परकास 1:16 - याम्फु

¹⁶ खोमि चुप्‍थिङ हुगे़ॽ एच्‍चि गोटा साङ्‌गे राःप्‍पॽआ ले़टा, खोमि याबुकबाङ निगे़ङ्‌लामनोॽ वेङ्‌इये फेया पे़आॽपॽआ ले़टा। खोमि नजिक चाहिँ लेन्‍डामि नमडोॽ पोक्‍पॽआ ले़टा।

परकास 1:16 Iomraidhean Croise

मत्‍ति 17:2

मिन्‍डु रुक्‍नुङ चोङ्‌साजिडे़ॽ खाङ्‌मारोनोॽ येसुमि नरिङ फेङ्‌घे़ॽनुङ खोमि नजिक नमडोॽ उज्‍यालो लिसा।

एप्‍पा चोङ्‌सा 26:13

हे हाङ्‌बा, मो लेन्‍डा रामबेॽ खे़ॽमे़ॽनिङ्‌सिमाबेॽ नमबाङ्‌सो बेॽलो उज्‍यालो काङ्‌मि खिरिरि पोगा।

एफिसि 6:17

निन्‍डवाँमि रच्‍छेमि लागि टोपिडोॽ मुक्‍तिमि खा ओबानुमे, मोबा पबित्‍रा होङ्‌निवा तरवरडोॽ सिबानुमे, तरवर लुबॽआ निवाहाङ पाबामि बचन ले़ये।

हिब्‍रु 4:12

निवाहाङ्‌मि बचनगो हिङ्‌रिक ले़येनुङ सानिङ्‌नोॽ योम्‍बोक ले़न्‍डुए। खोमि बचन निच्‍चिलामनोॽ धारनुङ्‌मा फेयाबाङ्‌सो बेॽलो वे़ङ्‌इये। इगोसे़ॽ होङ्‌सिॽयु खे़ॽनुङ सोःक्‍मानुङ होङ्‌निवा हान्‍डुए, मोबा जोरनिनुङ से़ॽकोॽवा खोरो खोरो टोङ्‌इन्‍डुए, निवा होङ्‌सिॽयुनुङ निवे़ॽ मिॽपॽआ खा जाँच ले़ःॽहेन्‍डुए।

परकास 1:20

काङ्‌मि चुप्‍थिङ हुकपेॽ खाङ्‌डोक्‍पॽआ इघा एच्‍चि गोटा साङ्‌गेनुङ एच्‍चि गोटा सुनामि कुप्‍पि युङ्‌ढामडे़ॽ लुमायोक्‍पॽआ खा चाहिँ इडोॽ ले़हा। एच्‍चि गोटा सुनामि कुप्‍पि युङ्‌ढाम लुबॽआ चाहिँ एच्‍चि गोटा मन्‍डलि ले़हा, मोबा एच्‍चि गोटा साङ्‌गे लुबॽआ चाहिँ एच्‍चि गोटा मन्‍डलि खाङ्‌घुबा थाङ्‌सिरिदुतजि ले़म्‍मे।

परकास 10:1

मोबा ए़क्‍साङ के़ॽ हाइको सक्‍तिदाङ्‌बा थाङ्‌सिरिदुत थाङ्‌सिरिॽटुरा उङ्‌बॽआ खाङ्‌डोक्‍टुङ। खोमि हिङा खिम्‍मिॽवाडे़ॽ टे़क्‍पॽआनुङ खोमि निन्‍डवाँ खिरिरि अप्‍पाङ्‌सु टुसा। खोमि नजिक नमडोॽ ले़टा, मोबा खोमि सराङ चाहिँ मिमि खाँबाडोॽहा ले़टा।

परकास 12:1

मोबा ए़क्‍साङ थाङ्‌सिरिबेॽ इक्‍को खरिमा चिङ्‌गा खाङ्‌मुसा। नमडोॽ पोॽइये चेॽ चाङ्‌बॽआ इक्‍को मेॽनामिॽ खाङ्‌मुसा, खोमि सराङ्‌होङ्‌बेॽ ला टुसा, मोसे़ॽ निन्‍डवाँबेॽ बारो गोटा साङ्‌गेनुङमा मुकुट ओम्‍बॽआ ले़टा।

परकास 19:15

मक्‍खाम्‍डेमबेॽहा जाति जातिहा याॽमिजि हेजामामि लागि खोमि याबुकबाङ फेया पे़आबा। खोसे़ॽ चे़क्‍चिमि टोङ्‌इराडे़ॽ माहाजिसोक्‍पेॽ नम्‍नम मे़ॽनिङ सासन ले़न्‍डुए। अङ्‌गुर कोलबेॽ ए़न्‍नुङ यिम्‍डिडोॽ चोप्‍पाङ बेॽए सक्‍तिदाङ्‌बा निवाहाङ्‌मि सुरिकमि कोलबेॽ माहाजि यिम्‍इन्‍डुजे।

परकास 19:21

मोबा एम्‍बॽआजि चाहिँ घोडासोक्‍पेॽ सवारि लिघुबामि याबुकबाङ पे़आप्‍पॽआ फेयाडे़ॽ सेॽनेसुजि, मोबा चोप सोङाजिडे़ॽ माहाजिमि सिगुयाक उक्‍खरो चोसुजि।

परकास 2:1

“एफिसस सहरबेॽहा मन्‍डलि खाङ्‌खुबा अगुवाजि इगो खा साबे, एच्‍चि गोटा साङ्‌गे टाङ्‌बामि चुप्‍थिङ हुकपेॽ याङ्‌घुबानुङ एच्‍चि गोटा सुनामि कुप्‍पि युङ्‌ढाममि रुम्‍बेॽ राम्‍घुबाडे़ॽ इडोॽ लुये।

परकास 2:12

“मोबा परगाममबेॽए मन्‍डलिबेॽ खाङ्‌खुबा अगुवाजि इगो खा साबे, निलामनोॽ धारनुङ्‌मा फेया काप्‍खुबा परभु येसुडे़ॽ इडोॽ लुये।

परकास 2:16

मोडोगे़ॽ पापि योम्‍बोक लेडानुमे, मे़लेडानुमहोङ का चान्‍डोनोॽ हे़निङ्‌बेॽ लेङ्‌इङे़, मोबा याबुकबाङ पे़आप्‍मिये फेयाडे़ॽ हे़निङ्‌नुङ ङे ले़नुङे।

परकास 3:1

“सारडिसमि मन्‍डलि खाङ्‌खुबा अगुवाजिमि लागि इगो लम्‍बवाँ साबे इगो लम्‍बवाँ निवाहाङ्‌मि एच्‍चि होङ्‌निवानुङ एच्‍चि साङ्‌गे हुकपेॽ याङ्‌घुबाडे़ॽ इडोॽ लुये। हे़ने़ए़ योम्‍बोक के़ॽ लेनुङे़, हे़न हिङ्‌रिक ले़ये लुमे निङ्‌गो टुये, तर हे़निङ्‌गो सिघे़टानिङे़।