फिलिप्‍पि 4:1 - याम्फु

¹ मोडोगे़ॽ के़हा वावानिसानुङ नानुसाजि, हे़निङ्‌नोॽ के़ॽ बेॽलो नम्‍नम ले़ःॽपॽआजि ले़न्‍डानिङ, मोबा हे़निङ चुप्‍मा सारोनोॽ मिॽइनिम्‍ने़। हे़निङे़ॽ का साप्‍थाङ्‌मेॽटानिङ, हे़निङ काङ्‌मि योम्‍बोकमि इनाम ले़न्‍डानिङे। हे़निङ इडोक्‍नोॽ परभुबेॽ सानिङ बोलियो लिनुङ हिक्‍सानिङे।

फिलिप्‍पि 4:1 Iomraidhean Croise

मत्‍ति 10:22

काबेॽ बिस्‍वास ले़ःॽपॽआसे़ॽ चोप याॽमिजिडे़ॽ हे़निङ सिॽचाम्‍मे, तर ए़क्‍साङ्‌ठोक असे़ॽ का बिस्‍वास ले़म्‍मे माहाजि हिङ्‌इम्‍मे।

युहन्‍ना 8:31

येसुडे़ॽ खोबेॽ बिस्‍वास ले़ःॽखुबा यहुदिजि लुसुजि, “हे़निङ के़ए़ बचनडे़ॽ लुबॽआडोॽ ले़टानुमहोङ, हे़निङ चइबानोॽ के़ए़ चोङ्‌सा ले़न्‍डानिङे।

एप्‍पा चोङ्‌सा 11:23

बारनाबास एन्‍टिओकबेॽ लेम्‍माबेॽ मोबेॽहा याॽमिजि निवाहाङ्‌डे़ॽ नम्‍नावानुङ आसिस पिबॽआ खाङ्‌डोक्‍नुङ बेॽलो साप्‍थाक्‍सा। खोसे़ॽ मोबेॽहा बिस्‍वासिजि सानिङ्‌नोॽ परभुबेॽ नुरोॽ बिस्‍वास ले़ःॽमे लुनुङ अरति पिसुजि।

एप्‍पा चोङ्‌सा 14:22

खोजिडे़ॽ मो ठाउँबेॽहा परभुबेॽ बिस्‍वास ले़ःॽखुबाजि बोलियो टोङ्‌साङ नुबा अरति पिसुजि। “निवाहाङ्‌मि राज्‍यबेॽ रुक्‍मा याक्‍लो कानिङे़ॽ बेॽलो खालहा चुङ्‌जामा खेः आङ्‌मानोॽ खे़ये” लुनुङ इःडुजि।

एप्‍पा चोङ्‌सा 2:42

मोबा माहाजिडे़ॽ एप्‍पा चोङ्‌साजिनुङ चिनामे, सोरि सङ्‌गति ले़टामे। मोबा सानिङ्‌नोॽ सोरि सोरि पारथना ले़टामेनुङ परभु भत्‍तेर चासामे।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

१ कोरिन्‍थि 16:13

होसियार ले़ःॽनुङ पेनानिङे, बिस्‍वासबेॽ दिगो लिसानिङे। आँटिलोनुङ बोलियो लिसानिङे।

गलाति 5:1

खिरिस्‍टडे़ॽ कानिङ छुट्‌कारा पिबॽआ ले़ये। मोडोगे़ॽ हे़निङ फुक्‍का याॽमि लिटानिङे, इडोगे़ॽ हे़निङ बोलियो लिनुङ पेनानिङे मोबा हागोसो यहुदि धारमिक नियममि अधिनबेॽ पेम्‍मा ए़योगानिङे।

फिलिप्‍पि 1:27

चोप्‍पाङ बेॽए खा लुबॽआ चाहिँ हे़निङ्‌मि चाल चलन सुसमाचार परचार ले़ःॽमारोमा लिमा खे़ये। मोडोगे़ॽ का हे़निङ्‌बेॽ लेङ्‌ङासो मे़लेङ्‌ङासो हे़निङ चाहिँ इक्‍को होङ्‌निवाबेॽ बोलियो लिसानिङे। मोबा इक्‍कोनोॽ योम्‍बोक ले़ःॽमे निवा खिनुङ बेॽलो याॽमिजिडे़ॽ बिस्‍वास ले़टुमिरो मिॽनुङ सुसमाचारमि परचार ले़ःॽपॽआ के़ॽ खेम्‍मा मिॽइनुङे।

फिलिप्‍पि 1:8

चइबानोॽ के़ॽ हे़निङ्‌नुङ चुप्‍मानुङ सोरि पेम्‍मा सारोनोॽ मिॽपॽआ खा निवाहाङ्‌डे़ॽ लेन्‍डुए, इन्‍ढोङ्‌होङ खिरिस्‍ट येसुडे़ॽ हे़निङ नम्‍नम ले़टिडोक्‍नोॽ के़ॽसो हे़निङ नम्‍नम ले़ए़निम्‍ने़।

फिलिप्‍पि 2:16

मोबा हे़निङे़ॽ चुप्‍पॽआ हिङ्‌मवा पिघुबा सुसमाचार निवाबेॽ हुप्‍नुङ युक्‍सानुमे। इडोॽ ले़टानुमहोङ के़ॽ खेः आङ्‌मानुङ ले़ःॽपॽआ योम्‍बोक मोडोक्‍नोॽ मे़के़न्‍डिखडा लुनुङ खिरिस्‍ट लेङ्‌इये याकपेॽ के़ॽ गरब ले़टोॽइन्‍डुङ।

फिलिप्‍पि 2:26

खोसे़ॽसो हे़निङ चुप्‍मामि बेॽलो मिॽइटुए, खो टुक्‍पॽआ खा हे़निङे़ॽसो खेम्‍इटानुमे लुनुङ बेॽलो सुरता मिङ्‌इटे़।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

२ थेस्‍लोनिकि 2:15

मोडोगे़ॽ वावानिसानुङ नानुसाजि, बिस्‍वासबेॽ बोलियो लिनुङ पेनानिङे, मोबा कानिङे़ॽ हे़निङ इःॽपॽआ सिक्‍छेहोङ्‌सो अथबा कानिङ्‌मि पत्‍राबाङ लुबॽआ खाबाङ्‌होङ्‌सो हे़निङे़ॽ कानिङ्‌बाङ चुप्‍पॽआ सिक्‍छेडे़ॽ लुडिडोॽ नुरोॽ ले़टानुमे।

२ तिमोथि 2:1

हागो तिमोथि के़ए़न्‍नोॽ पसाडोॽमा हे़न, खिरिस्‍ट येसुडे़ॽ पिबॽआ अनुग्‍रहाडे़ॽ बोलियो लिसे।

हिब्‍रु 10:23

कानिङे़ॽ आसा युङ्‌बॽआ खाबेॽ बोलियो लिमा, इन्‍ढोङ्‌होङ निवाहाङ्‌डे़ॽ ले़ःॽपॽआ बाचा खोसे़ॽ इन्‍डोॽहोङ्‌सो पुरा ले़न्‍डुए।

हिब्‍रु 3:14

कानिङे़ॽ याक्‍लो बिस्‍वास ले़ःॽमाबेॽ खोबेॽ भरोसा ले़टिडोॽ ए़क्‍साङ्‌ठोक बिस्‍वासनुङ्‌मा लिन्‍डिङ्‌माहोङ कानिङ खिरिस्‍टनुङ हकदार लिन्‍डिङ्‌मा।

हिब्‍रु 4:14

थाङ्‌सिरि खे़ॽपॽआ निवाहाङ्‌मि पसा येसुनोॽ कानिङ्‌मि चोप्‍पाङ महान एप्‍पा याडाङ्‌बा लिसा। मोडोगे़ॽ कानिङे़ॽ ले़ःॽपॽआ बिस्‍वास नुरोॽ जोगा ले़ःॽयुङ्‌मा।

२ पत्‍रुस 3:17

तर के़हा लङ्‌गामजि, हे़निङे़ॽ इघा चोप खा लेबेटानुमे, मोडोगे़ॽ होसियार ले़टानिङे। मोडोॽ ले़ःॽमाहोङ मङे़हा निवानुङ्‌हा याॽमिजिमि रेम्‍सिङ खाबेॽ रेम्‍सिघडानिङ्‌नि मोबा टाङ्‌बे़ॽ सिक्‍पॽआ ठाउँबाङ काङ्‌खडानिङ्‌नि।