परकास 1:18 - याम्फु

¹⁸ हिङ्‌रिक लिघुबा चाहिँ कानोॽ ले़ङे। का सिबॽआ ले़टिङे, तर खाक्‍सानुमे, हागो का सानिङ्‌मि लागि हिङ्‌रिक लिटिङे। मोबा सिमवानुङ पाताल से़क्‍ठाम साँचो कानुङ टुहा।

परकास 1:18 Iomraidhean Croise

मत्‍ति 11:23

“होउ कफरनहुमबेॽहा याॽमिजि, इमा हे़निङे़ॽ थाङ्‌सिरिॽटु खे़ॽटोक्‍इन्‍डानुमे ? ने़ॽनि हे़निङगो खेःलोकपेॽ राप्‍खे़न्‍डानिङे। इन्‍ढोङ्‌होङ हे़निङ्‌बेॽ ले़ःॽपॽआ खरिहा योम्‍बोक सदोमबेॽहा याॽमिजिमि रुम्‍बेॽ ले़ःॽपॽआ ले़टाहोङ माहाजिमि सहर हागोरोसो टुसा।

मत्‍ति 16:19

के़ॽ हे़न थाङ्‌सिरिमि राज्‍य हेन्‍ढाम साचो पिन्‍ने़। हे़ने़ॽ इगो मक्‍खाम्‍डेमबेॽ इमाङ हिःक्‍इन्‍डुए मो थाङ्‌सिरिॽटुसो हिःक्‍इये, मोबा इमाङ इमाङ इगो मक्‍खाम्‍डेमबेॽ हेङ्‌इन्‍डुए, मो थाङ्‌सिरिॽटुसो हेङ्‌इये।”

लुका 24:5

इगो खाङ्‌नुङ मेॽनामिॽचि बेॽलो किस्‍सिमानुङ भुइबेॽ पोप्युसामि। मोडोक्‍पेॽ मोजिडे़ॽ सिप्‍साजु, “हिङ्‌रिक याॽमि इन्‍ढोङ्‌डे सिघे़ॽपॽआजिमि रुम्‍बेॽ योॽइन्‍डानुमे ?

युहन्‍ना 11:25

येसुडे़ॽ खो लुसु, “सिघे़ॽपॽआजि हिङ्‌बोक्‍खुबानुङ ए़ॽसिमे हिङ्‌मवा पिघुबा कानोॽ ले़ङे। काबेॽ बिस्‍वास ले़ःॽखुबा सिघे़ॽहोङ्‌सो मो हिङ्‌बोॽइये।

युहन्‍ना 14:19

हागो इॽछोॽ ए़क्‍साङ मक्‍खाम्‍डेमबेॽहा याॽमिजिडे़ॽ का खाङ्‌डोक्‍हेमिने, तर हे़निङे़ॽ चाहिँ का खाङ्‌डोक्‍हेन्‍डानुमे। का हिङ्‌रिक ले़ःॽपॽआसे़ॽ हे़निङ्‌सो हिङ्‌रिक लिन्‍डानिङे।

रोमि 6:9

कानिङे़ॽ लेन्‍डुङ्‌मे़, खिरिस्‍ट सिघे़ॽनुङ्‌सो फेरि हिङ्‌बोइटे़। हागो खो इन्‍डोक्‍पेॽसो सिनिबा, मोबा खो सिमवाडे़ॽ अनिधबेॽ युङ्‌हेसुनिबा।

२ कोरिन्‍थि 13:4

खो कमजोर लिनुङ काप्‍सिङ्‌बेॽ कानिङ्‌मि लागि बलि लिसा, तर निवाहाङ्‌मि सक्‍तिडे़ॽ खो हिङ्‌रिक लिसा। इडोॽ कानिङ्‌सो खोडोक्‍नोॽ कमजोर लिटिङ्‌मे़, तर कानिङे़ॽ हे़निङ्‌मि रुम्‍बेॽ निवाहाङ्‌मि योम्‍बोक ले़ःॽमामि खोमि सक्‍तिडे़ॽ खिरिस्‍टनुङ्‌नोॽ सक्‍तिनुङ्‌मा लिन्‍डिङ्‌मे़।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

कलस्‍सि 3:3

इन्‍ढोङ्‌होङ हे़निङ सिघे़टानिङे, हे़निङ्‌मि हिङ्‌मवा निवाहाङ्‌बेॽ खिरिस्‍टनुङ चुम्‌युङ्‌बॽआ ले़हा।

हिब्‍रु 1:3

खोबाङ्‌नोॽ निवाहाङ्‌मि महिमानुङ्‌मा उज्‍यालो पोॽइये। खो निवाहाङ्‌मि चाइबमा नरिङ ले़ये। खोमि सक्‍तिनुङ्‌मा बचनडे़ॽनोॽ नान्‍द्‌रुङ्‌मानुङ मक्‍खाम्‍डेमबेॽहा चोप थोक टुन्‍डुङ्‌घे़हा। याॽमिजि पापबाङ छुट्‌कारा ले़ःॽसेॽनुङ खो चोप्‍पाङ मिन्‍डुनुङ निवाहाङ्‌मि चुप्‍थिङ्‌लाम पेङ्‌इटे़।

हिब्‍रु 12:2

कानिङ्‌मि बिस्‍वास तरिक्‍खुबानुङ मो पुरा ले़ःॽखुबा येसुलाम खाङ्‌मा। खोसे़ॽ खोमि पोम्‍बेॽ युङ्‌बेॽपॽआ काप्‍सिङ्‌मि खेः खाङ्‌नुङ ए़ङ्‌गुवालाम मे़न्‍सेना। मोमि साटो खेः आङ्‌नुङ ए़क्‍साङ चुप्‍मिये हाङ्‌हाङ्‌मि लागि काप्‍सिङ्‌बेॽ बेजेत आङ्‌सिॽ पोरोगा। आइ खो निवाहाङ्‌मि पेन्‍ढाममि चुप्‍थिङ्‌लाम पेङ्‌इटे़।

हिब्‍रु 7:16

खो लेबि टुबाजिडे़ॽ पिबॽआ आग्‍यानुङ नियमबाङ याडाङ्‌बा लिबॽआ ने़ॽनि, तर इन्‍डोक्‍पेॽसो नास लिनिबा हिङ्‌मवामि सक्‍तिबाङ लिबॽआ याडाङ्‌बा ले़ये।

हिब्‍रु 7:25

मोडोगे़ॽ येसुबेॽ बिस्‍वास ले़ःॽनुङ निवाहाङ्‌बेॽ आप्‍खुबाजि खोसे़ॽ सानिङ्‌मि लागि हिङ्‌मेॽहेन्‍डुजे, इन्‍ढोङ्‌होङ याॽमिजिमि लागि निवाहाङ्‌नुङ पारथना ले़ःॽपेॽमामि खो सानिङ टुडुङ्‌घे़ये।

परकास 10:6

मोबा सानिङ हिङ्‌रिक लिघुबा, नान्‍द्‌रुङ्‌मा, माहोङ्‌मा, मक्‍खाम्‍डेमनुङ मोबेॽ टुहा चोप थोक टोङ्‌घुबा निवाहाङ्‌मि निङ्‌बेॽ हेन्‍ज्‍रुङ हे़न्‍नुङ मो थाङ्‌सिरिदुतडे़ॽ लुसु, “हागो ढिलो लिनिबा।

परकास 15:7

मोबा माहा रिबाङ हिङ्‌रिक जिवातजिबेॽ इक्‍कोसे़ॽ चाहिँ सुनामि एच्‍चि गोटा खोरिया एच्‍चि जना थाङ्‌सिरिदुतजि पिसुजि। माहा खोरिया इॽठुप सानिङ्‌मु हिङ्‌रिक टुघुबा निवाहाङ्‌मि सुरिक टुसा।

परकास 2:8

“मोबा स्‍मुरनाबेॽए मन्‍डलि खाङ्‌खुबा अगुवामि लागि इगो खा साबे, चोप्‍पाङ याक्‍लो खोनोॽ टुसे़नुङ चोप्‍पाङ ए़क्‍साङ्‌सो खोनोॽ टुये खो सिघे़ॽनुङ हिङ्‌बोगा हागोरो खो हिङ्‌रिक ले़ये। इगो लम्‍बवाँ चाहिँ परभु येसुमि ले़ये, खोसे़ॽ इडोॽ लुये,

परकास 20:13

मोबा माहोङ्‌माडे़ॽ खोनुङ टुबॽआ सिबॽआजि टेबेॽटुजि, मोबा सिमवानुङ पातालनुङ टुबॽआ सिबॽआजि टेबेॽटुजि। मोबा माहाजि चोपमि टाङ्‌बा टाङ्‌बे़ॽ ले़ःॽपॽआ योम्‍बोकडोक्‍नोॽ न्‍याय लिसा।

परकास 20:14

मोबा ए़क्‍साङ सिमवानुङ पातालसो मिमि कुन्‍डाबेॽ राप्‍खडा, इगो मिमि कुन्‍डा लुबॽआ चाहिँ हाइकोमा सिमवा ले़ये।

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।

परकास 4:9

माहा रिउम हिङ्‌रिक जिवातजिडे़ॽ हाङ्‌पेन्‍ढामबेॽ सानिङ टुडुङ्‌घे़ॽखुबा महिमा, आदरनुङ ओहाक पिमाबेॽ,

परकास 5:14

मोबा माहा रिउम हिङ्‌रिक जिवातजिडे़ॽ “आमेन” लुसुजि, मोबा माहा धारमिक गुरुजि उःक्‌युनुङ निवाहाङ्‌नुङ थुमा ढोग ले़टुजि।

परकास 6:8

के़ॽ हरदिजिक्‍पा घोडा खाङ्‌डोक्‍टुङ, मो घोडाबेॽ साङ्‌घुबामि निङ चाहिँ “सिमवा” ले़टा, मोबा पातालडे़ॽ चाहिँ मो ए़ङ्‌गुवा ए़ङ्‌गुवा टिङ्‌मे़ॽनिङ्‌सिडु। मोबा मक्‍खाम्‍डेमबेॽहा रिउम भागामि इक्‍को भागा याॽमिजि चाहिँ ङे, सक्‍आङ्‌सा, राम्‍आनुङ नाम्‍फुङ्‌लाबेॽहा जिवातजिबाङ सेॽनेमे अधिकार माहाजि पिबॽआ ले़टा।

परकास 9:1

मोबा ङाउममा थाङ्‌सिरिदुतडे़ॽ खोमि तुरहि मिडु, मोडोक्‍पेॽ के़ॽ इक्‍को साङ्‌गे नान्‍द्‌रुङ्‌माबाङ मक्‍खाम्‍डेमबेॽ हेॽओक्‍पॽआ खाङ्‌डोक्‍टुङ। मो साङ्‌गेनुङ अतल कुन्‍डामि साचो टुसा।