परकास 1:11 - याम्फु

¹¹ मो सेम्‍लाडे़ॽ इडोॽ लुसा, “हे़ने़ॽ इगोबेॽ इमाङ खाङ्‌डोक्‍इन्‍डुए, माहा चोप खा इक्‍को नेॽचिराबेॽ साबे, मोबा एफिसस, स्‍मुरना, परगामम, थिआटिरा, सारडिस, फिलाडेल्‍फियानुङ लाउडिकिया इघा एच्‍चि गोटा मन्‍डलिबेॽ हाङ्‌बेॽटाजे।”

परकास 1:11 Iomraidhean Croise

एप्‍पा चोङ्‌सा 16:14

मोबेॽ कानिङ्‌मि खा खेम्‍खुबाजिबेॽ लिडिया निङ ले़ःॽखुबा इक्‍को मेॽनामिॽ टुसे़। खो थिआटिरा लुमे ठाउँबेॽए ले़टे़नुङ खो बैजनि रङ्‌मा चेॽ इन्‍जामे योम्‍बोक ले़टे़। खो निवाहाङ्‌मि सेवा ले़ःॽखुबा मेॽनामिॽ ले़टे़। पावलडे़ॽ लुबॽआ खा खेम्‍नुङ बिस्‍वास ले़टुरो लुनुङ परभुडे़ॽ खोमि निवा हेम्‍बेबेॽटु।

एप्‍पा चोङ्‌सा 18:24

अलेक्‍जेन्‍ड्‌रिया सहरबेॽए अप्‍पोलोस निङ ले़ःॽखुबा इक्‍को यहुदि एफिससबेॽ लेस्‍सा। खो बेॽलो नुरोॽ यामुरेघुबा याॽमि ले़टे़नुङ खोसे़ॽ धारमिक नेॽचिरामि खा बेॽलो लेसुहा।

एप्‍पा चोङ्‌सा 20:17

पावलडे़ॽ मिलेटस सहरबाङ एफिसस सहरबेॽ टुघुबा मन्‍डलिबेॽहा एलडरजि मिलेटस सहरबेॽ के़ःॽहाक्‍सुजि।

१ कोरिन्‍थि 15:32

याॽमिमिन्‍नोॽ खा इःमाहोङ्‌गो एफिसस सहरबेॽ का नाम्‍भुङ्‌लाबेॽहा जिवातडोॽहा याॽमिजिनुङ कगिङ लुमाबेॽ का इमाङ फाइदा लिये ? सिघे़ॽपॽआबाङ हिङ्‌बोगुनिहोङ्‌गो, “कानिङ चामा, उङ्‌मा इन्‍ढोङ्‌होङ वागियागो सिघे़ॽपेन्‍डि।”

१ कोरिन्‍थि 16:8

तर पेन्‍तिकोसमि चाड लेङ्‌रो का एफिसस सहरबेॽ पेङ्‌इङे।

एफिसि 1:1

निवाहाङ्‌डे़ॽ मिॽपॽआबाङ खिरिस्‍ट येसुमि एप्‍पा चोङ्‌सा लिबॽआ का पावलबाङ, खिरिस्‍ट येसुबेॽ बिस्‍वास ले़ःॽखुबा एफिससबेॽहा पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे।

कलस्‍सि 2:1

चइबानोॽ हे़निङ्‌मि लागि के़ॽ निवा टिसाङ खेः आङ्‌मानुङ नुरोॽ योम्‍बोक ले़ए़टुङे। के़ॽको लाउडिकियाबेॽहा याॽमिजिनुङ के़ॽ मे़लेघुबाजिमि लागिसो मोडोक्‍नोॽ निवा टिनुङ योम्‍बोक ले़ए़टुङे लुनुङ हे़निङे़ॽ लेसानुमे मिॽइनिम्‍ने़।

१ तिमोथि 1:3

का माकेडोनियाबेॽ खे़ॽसिॽपोरोक्‍माबेॽ हे़न एफिससबेॽनोॽ पेने। मोबेॽ निवाहाङ्‌मि बचनमि मे़ॽनोक्‍हा सिक्‍छे इःॽखुबा याॽमिजि आक्‍टोॽ एले़ॽमे लुनुङ वोबाजे।

परकास 1:17

इडोॽ के़ॽ खो खाङ्‌माबेॽ कागो सिबॽआडोक्‍नोॽ लिनुङ खोमि सराङ्‌बेॽ काक्‍सिङ। मोबा खोसे़ॽ काङ्‌मि निन्‍डवाँबेॽ खोमि चुप्‍थिङ हुक युङ्‌साङ लुसा, “ए़क्‍किसिने, याक्‍लोमानुङ ए़क्‍साङ्‌मा कानोॽ ले़ङे।

परकास 1:19

मोडोगे़ॽ हे़ने़ॽ इमा इमा खाङ्‌इटुहा, हागो लिमे़ॽनिङ्‌सिबॽआ खानुङ ए़क्‍साङ लिहा चोप खा साप्‌युक्‍से।

परकास 1:2

युहन्‍नाडे़ॽ मो सेन्‍जिसेम्‍माङ्‌बेॽ चुप्‍पॽआ चोप खा अथबा निवाहाङ्‌मि बचननुङ येसु खिरिस्‍टडे़ॽ खाङ्‌मुबॽआ चइबाहा खा इघानोॽ ले़हा।

परकास 1:20

काङ्‌मि चुप्‍थिङ हुकपेॽ खाङ्‌डोक्‍पॽआ इघा एच्‍चि गोटा साङ्‌गेनुङ एच्‍चि गोटा सुनामि कुप्‍पि युङ्‌ढामडे़ॽ लुमायोक्‍पॽआ खा चाहिँ इडोॽ ले़हा। एच्‍चि गोटा सुनामि कुप्‍पि युङ्‌ढाम लुबॽआ चाहिँ एच्‍चि गोटा मन्‍डलि ले़हा, मोबा एच्‍चि गोटा साङ्‌गे लुबॽआ चाहिँ एच्‍चि गोटा मन्‍डलि खाङ्‌घुबा थाङ्‌सिरिदुतजि ले़म्‍मे।

परकास 1:4

का युहन्‍नाडे़ॽ एसियाबेॽ टुहा एच्‍चि गोटा मन्‍डलिबेॽहा बिस्‍वासिजि सेवा मुनुङे़, निवाहाङ याक्‍लोएम्‍बाङ टुसा, आयुसो टुये मोबा ए़क्‍साङ्‌सो लेङ्‌इये, मोबा निवाहाङ पेन्‍ढाममि पोम्‍बेॽ टुहा एच्‍चि गोटा होङ्‌निवाबाङ हे़निङ अनुग्‍रहानुङ सान्‍ति लिरो।

परकास 1:8

चोप्‍पाङ सक्‍तिदाङ्‌बा परभु निवाहाङ्‌डे़ॽ लुये, “कानोॽ अल्‍फानुङ ओमेगा ले़ङे” इगो लुबॽआ चाहिँ “कानोॽ सिरिस्‍टिबाङ याक्‍लोमानुङ कानोॽ चोप्‍पाङ ए़क्‍साङ्‌मासो ले़ङे” याक्‍लो खो टुसे़, आइसो खो टुये, मोबा ए़क्‍साङ्‌सो खो लेङ्‌इये।

परकास 10:4

माहा एच्‍चि गोटा नान्‍द्‌रुङ्‌मा मुक्‍मासोरोॽ का साप्‍मामि पोरोगिङ, मोडोक्‍पेॽनोॽ थाङ्‌सिरिबाङ इडोॽ लुबॽआ के़ॽ खेप्‍सुङ, “माहा एच्‍चि गोटा नान्‍द्‌रुङ्‌मा मुक्‍पॽआ खा चुम्‍नुङ युक्‍से, आक्‍को ए़ॽसाबुने।”

परकास 14:13

मोबा ए़क्‍साङ थाङ्‌सिरिबाङ इडोॽ लुबॽआ के़ॽ खेप्‍सुङ, “इगो खा साबे, हागोएम्‍बाङ परभुबेॽ बिस्‍वास ले़ःॽनुङ सिघुबाजिडे़ॽ आसिस चुप्‍मिन्‍डुजे।” पबित्‍रा होङ्‌निवाडे़ॽ लुये, “चइबानोॽ माहाजिडे़ॽ टाङ्‌बामि योम्‍बोकबाङ नाजाडोक्‍इन्‍डुजे, इन्‍ढोङ्‌होङ खोजिडे़ॽ ले़ःॽपॽआ चोप योम्‍बोक खोजिनुङ सोरि खे़ये।”

परकास 19:9

मोबा मो थाङ्‌सिरिदुतडे़ॽ का लुसिङ, “इगो सबे, माहाजि चोप आसिस चुप्‍खुबाजि ले़म्‍मे असा असे़ॽ थुमामि फुङ्‌सयामि भत्‍तेरबेॽ निम्‍तो चुप्‍मिटुजे।” मोसे़ॽ फेरिसो का लुसिङ, “निवाहाङ्‌मि चाइबमा बचन इघानोॽ ले़हा।”

परकास 2:1

“एफिसस सहरबेॽहा मन्‍डलि खाङ्‌खुबा अगुवाजि इगो खा साबे, एच्‍चि गोटा साङ्‌गे टाङ्‌बामि चुप्‍थिङ हुकपेॽ याङ्‌घुबानुङ एच्‍चि गोटा सुनामि कुप्‍पि युङ्‌ढाममि रुम्‍बेॽ राम्‍घुबाडे़ॽ इडोॽ लुये।

परकास 2:12

“मोबा परगाममबेॽए मन्‍डलिबेॽ खाङ्‌खुबा अगुवाजि इगो खा साबे, निलामनोॽ धारनुङ्‌मा फेया काप्‍खुबा परभु येसुडे़ॽ इडोॽ लुये।

परकास 2:18

“मोबा थिआटिराबेॽए मन्‍डलि खाङ्‌खुबा अगुवा इगो खा साबे, इगो खा निवाहाङ्‌मि पसाडे़ॽ लुये, खोमि मिक मिमि राप्‍लवाडोॽ ले़ये, खोमि सराङ पे़ङ्‌नुङ पोॽइये काँसाडोॽ ले़हा।

परकास 2:24

तर मो मेॽनामिॽमि सिक्‍छे मे़ङ्‌खेम्‍खुबाजिनुङ सैतानमि लेमा छॽइये खा मे़चिङ्‌घुबा हे़निङ थिआटिरा मन्‍डलिबेॽहा कोहि याॽमिजि के़ॽ इमाङ्‌सो कोक खिमेॽनिम्‍नानि।

परकास 2:8

“मोबा स्‍मुरनाबेॽए मन्‍डलि खाङ्‌खुबा अगुवामि लागि इगो खा साबे, चोप्‍पाङ याक्‍लो खोनोॽ टुसे़नुङ चोप्‍पाङ ए़क्‍साङ्‌सो खोनोॽ टुये खो सिघे़ॽनुङ हिङ्‌बोगा हागोरो खो हिङ्‌रिक ले़ये। इगो लम्‍बवाँ चाहिँ परभु येसुमि ले़ये, खोसे़ॽ इडोॽ लुये,

परकास 21:5

मोबा हाङ्‌पेन्‍ढामबेॽ पेङ्‌घुबा निवाहाङ्‌डे़ॽ का लुसिङा, “खेप्‍से, के़ॽ चोप खा चोङ टोङ्‌इनुङ्‌हा।” खोसे़ॽ इडोक्‍सो लुसिङ, “इडोॽ साबे, इघा खा बिस्‍वासनुङ्‌मानुङ चाइबमा ले़हा।”

परकास 22:10

मोबा खोसे़ॽ का इडोॽ लुसिङा, “इगो नेॽचिरामि अगमबानिमि बचनबेॽ मोहोर ए़ॽटिसे, इन्‍ढोङ्‌होङ इघा खा पुरा लिमा बेला के़क्‍पेॽनोॽ लेम्‍बेटे़।

परकास 22:16

“का येसुडे़ॽ टाङ्‌बामि दुत हे़निङ्‌मि मन्‍डलिबेॽहा चोपजि इगो साक्‍छि पिमामि लागि पाङ्‌इटिङे। दाउदमि बङ्‌समि पसा, मोबा माक्‍मिए उज्‍यालोमा साङ्‌गे कानोॽ ले़ङे।”

परकास 3:1

“सारडिसमि मन्‍डलि खाङ्‌खुबा अगुवाजिमि लागि इगो लम्‍बवाँ साबे इगो लम्‍बवाँ निवाहाङ्‌मि एच्‍चि होङ्‌निवानुङ एच्‍चि साङ्‌गे हुकपेॽ याङ्‌घुबाडे़ॽ इडोॽ लुये। हे़ने़ए़ योम्‍बोक के़ॽ लेनुङे़, हे़न हिङ्‌रिक ले़ये लुमे निङ्‌गो टुये, तर हे़निङ्‌गो सिघे़टानिङे़।

परकास 3:14

“मोबा लाउडिकिया मन्‍डलि खाङ्‌खुबा अगुवामि लागि इगो लम्‍बवाँ साबे निवाहाङ्‌मि सिरिस्‍टिमि मुल, बिस्‍वास ले़ःॽमारोनुङ चइबमा साक्‍छिनुङ आमेन लुघुबाडे़ॽ इडोॽ लुये।

परकास 3:4

तर सारडिसबेॽ हे़निङ्‌मि रुम्‍बेॽ इन्‍डोक जना बिस्‍वासिजिडे़ॽ निवाहाङ्‌मि पोम्‍बेॽ हे़निङ्‌मि चेॽ असुद्‌ध मे़न्‍टोङ्‌डिॽटानुमे। माहाजिनोॽ चोखो चेॽ चाङ्‌मानुङ कानुङ सोरि राम्‍इम्‍मे, इन्‍ढोङ्‌होङ माहाजि कानुङ सोरि राम्‍मा खेन्‍जोन्‍डुजे।

परकास 3:7

“मोबा फिलाडेल्‍फियाबेॽए मन्‍डलि खाङ्‌घुबा अगुवामि लागि इगो लम्‍बवाँ साबे खो चाइबमानुङ पबित्‍रा ले़ये, दाउदमि साचो राःप्‍खुबाडे़ॽ राम्‍डेम हेनुहोङ, असे़ॽसो से़क्‍हेसुनि, खोसे़ॽ से़गुहोङ असे़ॽसो हेङ्‌हेसुनि। खोसे़ॽ इडोॽ लुये।