फिलिप्‍पि 2:28 - याम्फु

²⁸ मोडोगे़ॽ हे़निङे़ॽ खो फेरि खाङ्‌डोक्‍माबेॽ बेॽलो साप्‍थाङ्‌इन्‍डानिङे लुनुङ के़ॽ खो पाङ्‌मा बेॽलो मिङ्‌इटिङे, मोबा काङ्‌मि सुरतासो चुक्‍खे़हा।

फिलिप्‍पि 2:28 Iomraidhean Croise

युहन्‍ना 16:22

मोडोक्‍नोॽ आयु हे़निङ सोकबेॽ टुन्‍डानिङे, तर का फेरि हे़निङ चुप्‍सिॽ लेम्‍माबेॽ हे़निङ साप्‍थाङ्‌मानुङ हाङ्‌हाङ ले़न्‍डानुमे। मो हाङ्‌हाङ असे़ॽसो हे़निङ्‌बाङ ङाप्‍खे़ॽहेसुजिनि।

एप्‍पा चोङ्‌सा 20:38

पावलडे़ॽ खोजिनुङ फेरि इन्‍डोक्‍पेॽसो कानिङ चुबिनि लुबॽआ खाडे़ॽसो माहाजि बेॽलो हाःबामि। मोबा खोजिडे़ॽ पावल खो खे़ॽठाम योङा जहाजठोक चिक्‍टिओसुजि।

२ कोरिन्‍थि 2:3

मोडोगे़ॽ का लेम्‍माबेॽ का हाङ्‌हाङ टोङ्‌घुबा याॽमिबाङ्‌नोॽ दुःखि लिमा मे़सिॽलो लुनुङ के़ॽ मो पत्‍रा साबुङ। इन्‍ढोङ्‌होङ का हाङ्‌हाङ मिम्‍माबेॽ हे़निङ्‌सो हाङ्‌हाङ मिङ्‌इन्‍डानिङे लुनुङ के़ॽ बिस्‍वास ले़नुङे।

फिलिप्‍पि 2:29

हे़निङ्‌मि निवा होङ्‌सिॽयुबाङ साप्‍थाङ्‌मानुङ परभुबेॽ निसा मिॽनुङ खो स्‍वागत ले़टानुमे। खोडोॽमा याॽमि आदर ले़ःॽमानोॽ खे़ये।

२ तिमोथि 1:4

तिमोथि हे़न हाःप्‍पॽआ मिॽमाबेॽ का सारोनोॽ हे़न्‍नुङ चुप्‍मा मिङ्‌इङे। चइबानोॽ हे़न्‍नुङ चुप्‍टोक्‍माहोङ का बेॽलो साप्‍थाङ्‌इङे।