परकास 1:20 - याम्फु

²⁰ काङ्‌मि चुप्‍थिङ हुकपेॽ खाङ्‌डोक्‍पॽआ इघा एच्‍चि गोटा साङ्‌गेनुङ एच्‍चि गोटा सुनामि कुप्‍पि युङ्‌ढामडे़ॽ लुमायोक्‍पॽआ खा चाहिँ इडोॽ ले़हा। एच्‍चि गोटा सुनामि कुप्‍पि युङ्‌ढाम लुबॽआ चाहिँ एच्‍चि गोटा मन्‍डलि ले़हा, मोबा एच्‍चि गोटा साङ्‌गे लुबॽआ चाहिँ एच्‍चि गोटा मन्‍डलि खाङ्‌घुबा थाङ्‌सिरिदुतजि ले़म्‍मे।

परकास 1:20 Iomraidhean Croise

मत्‍ति 13:11

येसुडे़ॽ खोजि लुसुजि, “खाक्‍सानुमे, निवाहाङ्‌मि राज्‍यमि होङ्‌सिॽयुहा खा लेहेमे निवा हे़निङे़ॽ चुप्‍मिटानुमे। तर खोजि चाहिँ माहा खा लेहेमे निवा मे़म्‍पिडिॽ।

लुका 8:10

येसुडे़ॽ माहाजि लुसुजि, “हे़निङ चाहिँ निवाहाङ्‌मि राज्‍यहोङ्‌सिॽयुहा खा लेहेमे निवा पिबॽआ ले़ये। तर हाइखाजि चाहिँ खानवाबाङ लुमा खे़म्‍मे। मोडोगे़ॽ माहाजिडे़ॽ खाङ्‌मागो खाङ्‌इन्‍डुजे तर खाङ्‌डोक्‍टुजिने, खेम्‍मागो खेम्‍इन्‍डुजे तर लेहेसुजिने।

रोमि 11:25

वावानिसानुङ नानुसाजि, हे़निङ टाङ्‌बा काङायोङ्‌बा ए़लिसानिङे लुनुङ इगो इक्‍को लेमा छॽइये खा लेसानुमे लुमा मिॽइनुङे। मो लेसानुमहोङ हे़निङ टाङ्‌बामि खाबेॽ काङायोङ्‌बा ले़टानुम्‍नि। मो लेमा छॽइये खा लुबॽआ चाहिँ बिस्‍वासबेॽ इन्‍डोक लेम्‍मा खे़म्‍मे अयहुदिजि मे़लेम्‍मिरोठोक बेॽलो यहुदिजिमि निवा छाक्‍मेन्‍डुजे।

परकास 1:11

मो सेम्‍लाडे़ॽ इडोॽ लुसा, “हे़ने़ॽ इगोबेॽ इमाङ खाङ्‌डोक्‍इन्‍डुए, माहा चोप खा इक्‍को नेॽचिराबेॽ साबे, मोबा एफिसस, स्‍मुरना, परगामम, थिआटिरा, सारडिस, फिलाडेल्‍फियानुङ लाउडिकिया इघा एच्‍चि गोटा मन्‍डलिबेॽ हाङ्‌बेॽटाजे।”

परकास 1:16

खोमि चुप्‍थिङ हुगे़ॽ एच्‍चि गोटा साङ्‌गे राःप्‍पॽआ ले़टा, खोमि याबुकबाङ निगे़ङ्‌लामनोॽ वेङ्‌इये फेया पे़आॽपॽआ ले़टा। खोमि नजिक चाहिँ लेन्‍डामि नमडोॽ पोक्‍पॽआ ले़टा।

परकास 1:4

का युहन्‍नाडे़ॽ एसियाबेॽ टुहा एच्‍चि गोटा मन्‍डलिबेॽहा बिस्‍वासिजि सेवा मुनुङे़, निवाहाङ याक्‍लोएम्‍बाङ टुसा, आयुसो टुये मोबा ए़क्‍साङ्‌सो लेङ्‌इये, मोबा निवाहाङ पेन्‍ढाममि पोम्‍बेॽ टुहा एच्‍चि गोटा होङ्‌निवाबाङ हे़निङ अनुग्‍रहानुङ सान्‍ति लिरो।

परकास 17:5

मोमि तुरुवाबेॽ लेमा छॽइये इक्‍को निङ साप्‍पॽआ ले़टा, “बेॽए सहर बेबिलोन, मक्‍खाम्‍डेमबेॽ बेभिचार ले़ःॽखुबाजिमिनुङ चिक्‍चिमिॽमारोहा खामि मामा।”

परकास 17:7

मोबा मो थाङ्‌सिरिदुतडे़ॽ का लुसिङ, “हे़न इन्‍ढोङ खरि मिङ्‌इये ? मो मेॽनामिॽ खिघुबा एच्‍चि निन्‍डवाँनुङ इक्‍पोङ सजाङ्‌नुङ्‌बा जिवातमि लेमा छॽइये खा हे़न इःबेन्‍ने़।

परकास 2:1

“एफिसस सहरबेॽहा मन्‍डलि खाङ्‌खुबा अगुवाजि इगो खा साबे, एच्‍चि गोटा साङ्‌गे टाङ्‌बामि चुप्‍थिङ हुकपेॽ याङ्‌घुबानुङ एच्‍चि गोटा सुनामि कुप्‍पि युङ्‌ढाममि रुम्‍बेॽ राम्‍घुबाडे़ॽ इडोॽ लुये।

परकास 2:12

“मोबा परगाममबेॽए मन्‍डलिबेॽ खाङ्‌खुबा अगुवाजि इगो खा साबे, निलामनोॽ धारनुङ्‌मा फेया काप्‍खुबा परभु येसुडे़ॽ इडोॽ लुये।

परकास 2:18

“मोबा थिआटिराबेॽए मन्‍डलि खाङ्‌खुबा अगुवा इगो खा साबे, इगो खा निवाहाङ्‌मि पसाडे़ॽ लुये, खोमि मिक मिमि राप्‍लवाडोॽ ले़ये, खोमि सराङ पे़ङ्‌नुङ पोॽइये काँसाडोॽ ले़हा।

परकास 2:5

हे़निङे़ॽ टाङ्‌बामि टुम्‍बेॽ नुरोॽ मिॽखाक्‍सानुमे, हे़निङ्‌मि याक्‍लोए बिस्‍वासबाङ इन्‍डोक मिॽमु हेॽयुटानिङे। हागो हे़निङे़ॽ पापि योम्‍बोक लेॽपेनुङ टेआबानिङे, मोबा याक्‍लो हे़निङे़ॽ ले़टिडोक्‍नोॽ ले़टानुमे। मोडोॽ मे़ले़टानुमहोङ्‌गो का हे़निङ्‌बेॽ लेन्‍नुङ हे़निङ्‌मि सुनामि कुप्‍पि युङ्‌ढाम मो ठाउँबाङ सेम्‍बेनुङे।

परकास 2:8

“मोबा स्‍मुरनाबेॽए मन्‍डलि खाङ्‌खुबा अगुवामि लागि इगो खा साबे, चोप्‍पाङ याक्‍लो खोनोॽ टुसे़नुङ चोप्‍पाङ ए़क्‍साङ्‌सो खोनोॽ टुये खो सिघे़ॽनुङ हिङ्‌बोगा हागोरो खो हिङ्‌रिक ले़ये। इगो लम्‍बवाँ चाहिँ परभु येसुमि ले़ये, खोसे़ॽ इडोॽ लुये,

परकास 3:1

“सारडिसमि मन्‍डलि खाङ्‌खुबा अगुवाजिमि लागि इगो लम्‍बवाँ साबे इगो लम्‍बवाँ निवाहाङ्‌मि एच्‍चि होङ्‌निवानुङ एच्‍चि साङ्‌गे हुकपेॽ याङ्‌घुबाडे़ॽ इडोॽ लुये। हे़ने़ए़ योम्‍बोक के़ॽ लेनुङे़, हे़न हिङ्‌रिक ले़ये लुमे निङ्‌गो टुये, तर हे़निङ्‌गो सिघे़टानिङे़।

परकास 3:14

“मोबा लाउडिकिया मन्‍डलि खाङ्‌खुबा अगुवामि लागि इगो लम्‍बवाँ साबे निवाहाङ्‌मि सिरिस्‍टिमि मुल, बिस्‍वास ले़ःॽमारोनुङ चइबमा साक्‍छिनुङ आमेन लुघुबाडे़ॽ इडोॽ लुये।

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।