फिलिप्‍पि 3:10 - याम्फु

¹⁰ के़ॽ खिरिस्‍टनुङ खो हिङ्‌बोक्‍मे सक्‍ति लेहेमा, खोसे़ॽ आङ्‌बॽआ खेः आङ्‌मानुङ खोमि सिमवाठोक खोडोक्‍नोॽ लिमा मिङ्‌इङे।

फिलिप्‍पि 3:10 Iomraidhean Croise

मत्‍ति 20:23

येसुडे़ॽ लुसु, “के़ॽ उङ्‌बॽआ खोरियाबाङ उङ्‌हेन्‍जुए, तर के़ए़ चुप्‍थिङ्‌लामनुङ ए़ङ्‌सिङ्‌लाम पेम्‍मेॽमे अधिकार के़ए़ हुकपेॽ माॽआये। इघा ठाउँगो काङ्‌मि पाबाडे़ॽ असा असामि लागि पोरोक्‍इटुए माहाजिमि लिहा।”

युहन्‍ना 10:18

असे़ॽसो काङ्‌मि हिङ्‌मवा काबाङ नाप्‍खे़ॽहेसुनि, तर के़ॽ काङ्‌दाङ्‌बे़ॽ काङ्‌मि हिङ्‌मवा पिनुङे़। काङ्‌मि हिङ्‌मवा हाइखाजिमि लागि पिमे हक कानुङ टुये, मोबा फेरि लामे अधिकारसो कानुङ टुये। काङ्‌मि पाबाडे़ॽ पिबॽआ आग्‍या इगोनोॽ ले़ये।”

युहन्‍ना 17:3

ए़ॽसिमे हिङ्‌मवा लुबॽआ चाहिँ हे़न इक्‍कोरेॽ चाइबमा निवाहाङ लुनुङ लेमा, मोबा हे़ने़ॽ पाङ्‌बॽआ येसु खिरिस्‍ट लेमानोॽ ले़ये।

रोमि 8:17

इडोॽ कानिङ निवाहाङ्‌मि पसाजि ले़न्‍डिङ्‌माहोङ्‌गो हकदारसो ले़न्‍डिङ्‌मा, मोबा खिरिस्‍टनुङ्‌नोॽ सोरि हकदार लिसिङ्‌मा। खोनुङ खेः आङ्‌इन्‍डुङ्‌माहोङ्‌गो कानिङ खोनुङ महिमितसो लिन्‍डिङ्‌मा।

रोमि 8:29

माहाजिबेॽ येसु खिरिस्‍ट चाहिँ चोप्‍पाङ टुम्‍मि लिरो लुनुङ असा असाजि निवाहाङ्‌डे़ॽ याक्‍लोएबाङ्‌नोॽ लेबॽआजि ले़म्‍मे, खोसे़ॽ माहाजि टाङ्‌बामि पसाडोक्‍नोॽ लिमामि लागि से़नुजि।

रोमि 8:36

कानिङे़ॽ दुःख आङ्‌मा खे़ये लुनुङ्‌गो धारमिक नेॽचिराबेॽसो साप्‍पॽआ ले़ये, “हे़नबेॽ बिस्‍वास ले़ःॽपॽआसे़ॽ कानिङ सानिङ सेॽमा योॽइम्‍मे। कानिङ चेम्‍मामि लागि पोरोक्‍नुङ युङ्‌बॽआ सामुडोॽ मिॽइम्‍मे।”

२ कोरिन्‍थि 1:10

निवाहाङ्‌डे़ॽ कानिङ मोढे़ःॽलो किस्‍सिमारोमा याकबाङ छुटाबा ले़टानुङ खोसे़ॽ सानिङ छुट्‌कारा ले़ये। कानिङे़ॽ खोसोक्‍पेॽ भरोसा युङ्‌इटुङ्‌मे़ खोसे़ॽ फेरिसो कानिङ छुटाबा ले़ये।

२ कोरिन्‍थि 1:5

इन्‍डोक कानिङ खिरिस्‍टमि लागि कस्‍ट आङ्‌इन्‍डुङ्‌मे, मोडोक्‍नोॽ खिरिस्‍टबाङ कानिङे़ॽ बेॽलो सान्‍त्‍वना चुप्‍मिन्‍डुङ्‌मे।

२ कोरिन्‍थि 13:4

खो कमजोर लिनुङ काप्‍सिङ्‌बेॽ कानिङ्‌मि लागि बलि लिसा, तर निवाहाङ्‌मि सक्‍तिडे़ॽ खो हिङ्‌रिक लिसा। इडोॽ कानिङ्‌सो खोडोक्‍नोॽ कमजोर लिटिङ्‌मे़, तर कानिङे़ॽ हे़निङ्‌मि रुम्‍बेॽ निवाहाङ्‌मि योम्‍बोक ले़ःॽमामि खोमि सक्‍तिडे़ॽ खिरिस्‍टनुङ्‌नोॽ सक्‍तिनुङ्‌मा लिन्‍डिङ्‌मे़।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

गलाति 6:17

हागोएम्‍बाङ ए़क्‍साङ असे़ॽसो का दुःख ए़ॽपिमिरो। इन्‍ढोङ्‌होङ का येसुमि सेउते ले़ङे लुनुङ लेमामि लागि काङ्‌मि हिङाबेॽ येसुमि खा इःमाबेॽ याॽमिजिडे़ॽ रोम्‍बॽआ डाम काप्‍मिनुङ्‌हा।

एफिसि 4:13

कानिङ चोबे़ॽ खिरिस्‍टबेॽ ले़टिङ्‌बॽआ बिस्‍वासबेॽ इक्‍कोनोॽ लिमे, निवाहाङ्‌मि पसा चइबानोॽ लेमे, बिस्‍वासबेॽ बोलियो लिमेनुङ खिरिस्‍टडोक्‍नोॽ लिनुङ वाबुक्‍साङ खे़ॽए़न्‍डिङ्‌मा।

फिलिप्‍पि 3:8

चइबानोॽ लुमाबेॽ खिरिस्‍ट येसु काङ्‌मि परभु लेडोक्‍मा चोप्‍पाङ बेॽए खा ले़ये, इगो खामि पोम्‍बेॽ हाइखा चोप थोक के़ॽ योम्‍बोक मे़ॽनिङ्‌हा मिॽइनुङे। खिरिस्‍टमि लागिनोॽ के़ॽ चोप थोक लेॽपेटुङ्‌हा मोबा खो नुरोॽ लेहेमा लुनुङ्‌नोॽ हाइखा चोप थोक से़क्‍चिबाडोक्‍नोॽ मिॽइनुङ्‌हा।

कलस्‍सि 1:24

हागो के़ॽ हे़निङ्‌मि लागि साप्‍थाङ्‌मानुङ दुःख आङ्‌इनुङे, इन्‍ढोङ्‌होङ खिरिस्‍टमि हिङा मन्‍डलिमि लागि, खोबाङ एम्‍बॽआ दुःखमि लागि काङ्‌मि हिङाबेॽ आङ्‌नुङ पुरा ले़नुङे।

कलस्‍सि 2:13

याक्‍लो हे़निङ टाङ्‌बामि अपराधनुङ हे़निङ्‌मि हिङाबेॽ खतना मे़ले़ःॽपॽआसे़ॽ सिबॽआ ले़टानिङ। तर निवाहाङ्‌डे़ॽ कानिङ्‌मि चोप अपराध आम्‍लाङ पिनुङ खोनुङ्‌नोॽ हिङ्‌बोॽइटे़।

कलस्‍सि 3:1

हे़निङ खिरिस्‍टनुङ सोरि हिङ्‌बोक्‍पॽआसे़ॽ थाङ्‌सिरिॽटुहा खा योगानुमे, मोबेॽ खिरिस्‍ट टुयेनुङ खो निवाहाङ्‌मि चुप्‍थिङ्‌लाम पेङ्‌इटे़।

१ पत्‍रुस 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। येसु खिरिस्‍ट सिबॽआबाङ हिङ्‌बोक्‍खुबा निवाहाङ्‌मि महान नम्‍नावाडे़ॽ कानिङ चोङ हिङ्‌मवा पिसा, मोडोगे़ॽ सिघे़ॽनिये आसा कानिङे़ॽ चुप्‍मिटुङ्‌मे़।

२ पत्‍रुस 1:13

इन्‍डोक्‍लो का हिङ्‌इङा, मोडोक्‍लो के़ॽ इघा खा हे़निङ लुमा नुबा लिये मिॽइनुङे।

१ युहन्‍ना 2:3

कानिङे़ॽ खोमि आग्‍या पालना ले़टुङ्‌माहोङ खो लेन्‍डुङ्‌मे़।

१ युहन्‍ना 2:5

तर असे़ॽ खोमि खा खेम्‍इन्‍डुए, मोसे़ॽ निवाहाङ चइबानोॽ नम्‍नम ले़न्‍डुए। इगो खाबाङ्‌नोॽ कानिङ खोबेॽ टुन्‍डिङ्‌मा लुमे खा लेन्‍डुङ्‌मे़।

परकास 1:18

हिङ्‌रिक लिघुबा चाहिँ कानोॽ ले़ङे। का सिबॽआ ले़टिङे, तर खाक्‍सानुमे, हागो का सानिङ्‌मि लागि हिङ्‌रिक लिटिङे। मोबा सिमवानुङ पाताल से़क्‍ठाम साँचो कानुङ टुहा।