परकास 1:5 - याम्फु

⁵ बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 1:5 Iomraidhean Croise

मत्‍ति 20:28

इडोक्‍नोॽ याॽमिमि पसासो हाइखाजिबाङ सेवा चुप्‍मामि लागि ने़ॽनि, हाइखाजि सेवा पिसिॽनुङ बेॽलो याॽमिजि छुट्‌कारा ले़ःॽमामि लागि टाङ्‌बामि सोःक्‍मा पिसिॽ लेस्‍सा।”

मत्‍ति 28:18

मोबा येसु खोजिमि के़क्‍पेॽ खे़ॽनुङ लुसुजि, “खेप्‍सानुमे, निवाहाङ्‌डे़ॽ का थाङ्‌सिरिनुङ मक्‍खाम्‍डेमसोक्‍पेॽ चोप अधिकार पिटे़।

युहन्‍ना 13:1

छुट्‌कारा चाड लेम्‍मा याक्‍लो, इगो मक्‍खाम्‍डेमबाङ बिदा लिनुङ पाबाबेॽ खे़ॽमे बेला लेन्‍सिॽ पोरोइटे़ लुनुङ येसुडे़ॽ लेडोक्‍टु, मोबा मक्‍खाम्‍डेमबेॽ टुघुबा खोमि टाङ्‌बाङ्‌जि चोङ्‌साजि, नम्‍नम ले़टुजे, मोबा खो खे़ॽमा बेलाठोकनोॽ नम्‍नम ले़टुजि।

युहन्‍ना 13:34

हागो हे़निङ इक्‍को चोङ आग्‍या पिनिम्‍ने़, के़ॽ हे़निङ नम्‍नम ले़टिडोक्‍नोॽ हे़निङ्‌मि रुम्‍बेॽसो इक्‍कोसे़ॽ हाइको नम्‍नम ले़ःॽखुसे़ॽचुमे़।

युहन्‍ना 15:9

“पाबाडे़ॽ का नम्‍नम ले़टिडोॽ, के़ॽसो हे़निङ नम्‍नम ले़ए़टुङे। हागो हे़निङ काङ्‌मि नम्‍नमबेॽ सानिङ टुसानिङे।

युहन्‍ना 18:37

पिलातसडे़ॽ येसु सिप्‍सु, “मोडोक्‍होङ हे़न हाङ्‌बानोॽ ले़ये ?” येसुडे़ॽ लुसु, “का हाङ्‌बा ले़ङे लुनुङ हे़ने़ॽनोॽ लुमे़ॽनिङ्‌सिये। इगोमि लागि मोबा चाइबमा गबाहि पिमामि का इगो मक्‍खाम्‍डेमबेॽ टोक्‍इटिङे। चाइबमा खा नेन्‍जाखुबा चोबे़ॽ के़हा खा खेम्‍इन्‍डुजे।”

युहन्‍ना 3:11

चइबानोॽ के़ॽ हे़न लुन्‍ने़, कानिङे़ॽ इमा लेन्‍डुङ्‌मा मो खानोॽ लुन्‍डुङ्‌मा, कानिङे़ॽ इमाङ खाङ्‌इटुङ्‌मे मोमि साक्‍छि पिन्‍डुङ्‌मा, तर कानिङे़ॽ पिबॽआ साक्‍छिबेॽ हे़निङे़ॽ बिस्‍वासनोॽ ले़टानुम्‍नि।

युहन्‍ना 3:16

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि इडोॽ बेॽलो नम्‍नम ले़ःॽपॽआसे़ॽ खोमि इक्‍कोमा पसासो खोजिमि लागि पाक्‍सु। मोडोगे़ॽ खोमि पसाबेॽ बिस्‍वास ले़ःॽखुबाजि असासो नासि मे़ल्‍लिमिरो, तर खोजि चोबे़ॽ ए़स्‍सिमे हिङ्‌मवा चुप्‍टुजिरो।

युहन्‍ना 3:32

खोसे़ॽ इमाङ खाङ्‌इटुहा, खेम्‍इटुहा माहा खामिन्‍नोॽ खोसे़ॽ गबाहि पिन्‍डुहा, तर खोमि गबाहि असे़ॽसो खेप्‍सुजिनि।

एप्‍पा चोङ्‌सा 20:28

मोडोगे़ॽ हागो हे़निङ टाङ्‌बानुङ मन्‍डलिबेॽहा याॽमिजिमि लागिसो होसियार ले़टानिङे। पबित्‍रा होङ्‌निवाडे़ॽ हे़निङ खाङ्‌घुबा टोङ्‌बॽआसे़ॽ निवाहाङ्‌मि पसामि हरिडे़ॽ इम्‍बॽआ मन्‍डलि नुरोॽ खाक्‍सानुमे।

एप्‍पा चोङ्‌सा 26:23

मुक्‍ति पिघुबा हाङ्‌बा खिरिस्‍टडे़ॽ खेः आङ्‌मानुङ सिमा खे़ये, खो सिघे़ॽपॽआबाङ हिङ्‌बोक्‍खुबाजिबेॽ चोप्‍पाङ याक्‍लोमा लियेनुङ खोसे़ॽ मुक्‍तिमि उज्‍यालो यहुदिजिनुङ अयहुदि जातिहा याॽमिजिबेॽसो लाजे़न्‍डुए, लुनुङ अगमबक्‍ताजिडे़ॽ लुबेबॽआ ले़टे़।”

रोमि 3:25

निवाहाङ्‌डे़ॽ खोनुङ सोरि इक्‍को लिमामि लागि खिरिस्‍ट येसु बलिदान लिसिॽ पाक्‍सु, मो बिस्‍वास ले़ःॽखुबा याॽमिजिमि पापमि आम्‍लाङ पिये। इगो योम्‍बोक निवाहाङ्‌डे़ॽ टाङ्‌बामि धारमिक खा खाङ्‌मुमामि ले़टु। निवाहाङ्‌डे़ॽ खिरिस्‍ट लेम्‍मा याक्‍लो खोमि सुरिक चुम्‍नुङ युङ्‌बॽआ ले़टे़नुङ याॽमिजिडे़ॽ ले़ःॽपॽआ पापमि दन्‍डा मे़म्‍पिसुजि।

रोमि 8:37

तर कानिङ नम्‍नम ले़ःॽखुबा खिरिस्‍टमि लामबाङ्‌नोॽ बिस्‍वासिजिडे़ॽ इघा चोप खागो हेजाबेटुङ्‌मे।

१ कोरिन्‍थि 6:11

हे़निङ इन्‍डोक जनाजि याक्‍लो इडोक्‍नोॽ ले़टानिङ। तर हागो हे़निङ पापबाङ पबित्‍रा चोखो लिटानिङे। निवाहाङ्‌डे़ॽ हे़निङ चोखो टोङ्‌इटे़। परभु येसु खिरिस्‍टमि निङ्‌बेॽ निवाहाङ्‌मि पबित्‍रा होङ्‌निवाबाङ हे़निङ निवाहाङ्‌मि पोम्‍बेॽ धरमि लिटानिङे।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

एफिसि 2:4

तर निवाहाङ सारोनोॽ नम्‍नावादाङ्‌बा ले़येन्‍से़ॽ कानिङ बेॽलोनोॽ नम्‍नम ले़टा।

एफिसि 5:2

खिरिस्‍टडे़ॽ कानिङ नम्‍नम ले़टानुङ नाम्‍जानुये धुपा लिनुङ कानिङ्‌मि पापमि लागि खोमि हिङानोॽ निवाहाङ्‌बेॽ चेॽटिसु। मोडोक्‍नोॽ हे़निङ्‌सो नम्‍नम ले़ःॽखुबाजि लिसानिङे।

कलस्‍सि 1:18

मन्‍डलि चाहिँ खिरिस्‍टमि हिङा ले़ये, खो मन्‍डलिमि निन्‍डवाँ ले़ये। खोनोॽ याक्‍लोमा ले़ये, खोनोॽ चोप खासोक्‍पेॽ एप्‍पा लिरो लुनुङ सिबॽआजिबाङ हिङ्‌बोक्‍पॽआजिबेॽ चोप्‍पाङ खो टुम्‍इये।

१ तिमोथि 6:13

चोप थोक हिङ्‌मवा पिघुबा निवाहाङ्‌नुङ पन्‍तियस पिलातसमि पोम्‍बेॽ चाइबमा खामि साक्‍छि पिघुबा येसु खिरिस्‍टमि पोम्‍बेॽ इगो आग्‍या पिन्‍ने़,

१ तिमोथि 6:15

निवाहाङ्‌डे़ॽ येसु खिरिस्‍ट फेरि पाङ्‌मामि लागि मो याक पक्‍का ले़पेटुए। कानिङ्‌मि आसिसित निवाहाङ। खोरेॽ चोप्‍पाङ बेॽएम्‍मा। हाङ्‌बाजिमि हाङ्‌बा मोबा परभुजिमि परभु ले़ये।

हिब्‍रु 10:29

हे़निङे़ॽ मिॽखाक्‍सानुमे, निवाहाङ्‌मि पसामि बिरोध ले़ःॽखुबा, पापबाङ आम्‍लाङ पिघुबा हेन्‍ज्‍रुङ पुरा ले़ःॽखुबा खिरिस्‍टमि हरि सिॽचाघुबा, मोबा टाङ्‌बा अनुग्‍रहा ले़ःॽखुबा पबित्‍रा होङ्‌निवामि अपमान ले़ःॽखुबा याॽमिडे़ॽ इन्‍डोक बेॽएम्‍मा दन्‍डा चुप्‍मिन्‍डु होला ?

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

१ पत्‍रुस 1:19

हे़निङ खिरिस्‍टमि इन्‍नोॽइन्‍हेनिबा हरिडे़ॽ छुट्‌कारा पिटे़। खो चोखो, इक्‍कोसो आप्‍टिक मे़ॽनिङ्‌मा थुमा ले़टा।

१ युहन्‍ना 1:7

तर खो जोतिबेॽ टुबॽआडोक्‍नोॽ कानिङ्‌सो जोतिबेॽ राप्‍सिङ्‌माहोङ, कानिङ इक्‍कोमि हाइकोनुङ सङ्‌गति लिये। मोबा निवाहाङ्‌मि पसा येसुमि हरिडे़ॽ कानिङ चोप पापबाङ चोखो टोङ्‌इये।

१ युहन्‍ना 4:10

निवाहाङ्‌मि नम्‍नम इगोनोॽ ले़ये कानिङे़ॽ निवाहाङ नम्‍नम ले़ःॽपॽआ ने़ॽनि, तर खोसे़ॽ चाहिँ याक्‍लो कानिङ नम्‍नम ले़टा, मोबा खोमि पसा कानिङ्‌मि पापमि साटोबेॽ काप्‍सिङ्‌बेॽ सिसिॽ पाक्‍सु।

परकास 11:15

इगोबाङ ए़क्‍साङ एच्‍चिमा थाङ्‌सिरिदुतडे़ॽ खोमि तुरहि मिडु, मोडोक्‍पेॽ थाङ्‌सिरिबेॽ बेॽहा बेॽहा सेम्‍लानुङ इडोॽ खेम्‍मुसा, “मक्‍खाम्‍डेमसोक्‍पेॽ राज्‍य ले़ःॽमे अधिकार हागोएम्‍बाङ कानिङ्‌मि परभु निवाहाङ्‌नुङ खोसे़ॽ से़न्‍बॽआ खिरिस्‍टमिनोॽ लिटे़, खोसे़ॽनोॽ सानिङ्‌मु राज्‍य ले़न्‍डुए।”

परकास 11:3

मोबा सिङ्‌गिमामि चेॽ चाङ्‌बॽआ निप्‍पाङ काङ्‌मि साक्‍छि पिघुबाजि इक हजार निच्‍चि सये चुक्‍चिबोङ अगमबानि ले़ःॽमामि पाङ्‌इनुङ्‌हाजि।

परकास 17:14

अक्‍खाजि थुमामि बिरोधबेॽ ङेः ले़न्‍डुजे, तर अक्‍खाजि थुमाडे़ॽ हेजोन्‍डुजे, इन्‍ढोङ्‌होङ खो परभुजिमि परभुनुङ हाङ्‌बाजिमि हाङ्‌बा ले़ये। खोनुङ सोरि टुघुबाजि चाहिँ के़ःॽपॽआजि, से़न्‍बॽआजिनुङ बिस्‍वासनुङ्‌हाजि ले़म्‍मे।”

परकास 19:11

के़ॽ थाङ्‌सिरि हेम्‍बोक्‍पॽआनुङ मोबेॽ इक्‍को उथ्‍रिॽमा घोडा खाङ्‌डोक्‍टुङ। मो घोडासोक्‍पेॽ सवारि लिघुबामि निङ “बिस्‍वासनुङमानुङ” “चाइबमा” लुये। खोसे़ॽ ठिक न्‍याय ले़न्‍डुएनुङ ङेः ले़न्‍डुए।

परकास 19:16

खोमि चेॽनुङ सब्‍रे़कपेॽ “हाङ्‌बाजिमि हाङ्‌बानुङ परभुजिमि परभु” लुमे निङ साप्‍पॽआ ले़टा।

परकास 2:13

सैतानमि पेन्‍ढाममि के़क्‍पेॽनोॽ हे़निङ पेङ्‌इन्‍डानिङे लुमे खा के़ॽ लेनुङे़। तरसो हे़निङे़ॽ काबेॽ ले़ःॽपॽआ बिस्‍वास बोलियो ले़ये। साक्‍छि बोलियो बिस्‍वासनुङ्‌मा एन्‍टिपास सैतानमि पेन्‍ढाम के़क्‍पेॽ सेॽनेमाबेॽसो हे़निङे़ॽ बिस्‍वास मे़लेडानुम।

परकास 3:14

“मोबा लाउडिकिया मन्‍डलि खाङ्‌खुबा अगुवामि लागि इगो लम्‍बवाँ साबे निवाहाङ्‌मि सिरिस्‍टिमि मुल, बिस्‍वास ले़ःॽमारोनुङ चइबमा साक्‍छिनुङ आमेन लुघुबाडे़ॽ इडोॽ लुये।

परकास 7:14

मोबा के़ॽ खो लुसुङ, “के़ॽको लेसुङ्‌नि, हे़ने़ॽनोॽ लेन्‍डुहा।” खोसे़ॽ का लुसिङा, “खोजि चाहिँ बेॽलो चुङ्‌जामा खेः आङ्‌नुङ लेङ्‌इटामे, खोजिडे़ॽ टाङ्‌बा टाङ्‌बामि चेॽ थुमामि हरिडे़ॽ वासोक्‍नुङ उथ्‍रिॽहा टोङ्‌इटुजे।