फिलिप्‍पि 3:3 - याम्फु

³ इन्‍ढोङ्‌होङ चाइबमा खतना ले़ःॽखुबाजिगो कानिङ्‌गोरे ले़न्‍डिङ्‌मा, कानिङे़ॽ निवाहाङ्‌मि होङ्‌निवाबाङ खोमि ओहाङ ले़न्‍डुङ्‌मा। खिरिस्‍टबेॽ गरब ले़न्‍डिङ्‌मा मोबा याॽमिडे़ॽ टोङ्‌बॽआ रितिथितिबेॽ भरोसा ले़टुङ्‌मानि। चाइबमा खतनानुङ्‌हा चाहिँ कानिङ ले़न्‍डिङ्‌मा।

फिलिप्‍पि 3:3 Iomraidhean Croise

रोमि 1:9

काङ्‌मि चोप निवाबाङ्‌नोॽ निवाहाङ्‌मि पसामि टुम्‍बेॽए सुसमाचार परचार ले़ःॽनुङ खोमि सेवा ले़नुङे। के़ॽ हे़निङ मे़मिन्‍डेॽटिॽ, तर सानिङ्‌नोॽ हे़निङ्‌मि लागि पारथना ले़ःॽमे़ॽनिङ्‌सिनुङे। इगो खामि लागि निवाहाङ्‌नोॽ काङ्‌मि साक्‍छि टुये।

रोमि 15:17

मोडोगे़ॽ निवाहाङ्‌मि लागि के़ॽ ले़ःॽपॽआ योम्‍बोकबाङ खिरिस्‍ट येसुबेॽ गरब ले़नुङे।

रोमि 7:6

हागो कानिङ अधिनबेॽ युङ्‌खुबा धारमिक नियममि लागि सिघे़टिङ्‌मे़नुङ धारमिक नियममि अधिनबाङ फुक्‍का लिटिङ्‌मे़। इन्‍ढोङ्‌होङ कानिङ खिरिस्‍टनुङ सिघे़ॽपॽआसे़ॽ पुरानो धारमिक नियमडोॽ ने़ॽनि, तर पबित्‍रा होङ्‌निवामि चोङ हिङ्‌मवाडोॽ सेवा ले़न्‍डुङ्‌मा।

रोमि 8:15

इन्‍ढोङ्‌होङ हे़निङे़ॽ फेरि किस्‍सिमानुङ हिङ्‌घुबा सेउतेमि होङ्‌निवा मे़न्‍चुप्‍टिॽ, तर हे़निङे़ॽको पसाजि लिमे होङ्‌निवा चुप्‍मिटानुमे। मोडोगे़ॽ हागो कानिङे़ॽ निवाहाङ “अब्‍बा, पाबा” लुनुङ के़न्‍डुङ्‌मा।

रोमि 8:39

मिॽटुहा सक्‍तिडे़ॽ अथबा मिॽमुहा सक्‍तिडे़ॽ चोप सिरिस्‍टिबेॽ टुहा इमाङ खाडे़ॽसो अथबा असे़ॽसो कानिङ बेॽलो नम्‍नम ले़ःॽखुबा परभु खिरिस्‍ट येसुमि पाबा निवाहाङ्‌मि नम्‍नमबाङ फाक्‍खे़ॽहेमिने।

रोमि 9:6

तर निवाहाङ्‌डे़ॽ ले़ःॽपॽआ हेन्‍ज्‍रुङमि योम्‍बोक मे़ॽनिङ्‌मा लिबॽआडे ? इगोगो ने़ॽनि! इन्‍ढोङ्‌होङ इस्‍राएलि जातिबाङ टोक्‍पॽआजि चोप इस्‍राएलिजि ने़ॽनिहाजि।

२ कोरिन्‍थि 11:18

हाइखा याॽमिजिडे़ॽ टाङ्‌बामि खाबेॽ काङायोङ्‌बा खा इःडिडोक्‍नोॽ कासो काङायोङ्‌बा लिङे।

गलाति 5:25

चइबानोॽ कानिङ पबित्‍रा होङ्‌निवाबाङ हिङ्‌इन्‍डिङ्‌माहोङ खोसे़ॽ लुबॽआडोक्‍नोॽ हिङ्‌मा खे़ये।

गलाति 6:16

हागो इगो नियम पालना ले़ःॽखुबाजिनुङ निवाहाङ्‌मि चोप पसाजिबेॽ सान्‍तिनुङ नम्‍नावा टुडुङ्‌घे़ॽरो।

एफिसि 6:18

सानिङ पारथना ले़टानिङे, निवाहाङ्‌नुङ बोल ङागानुमे। सानिङ पबित्‍रा होङ्‌निवाबेॽ लिनुङ पारथना ले़टानुमे। इघा खा निवाबेॽ युङ्‌नुङ सानिङ होसियार लिमानुङ खिरिस्‍टमि पबित्‍रा याॽमिजिमि लागि पारथना ले़टानुमे।

फिलिप्‍पि 1:1

फिलिप्‍पि सहरबेॽ टुघुबा पबित्‍रा याॽमिजि, मन्‍डलि रेखदेख ले़ःॽखुबा अगुवाजि, डिकनजिनुङ बिस्‍वासिजिमि लागि काजिङ येसु खिरिस्‍टमि सेउतेजि पावलनुङ तिमोथिडे़ॽ इगो पत्‍रा साप्‍हाङ्‌मे़ॽसिन्‍जुङे।

फिलिप्‍पि 3:12

के़ॽ ले़ःॽमे चोप योम्‍बोक येप्‍पेटुङे मोबा का पक्‍का ले़ङेगो के़ॽ लुसुङ्‌नि। के़ॽ माहा खा चुप्‍मामि लागि बोल ले़ःॽमे़ॽनिङ्‌सिङे, इगोमि लागिनोॽ खिरिस्‍टडे़ॽ का खोमि टोङ्‌बेटिङे।

फिलिप्‍पि 3:14

थाङ्‌सिरिबेॽ चुप्‍मिये इनाममि निसानालाम का बोल टिनुङ पोम्‍बेॽ खे़ॽमे़ॽनिङ्‌सिङे। निवाहाङ्‌डे़ॽनोॽ इगोमि लागि खिरिस्‍ट येसुराम्‍बाङ का के़ए़टिङे।

कलस्‍सि 2:11

हे़निङ्‌मि खतना हुगे़ॽ ने़ॽनि, तर चाइबमा खनता चाहिँ हे़निङे़ॽ टाङ्‌बामि पापनुङ्‌हा चोप योम्‍बोक लेप्‍पेनुङ खिरिस्‍ट काङ्‌मि मुक्‍तिदाङ्‌बा लुनुङ खोबेॽ बिस्‍वास ले़ःॽपॽआ खानोॽ हे़निङ्‌मि खतना ले़ये।

यहुदा 1:20

तर के़ॽ नम्‍नम ले़ःॽपॽआ के़हा लङ्‌गामजि, हे़निङ चाहिँ पबित्‍रा बिस्‍वासबेॽ बोलियो लिसानिङे। पबित्‍रा होङ्‌निवामि सक्‍तिबेॽ पारथना ले़टानुमे।