परकास 1:8 - याम्फु

⁸ चोप्‍पाङ सक्‍तिदाङ्‌बा परभु निवाहाङ्‌डे़ॽ लुये, “कानोॽ अल्‍फानुङ ओमेगा ले़ङे” इगो लुबॽआ चाहिँ “कानोॽ सिरिस्‍टिबाङ याक्‍लोमानुङ कानोॽ चोप्‍पाङ ए़क्‍साङ्‌मासो ले़ङे” याक्‍लो खो टुसे़, आइसो खो टुये, मोबा ए़क्‍साङ्‌सो खो लेङ्‌इये।

परकास 1:8 Iomraidhean Croise

२ कोरिन्‍थि 6:18

“का हे़निङ्‌मि पाबा लिङे, मोबा हे़निङ के़हा पसाजि लिन्‍डानिङे, चोप्‍पाङ सक्‍तिदाङबा निवाहाङ्‌डे़ॽ लुये।”

परकास 1:11

मो सेम्‍लाडे़ॽ इडोॽ लुसा, “हे़ने़ॽ इगोबेॽ इमाङ खाङ्‌डोक्‍इन्‍डुए, माहा चोप खा इक्‍को नेॽचिराबेॽ साबे, मोबा एफिसस, स्‍मुरना, परगामम, थिआटिरा, सारडिस, फिलाडेल्‍फियानुङ लाउडिकिया इघा एच्‍चि गोटा मन्‍डलिबेॽ हाङ्‌बेॽटाजे।”

परकास 1:17

इडोॽ के़ॽ खो खाङ्‌माबेॽ कागो सिबॽआडोक्‍नोॽ लिनुङ खोमि सराङ्‌बेॽ काक्‍सिङ। मोबा खोसे़ॽ काङ्‌मि निन्‍डवाँबेॽ खोमि चुप्‍थिङ हुक युङ्‌साङ लुसा, “ए़क्‍किसिने, याक्‍लोमानुङ ए़क्‍साङ्‌मा कानोॽ ले़ङे।

परकास 1:4

का युहन्‍नाडे़ॽ एसियाबेॽ टुहा एच्‍चि गोटा मन्‍डलिबेॽहा बिस्‍वासिजि सेवा मुनुङे़, निवाहाङ याक्‍लोएम्‍बाङ टुसा, आयुसो टुये मोबा ए़क्‍साङ्‌सो लेङ्‌इये, मोबा निवाहाङ पेन्‍ढाममि पोम्‍बेॽ टुहा एच्‍चि गोटा होङ्‌निवाबाङ हे़निङ अनुग्‍रहानुङ सान्‍ति लिरो।

परकास 11:17

“हे परभु निवाहाङ, चोप्‍पाङ सक्‍तिदाङ्‌बा, हे़न सिरिस्‍टि लिबॽआबाङ टुसे़नुङ आयुसो टुसिये, कानिङे़ॽ हे़न ओहाक पिन्‍डुङ्‌मे, इन्‍ढोङ्‌होङ हे़ने़ॽ टाङ्‌बामि बेॽएम्‍मा अधिकार लानुङ टाङ्‌बामि राज्‍य तरिक्‍पोॽइटुए।

परकास 15:3

माहाजिडे़ॽ इडोॽ लुसाङ निवाहाङ्‌मि सेउते मोसामिनुङ थुमामि सेम सेम्‍लुमे़ॽनिङ्‌सिडुजि, “हे परमपरभु निवाहाङ चोप्‍पाङ बेॽए सक्‍तिदाङ्‌बा, हे़ने़हा योम्‍बोक सारोनोॽ महाननुङ खरिहा ले़हा, चोप जातिहा याॽमिजिमि हाङ्‌बा, हे़ने़हा मराम धरमिनुङ चाइबमा ले़हा।

परकास 16:14

माहाजि खरि खरिहा चिङ्‌गा ले़ःॽखुबा मङे़हा होङ्‌निवाजि ले़म्‍मे। खोजि चोप्‍पाङ सक्‍तिदाङ्‌बा निवाहाङ्‌मि बेॽएम्‍मा याकपेॽ ङेः ले़ःॽमामि मक्‍खाम्‍डेमबेॽहा चोप हाङ्‌बाजि सुम्‍सिॽ खे़ए़म्‍मे।

परकास 16:7

मोबा थानाबाङ इडोॽ लुमे़ॽनिङ्‌सिबॽआ के़ॽ खेप्‍सुङ, “हे, परमपरभु निवाहाङ चोप्‍पाङ सक्‍तिदाङ्‌बा, हे़ने़ॽ ले़ःॽपॽआ न्‍याय चाइबमानुङ धारमिक ले़ये।”

परकास 19:15

मक्‍खाम्‍डेमबेॽहा जाति जातिहा याॽमिजि हेजामामि लागि खोमि याबुकबाङ फेया पे़आबा। खोसे़ॽ चे़क्‍चिमि टोङ्‌इराडे़ॽ माहाजिसोक्‍पेॽ नम्‍नम मे़ॽनिङ सासन ले़न्‍डुए। अङ्‌गुर कोलबेॽ ए़न्‍नुङ यिम्‍डिडोॽ चोप्‍पाङ बेॽए सक्‍तिदाङ्‌बा निवाहाङ्‌मि सुरिकमि कोलबेॽ माहाजि यिम्‍इन्‍डुजे।

परकास 19:6

मोबा ए़क्‍साङ बेॽलो याॽमिजि सुम्‍नुङ वोबॽआडोॽ अथबा बेॽए वाडुमडोक्‍नुङ नान्‍द्‌रुङ्‌मा मुक्‍पॽआडोक्‍मा के़ॽ खेप्‍सुङ, मोसे़ॽ इडोॽ लुमे़ॽनिङ्‌सिडु, “हल्‍लेलुयाह! इन्‍ढोङ्‌होङ परमपरभु कानिङ्‌मि निवाहाङ चोप्‍पाङ बेॽए सक्‍तिदाङ्‌बा ले़ये, खोसे़ॽ राज्‍य ले़न्‍डुए।

परकास 2:8

“मोबा स्‍मुरनाबेॽए मन्‍डलि खाङ्‌खुबा अगुवामि लागि इगो खा साबे, चोप्‍पाङ याक्‍लो खोनोॽ टुसे़नुङ चोप्‍पाङ ए़क्‍साङ्‌सो खोनोॽ टुये खो सिघे़ॽनुङ हिङ्‌बोगा हागोरो खो हिङ्‌रिक ले़ये। इगो लम्‍बवाँ चाहिँ परभु येसुमि ले़ये, खोसे़ॽ इडोॽ लुये,

परकास 21:22

के़ॽ मो सहरबेॽ इक्‍कोसो मन्‍दिर मे़ङ्‌खाङ्‌डोक्‍टुङ, इन्‍ढोङ्‌होङ चोप्‍पाङ सक्‍तिदाङ्‌बा परभु निवाहाङ्‌नुङ थुमानोॽ मो सहरमि मन्‍दिर ले़टाजे।

परकास 21:6

मोबा निवाहाङ्‌डे़ॽ का लुसिङ, “हागो चोप योम्‍बोक रुक्‍खे़टाहा। का अल्‍फानुङ ओमेगा ले़ङे, चोप्‍पाङ याक्‍लोमानुङ चोप्‍पाङ ए़क्‍साङ्‌मा कानोॽ ले़ङे। असा असाजि वाइॽमे़ॽ सिन्‍डुजे, माहाजि के़ॽ हिङ्‌मवामि योङा पिॽठामबाङ उङ्‌मा पिनुङ्‌हाजि।

परकास 22:13

कानोॽ अल्‍फानुङ ओमेगा, मोबा याक्‍लोमानुङ ए़क्‍साङ्‌ए, पुःक्‍मारानुङ रुक्‍मरा (रुक्‍सिमा, तुरनि) ले़ङे।

परकास 4:8

माहा रिउम गोटा जिवातजिमि चुक्‍चि चुक्‍चि गोटा लाप्‍खे़ॽवा टुसानुङ माहाजिमि खिरिरि मिकरेॽनोॽ टुसा। माहाजि सेन्‍डा लेन्‍डा इडोॽ कासाङ सेम्‍लुमे़ॽनिङ्‌सिडामि, “चोप्‍पाङ सक्‍तिदाङ्‌बा परमपरभु निवाहाङ पबित्‍रा, पबित्‍रा, पबित्‍रा ले़ये। खो चोप्‍पाङ याक्‍लोमा ले़टे़, खो आइसो टुये, खो लेङ्‌इये।”