फिलिप्‍पि 4:3 - याम्फु

³ हे़न्‍जिङ काङ्‌मि बिस्‍वासनुङ्‌मा लङ्‌गामजि हे़न्‍जिङेॽ इघा मेॽनामिॽचि सहायोग ले़टाजे, इन्‍ढोङ्‌होङ इघाजिडे़ॽ कानुङ सोरि सुसमाचारमि योम्‍बोक निवाबाङ्‌नोॽ ले़ए़टुजे। कानुङ्‌रेॽ ने़ॽनि क्‍लेमेसनुङ मोबा कानुङ योम्‍बोक ले़ःॽखुबा के़हा हाइखा लङ्‌गामजिनुङ्‌सो मोडोक्‍नोॽ योम्‍बोक ले़ए़टुजे, खोजिमि निङ हिङ्‌मवामि नेॽचिराबेॽ टुहा।

फिलिप्‍पि 4:3 Iomraidhean Croise

लुका 10:20

मोडोक्‍सो मङे़ॽमा चापजि हे़निङ्‌मि अधिनबेॽ टुम्‍मे लुनुङ ए़ॽसाप्‍थाक्‍सानिङे। तर टाङ्‌बामि निङ थाङ्‌सिरिॽटु साप्‍नुङ युङ्‌बॽआ ले़ये लुनुङ चाहिँ साप्‍थाक्‍सानिङे।”

रोमि 12:1

मोडोगे़ॽ के़हा वावानिसानुङ नानुसाजि, निवाहाङ्‌डे़ॽ हे़निङ बेॽलो नम्‍नम ले़ःॽपॽआसे़ॽ बिन्‍ति ले़निम्‍ने़। हे़निङ टाङ्‌बामि हिङ्‌मवा पबित्‍रानुङ निवाहाङ्‌डे़ॽ नेन्‍जामारोमा हिङ्‌रिक बलिदान चेॽटिसानुमे। हे़निङ्‌मि होङ्‌निवाडे़ॽ ले़ःॽमा खे़ये चाइबमा ओहाङ चाहिँ इगोनोॽ ले़ये।

रोमि 16:12

परभुमि योम्‍बोक निवा टिनुङ ले़ःॽखुबा तुरुफेनानुङ तोरोफोसासो काङ्‌मि सेवा लुबेॽमाजे। परभुमि योम्‍बोकपेॽ बेॽलोनोॽ दुःख ले़ःॽखुबा परसिससो काङ्‌मि सेवा लुबेॽमाजे।

रोमि 16:9

खिरिस्‍टमि लागि कानुङ्‌सोरि योम्‍बोक ले़ःॽखुबा उरबानसनुङ के़ॽ नम्‍नम ले़ःॽपॽआ स्‍ताखुससो काङ्‌मि सेवायो लुबेॽमाजे।

फिलिप्‍पि 1:12

वावानिसानुङ नानुसाजि, हे़निङे़ॽ इगो खा लेसानुमे लुनुङ के़ॽ मिॽइनुङे। कासोक्‍पेॽ लेम्‍बॽआ इघा चुङ्‌जामा खेःडे़ॽको छना बेॽलो सुसमाचार परचार लिमा राप्‍मिटे़।

फिलिप्‍पि 1:16

सुसमाचार जोगा ले़ःॽमामि लागिनोॽ का इगोबेॽ टुङे लुनुङ लेघुबाजिडे़ॽ चाहिँ परचारमि योम्‍बोक नम्‍नमनुङ ले़न्‍डुजे।

फिलिप्‍पि 1:27

चोप्‍पाङ बेॽए खा लुबॽआ चाहिँ हे़निङ्‌मि चाल चलन सुसमाचार परचार ले़ःॽमारोमा लिमा खे़ये। मोडोगे़ॽ का हे़निङ्‌बेॽ लेङ्‌ङासो मे़लेङ्‌ङासो हे़निङ चाहिँ इक्‍को होङ्‌निवाबेॽ बोलियो लिसानिङे। मोबा इक्‍कोनोॽ योम्‍बोक ले़ःॽमे निवा खिनुङ बेॽलो याॽमिजिडे़ॽ बिस्‍वास ले़टुमिरो मिॽनुङ सुसमाचारमि परचार ले़ःॽपॽआ के़ॽ खेम्‍मा मिॽइनुङे।

फिलिप्‍पि 1:5

इन्‍ढोङ्‌होङ हे़निङ याक्‍लोएबाङ आयुरोसो सुसमाचार परचार ले़ःॽमे योम्‍बोकपेॽ कानुङ सोरि टुन्‍डानिङ।

फिलिप्‍पि 1:7

हे़निङ चोपमि टुम्‍बेॽ मोडोॽ मिॽमा के़ॽ नुबा मिॽटुङ, इन्‍ढोङ्‌होङ हे़निङ काङ्‌मि निवाहोङ्‌सिॽयु युङ्‌इटुङे। आयु का तिरिङ्‌गा खिमबेॽ से़क्‍सिघे़ॽमाबेॽसो, याक्‍लो सुसमाचार पक्‍का ले़ःॽमाबेॽसो इगो निच्‍चि बेलानोॽ निवाहाङ्‌मि अनुग्‍रहाबेॽ हे़निङ कानुङ सोरि येःबानिङे।

फिलिप्‍पि 4:2

हागो के़ॽ इयोदियानुङ सुन्‍तुखे हे़न्‍जिङ परभुबेॽ इक्‍को निवानुङ्‌मा लिमा खे़ये लुनुङ बिन्‍ति ले़न्‍जिम्‍ने़।

कलस्‍सि 1:7

इगो खानोॽ कानिङ्‌नुङ निवाहाङ्‌मि योम्‍बोक ले़ःॽखुबा निसा इपाफरसबाङ चिनानुम। खो कानिङ्‌मि साटो हे़निङ्‌मि रुम्‍बेॽ खिरिस्‍टमि लागि योम्‍बोक ले़ःॽखुबा इक्‍को नुबा बिस्‍वासनुङ्‌मा याॽमि ले़ये।

परकास 13:8

मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।

परकास 20:12

मोबा के़ॽ सिघे़ॽपॽआ बेॽहानुङ ए़द्‌रिहाजि हाङ्‌पेन्‍ढाममि पोम्‍बेॽ येःप्‍पटिङ्‌बॽआ खाङ्‌डोक्‍टुङ, मोबा हिङ्‌मवामि नेॽचिरा हेम्‍बोगा। मोबेॽ हाइखा नेॽचिरासो हेम्‍बॽआ ले़टा। माहा नेॽचिराबेॽ साप्‍नुङ युङ्‌बॽआ नुबानुङ मङे़हा योम्‍बोक ले़ःॽखुबाजिमिडोक्‍नोॽ माहाजिमि न्‍याय लिसा।

परकास 20:15

असा असामि निङ हिङ्‌मवामि नेॽचिराबेॽ माडा माहाजि चोप मो मिमि कुन्‍डाबेॽ राप्‍खडामि।

परकास 21:27

असुद्‌ध खा, चिक्‍चिमिॽमारोहा योम्‍बोक ले़ःॽखुबाजिनुङ रेम्‍डेॽखुबाजि असासो मोबेॽ पे़खे़ॽटोक्‍मिने। तर थुमामि हिङ्‌मवामि नेॽचिराबेॽ निङ साप्‍पॽआजिरेॽ पे़खे़ॽडोक्‍इम्‍मे।

परकास 3:5

असे़ॽ हेजोन्‍डुए, माहाजिनोॽ के़ॽ उथ्‍रिॽहा चेॽ चाङ्‌मेनुङ्‌हाजिनुङ हिङ्‌मवामि नेॽचिराबेॽ माहाजिमि निङ सानिङमि लागि साप्‍नुङ युङ्‌बेनुङ्‌हाजि। के़ॽ माहाजिमि निङ पाबा निवाहाङ्‌मिनुङ खोमि दुतजिमि पोम्‍बेॽसो लुनुङे।