फिलिप्‍पि 4:14 - याम्फु

¹⁴ तरसो का खेःबेॽ सिॽपॽआ बेलाबेॽ हे़निङे़ॽ सहायता ले़ःॽनुङ सारोनोॽ नुबा ले़टानुम।

फिलिप्‍पि 4:14 Iomraidhean Croise

मत्‍ति 25:21

मायोङ्‌बाडे़ॽ खो लुसु, ‘हे़न ओहाक, नुबानुङ बिस्‍वासि सेउते! हे़न ए़डे़ॽवा खाबेॽ बिस्‍वासनुङ्‌मा लिसा, हागो हे़न बेॽलो खामि जिम्‍मा पिन्‍ने़, हे़न कानुङ सोरि साप्‍थाक्‍से।’

रोमि 15:27

इघा भेटि खोजिडे़ॽ साप्‍थाङ्‌मानुङ सुम्‍इटुजे, चइबानोॽ लुमाहोङ माहा पिघुबा बिस्‍वासिजिडे़ॽ इघा यरुसलेमबेॽहा पबित्‍रा याॽमिजि पिमासो खे़ये, इन्‍ढोङ्‌होङ माहाजिबाङ लेम्‍बॽआ होङ्‌निवाबाङ पिबॽआ आसिस इघा अयहुदिजिडे़ॽ चुप्‍इटुजे। इडोक्‍नोॽ हाइखा याॽमिजिडे़ॽसो खाँचोबेॽ सिॽपॽआजि सहायता पिमा खे़म्‍मे।

गलाति 6:6

बचनमि सिक्‍छे चुप्‍खुबाजिडे़ॽ टाङ्‌बामि चोप नुबा खा खो इःॽखुबानुङ हामा खे़ये।

फिलिप्‍पि 1:7

हे़निङ चोपमि टुम्‍बेॽ मोडोॽ मिॽमा के़ॽ नुबा मिॽटुङ, इन्‍ढोङ्‌होङ हे़निङ काङ्‌मि निवाहोङ्‌सिॽयु युङ्‌इटुङे। आयु का तिरिङ्‌गा खिमबेॽ से़क्‍सिघे़ॽमाबेॽसो, याक्‍लो सुसमाचार पक्‍का ले़ःॽमाबेॽसो इगो निच्‍चि बेलानोॽ निवाहाङ्‌मि अनुग्‍रहाबेॽ हे़निङ कानुङ सोरि येःबानिङे।

फिलिप्‍पि 4:18

के़ॽ इन्‍डोक चुप्‍मा खडे़, मोबाङ्‌सो बेॽलोनोॽ चुप्‍मिटुङे। इपाफोरडिटसमि हुकबाङ हे़निङे़ॽ पाङ्‌बॽआ भेटि चुप्‍नुङ का हाङ्‌हाङ लिटिङे। हे़निङे़ॽ पाङ्‌बॽआ भेटि चाहिँ निवाहाङ्‌डे़ॽ लामारोमानुङ नेन्‍जामारोमा बलिदानडोॽ ले़ये।

१ तिमोथि 6:18

नुबा योम्‍बोक ले़ःॽखुबाजि, बेॽलो नुबा योम्‍बोकमि टाङायोङ्‌बाजि, निवादाङ्‌बाजिनुङ हाइखाजिनुङ हाःजाखुबाजि लिमे लुनुङ आग्‍या पिसाजे।

हिब्‍रु 10:33

इन्‍डोक खेपको हे़निङ याॽमिजिमि रुम्‍बेॽ चुङ्‌जासामि, मोबा बेजेत ले़टानिङ, इन्‍डोकखेॽ हे़निङ्‌डोॽ चुङ्‌जामा खेः आङ्‌घुबाजिमि लङ्‌गाम लिसानिङ।

हिब्‍रु 10:34

इन्‍डोकखेॽ तिरिङ्‌गा खिमबेॽ से़क्‍सिघे़ॽपॽआजिमि लङ्‌गाम लिसानिङ, टाङ्‌बामि याङ्‌सरावा ङाप्‍खे़ॽपेॽमाबेॽसो साप्‍थाक्‍सानिङ। इन्‍ढोङ्‌होङ हे़निङ्‌बेॽ चोप्‍पाङ नुबानुङ इन्‍डोक्‍पेॽसो रुक्‍खे़ॽनिये याङ्‌सरावा टुये लुनुङ हे़निङे़ॽ लेसानुम।

हिब्‍रु 13:16

इक्‍कोसे़ॽ हाइकोमि लागि भलाइमि योम्‍बोक ले़ःॽमा ए़लेडानुमे, मोबा टाङ्‌बानुङ टुहा खा हाःजासानुमे, इन्‍ढोङ्‌होङ निवाहाङ्‌डे़ॽ नेन्‍जाबॽआ बलिदान इगोनोॽ ले़ये।

परकास 1:9

खिरिस्‍टराम्‍बाङ का हे़निङ्‌मि वावा युहन्‍ना ले़ङे। हे़निङे़ॽ आङ्‌बॽआडोॽमा खेः के़ॽसो आङ्‌मे़ॽनिङ्‌सिनुङ्‌हा, इन्‍ढोङ्‌होङ येसु कानिङ्‌मि हाङ्‌बा ले़ये, तर खोसे़ॽनोॽ कानिङ योङ आङ्‌हेमे सक्‍ति पिये। के़ॽ निवाहाङ्‌मि बचन परचार ले़ःॽपॽआसे़ॽनुङ येसु खिरिस्‍टमि टुम्‍बेॽहा खा याॽमिजि लुबॽआसे़ॽ याॽमिजिडे़ॽ का पत्‍मोस लुमे योङेॽ यिजुम्‍बॽआ ठाउँबेॽ से़क्‍नुङ युङ्‌बॽआ ले़टे़।