मि बिन्‍ति खेम्‍इटुए।

२ कोरिन्‍थि 2:14

निवाहाङ ओहाक पिमानोॽ खे़ये, इन्‍ढोङ्‌होङ खोसे़ॽ कानिङ सानिङ्‌नोॽ खिरिस्‍टमि बिजयबेॽ राम्‍मराप्‍मिये। खोमि निवामि नम्‍जानुये खा कानिङ्‌बाङ चोप ठाउँबेॽ टुप्‍इन्‍डुहा।

२ कोरिन्‍थि 9:15

इगो लुमा योक्‍माबेॽसो लुहेनिबा निवाहाङ्‌डे़ॽ पिबॽआ बरदानमि लागि खो ओहाकयो।

१ तिमोथि 1:12

खोमि योम्‍बोक ले़ःॽमे बल पिघुबा कानिङ्‌मि परभु येसु खिरिस्‍ट के़ॽ बेॽलो ओहाक पिनुङे़। खोसे़ॽ बिस्‍वासनुङ्‌मा खाङ्‌नुङ खोमि योम्‍बोकपेॽ टिसिङा।

परकास 1:4

का युहन्‍नाडे़ॽ एसियाबेॽ टुहा एच्‍चि गोटा मन्‍डलिबेॽहा बिस्‍वासिजि सेवा मुनुङे़, निवाहाङ याक्‍लोएम्‍बाङ टुसा, आयुसो टुये मोबा ए़क्‍साङ्‌सो लेङ्‌इये, मोबा निवाहाङ पेन्‍ढाममि पोम्‍बेॽ टुहा एच्‍चि गोटा होङ्‌निवाबाङ हे़निङ अनुग्‍रहानुङ सान्‍ति लिरो।

परकास 1:8

चोप्‍पाङ सक्‍तिदाङ्‌बा परभु निवाहाङ्‌डे़ॽ लुये, “कानोॽ अल्‍फानुङ ओमेगा ले़ङे” इगो लुबॽआ चाहिँ “कानोॽ सिरिस्‍टिबाङ याक्‍लोमानुङ कानोॽ चोप्‍पाङ ए़क्‍साङ्‌मासो ले़ङे” याक्‍लो खो टुसे़, आइसो खो टुये, मोबा ए़क्‍साङ्‌सो खो लेङ्‌इये।

परकास 11:15

इगोबाङ ए़क्‍साङ एच्‍चिमा थाङ्‌सिरिदुतडे़ॽ खोमि तुरहि मिडु, मोडोक्‍पेॽ थाङ्‌सिरिबेॽ बेॽहा बेॽहा सेम्‍लानुङ इडोॽ खेम्‍मुसा, “मक्‍खाम्‍डेमसोक्‍पेॽ राज्‍य ले़ःॽमे अधिकार हागोएम्‍बाङ कानिङ्‌मि परभु निवाहाङ्‌नुङ खोसे़ॽ से़न्‍बॽआ खिरिस्‍टमिनोॽ लिटे़, खोसे़ॽनोॽ सानिङ्‌मु राज्‍य ले़न्‍डुए।”

परकास 15:3

माहाजिडे़ॽ इडोॽ लुसाङ निवाहाङ्‌मि सेउते मोसामिनुङ थुमामि सेम सेम्‍लुमे़ॽनिङ्‌सिडुजि, “हे परमपरभु निवाहाङ चोप्‍पाङ बेॽए सक्‍तिदाङ्‌बा, हे़ने़हा योम्‍बोक सारोनोॽ महाननुङ खरिहा ले़हा, चोप जातिहा याॽमिजिमि हाङ्‌बा, हे़ने़हा मराम धरमिनुङ चाइबमा ले़हा।

परकास 16:14

माहाजि खरि खरिहा चिङ्‌गा ले़ःॽखुबा मङे़हा होङ्‌निवाजि ले़म्‍मे। खोजि चोप्‍पाङ सक्‍तिदाङ्‌बा निवाहाङ्‌मि बेॽएम्‍मा याकपेॽ ङेः ले़ःॽमामि मक्‍खाम्‍डेमबेॽहा चोप हाङ्‌बाजि सुम्‍सिॽ खे़ए़म्‍मे।

परकास 16:5

मोबा ए़क्‍साङ योङासोक्‍पेॽ अधिन ले़ःॽखुबा थाङ्‌सिरिदुतडे़ॽ इडोॽ लुबॽआ के़ॽ खेप्‍सुङ, “हे पबित्‍रा निवाहाङ हे़न याक्‍लोसो टुसे़, आयुसो टुये, हे़ने़ॽ नुरोॽ न्‍याय ले़टु।

परकास 16:7

मोबा थानाबाङ इडोॽ लुमे़ॽनिङ्‌सिबॽआ के़ॽ खेप्‍सुङ, “हे, परमपरभु निवाहाङ चोप्‍पाङ सक्‍तिदाङ्‌बा, हे़ने़ॽ ले़ःॽपॽआ न्‍याय चाइबमानुङ धारमिक ले़ये।”

परकास 18:8

मोडोगे़ॽ इक्‍याकपेॽनोॽ मोसोक्‍पेॽ सोक, साक्‍आङ्‌सानुङ सिमवामि बिपत्‍ति लेङ्‌इहा, मोबा मिडे़ॽ मो हिॽनुङ खरानि टोङ्‌इन्‍डुए, इन्‍ढोङ्‌होङ मोमि न्‍याय ले़ःॽखुबा परमपरभु निवाहाङ चोप्‍पाङ सक्‍तिदाङ्‌बा ले़ये।”

परकास 19:11

के़ॽ थाङ्‌सिरि हेम्‍बोक्‍पॽआनुङ मोबेॽ इक्‍को उथ्‍रिॽमा घोडा खाङ्‌डोक्‍टुङ। मो घोडासोक्‍पेॽ सवारि लिघुबामि निङ “बिस्‍वासनुङमानुङ” “चाइबमा” लुये। खोसे़ॽ ठिक न्‍याय ले़न्‍डुएनुङ ङेः ले़न्‍डुए।

परकास 19:6

मोबा ए़क्‍साङ बेॽलो याॽमिजि सुम्‍नुङ वोबॽआडोॽ अथबा बेॽए वाडुमडोक्‍नुङ नान्‍द्‌रुङ्‌मा मुक्‍पॽआडोक्‍मा के़ॽ खेप्‍सुङ, मोसे़ॽ इडोॽ लुमे़ॽनिङ्‌सिडु, “हल्‍लेलुयाह! इन्‍ढोङ्‌होङ परमपरभु कानिङ्‌मि निवाहाङ चोप्‍पाङ बेॽए सक्‍तिदाङ्‌बा ले़ये, खोसे़ॽ राज्‍य ले़न्‍डुए।