फिलिप्‍पि 2:15 - याम्फु

¹⁵ मोडोॽ ले़टानुमहोङ हे़निङ चाहिँ सुधोनुङ आप्‍टिक मे़ॽनिङ्‌हाजि लिनुङ पापिनुङ मङे़हा याॽमिजिमि रुम्‍बेॽ निवाहाङ्‌मि खोट मे़ॽनिङ्‌हानुङ चोखो पसाजि लिन्‍डानिङे। हे़निङे़ॽ साङ्‌गेडे़ॽ सेन्‍जुगुपेॽ उज्‍यालो टोङ्‌डिडोॽ माहाजिमि रुम्‍बेॽ उज्‍यालो टोङ्‌मा खे़ये।

फिलिप्‍पि 2:15 Iomraidhean Croise

मत्‍ति 10:16

“खाक्‍सानुमे, के़ॽ हे़निङ एःभाजिडोॽहा याॽमिजिमि रुम्‍बेॽ, सामुडोॽ पाङ्‌मे़ॽनिङ्‌सिनिम्‍ने़। मोडोगे़ॽ हे़निङ पुसे़ॽडोॽ चेन्‍दुबानुङ उख्‍रिॽवाडोॽ सुधो लिमे़।

मत्‍ति 17:17

मोबा येसुडे़ॽ लुसुजि, “होउ बिस्‍वास मे़ॽनिङ्‌हानुङ मङे़हा पुस्‍ताहा याॽमिजि, हे़निङ्‌नुङ का इन्‍डोक याकटे सोरि पेङ्‌इङे ? इन्‍डोक याकरो हे़निङ्‌मि इडोक्‍हा खा के़ॽ आङ्‌मे़ ? खोइ आक्‍को पिच्‍छा इगिॽयु लाप्‍टानुमे।”

मत्‍ति 5:45

इडोॽ ले़टानुमहोङ हे़निङ थाङ्‌सिरिमि पाबामि पसा लिन्‍डानिङे। इन्‍ढोङ्‌होङ निवाहाङ्‌डे़ॽ नुबानुङ मङे़ॽमा निप्‍पाङ्‌मि लागिनोॽ नम पिन्‍डुजे। मोबा पापिनुङ धरमि निप्‍पाङ्‌मि लागिनोॽ वारि पिये।

मत्‍ति 5:48

मोडोगे़ॽ थाङ्‌सिरिबेॽ पेङ्‌खुबा हे़निङ्‌मि निवाहाङ पाबा चोप थोकबेॽ परिपक्‍का लिडिडोॽ, हे़निङ्‌सो आक्‍टोॽनोॽ लिसानिङे।”

लुका 1:6

खोजि निप्‍पाङ्‌नोॽ निवाहाङ्‌मि पोम्‍बेॽ धरमि ले़टाजे। खोजि निवाहाङ्‌डे़ॽ लुबॽआ चोप आग्‍या इक्‍कोसो मे़मिन्‍डेॽरेॽ पालना ले़टाजुए।

लुका 6:35

“तर आक्‍टोक ने़ॽनि हे़निङ सिःक्‍चाघुजि नम्‍नम ले़टानुमे, चोपनोॽ नुरोॽ ले़टानुमे, सिङि ङाःक्‍खुबाजिनुङ फिरता ए़ङाःक्‍मे निवाडे़ॽ पिसानुमे। मोडोॽ ले़टानुमहोङ हे़निङे़ॽ बेॽए इनाम चुप्‍मिन्‍डानुमेनुङ निवाहाङ्‌मि पसाजि लिन्‍डानिङे। निवाहाङ्‌डे़ॽको बैगुनिनुङ दुस्‍टा याॽमिजिसो नम्‍नम ले़न्‍डुजे।

युहन्‍ना 5:35

युहन्‍नागो कुप्‍पिडोॽ उघुबानुङ जोति पिघुबा ले़टा तर हे़निङे़ॽ खोमि उज्‍यालोबेॽ इॽछोॽरेॽ साप्‍थाक्‍सानिङ।

एप्‍पा चोङ्‌सा 2:40

मोबा पत्‍रुसडे़ॽ हाइखा बेॽलो खामि साक्‍छि पिसाङ नुरोॽ अरति पिसाङ लुसुजि, “इगो मङे़हा याॽमिजिडे़ॽ चुप्‍मे दन्‍डाबाङ हे़निङ हिङ्‌जासानिङे।”

एप्‍पा चोङ्‌सा 20:30

हे़निङ्‌मि रुम्‍बेॽसो मे़ॽनोक्‍हा सिक्‍छे इःॽखुबा याॽमिजि लिम्‍मे। माहाजिडे़ॽ परभुमि चोङ्‌साजि खोजिमि टेडिगरिक रामलाम लाघे़ॽमा योॽइन्‍डुजे।

रोमि 16:19

हे़निङे़ॽ आग्‍या पालना ले़ःॽपॽआ खामि टुम्‍बेॽ चोप याॽमिजिडे़ॽ खेम्‍इटुजे, इगो खा खेम्‍नुङ का साप्‍थाङ्‌इङे। हे़निङ नुबा योम्‍बोक ले़ःॽचारेघुबाजि लिसानिङे, मोबा मङे़हा योम्‍बोक चाहिँ ले़ःॽनोॽ मे़ले़ःॽखुबाजि लिसानिङे।

१ कोरिन्‍थि 1:8

कानिङ्‌मि परभु येसु खिरिस्‍ट लेङ्‌इये याकपेॽ हे़निङ आप्‍टिक मे़ॽनिङ युङ्‌मामि खोसे़ॽ ए़क्‍साङ्‌रो बिस्‍वासबेॽ बोलियो टोङ्‌इये।

२ कोरिन्‍थि 6:17

मोडोगे़ॽ परमपरभु खोमटाङ्‌बे़ॽ लुये, “हे़निङे़ॽ माहाजि लेॽपेसानुमे अक्‍खाजिनुङ हाःघे़ॽनुङ पेनानिङे। असुद्‌ध खा इमाङ्‌सो ए़ॽके़गानुमे, मोबा हे़निङ काङ्‌मि खिमबेॽहाजि टोङ्‌इनिम्‍ने़।”

एफिसि 5:27

मोबा कानिङ बिस्‍वासिजि पबित्‍रा, आप्‍टिक मे़ॽनिङ्‌मा, खोट मे़ॽनिङ्‌मानुङ चोप खाबेॽ नुबा लिबॽआ खिरिस्‍टमि मन्‍डलि टोङ्‌मामि लागि इडोॽ ले़टु।

फिलिप्‍पि 1:10

इडोॽ लिहोङ हे़निङे़ॽ चोपबाङ नुबा मराम हाम्‍बे चाहिँ ले़ये लुनुङ लेहेन्‍डानुमे, मोबा खिरिस्‍ट लेम्‍माबेॽ हे़निङ पबित्‍रानुङ आप्‍टिक मे़ॽनिङ्‌हा याॽमिजि लिहेन्‍डानिङे।

फिलिप्‍पि 3:6

का यहुदि धारमिक नियम सारो पाङ्‌नुमानुङ पालना ले़ःॽखुबा ले़टिङेसे़ॽ के़ॽ बिस्‍वासिजि बेॽलो चुङ्‌जासुङ्‌जि, यहुदि धारमिक नियममि पोम्‍बेॽ आप्‍टिक मे़ॽनिङ्‌मा ले़टिङे।

१ थेस्‍लोनिकि 5:23

सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

१ तिमोथि 3:10

सेवामि योम्‍बोक ले़ःॽमा याक्‍लो खोजिमि नुरोॽ जाँच ले़ःॽमा खे़ये। मोबा खोजिबेॽ इमाङ आप्‍टिक मे़न्‍चुप्‍होङ्‌रेॽ खोजिडे़ॽ डिकन लिनुङ सेवामि योम्‍बोक ले़ःॽहेन्‍डुजे।

१ तिमोथि 3:2

मोडोगे़ॽ मन्‍डलिमि पास्‍टर आप्‍टिक मे़ॽनिङ्‌मा लिमा खे़ये, खो इक्‍कोरेॽ फुङ्‌सया ले़ःॽखुबा, खो टाङ्‌बामि निवा नुबा योम्‍बोक्‍पेॽ टिहेघुबा, बुजाकिनुङ आदरनुङ्‌मा लिमा खे़ये। चबाङ्‌जि नुरोॽ ले़ःॽखुबानुङ याॽमिजि नुरोॽ इःॽलेघुबा लिमा खे़ये।

१ तिमोथि 5:14

मोडोगे़ॽ के़ॽ सल्‍लाह पिनिम्‍ने़, राङ्‌मिॽ राङ्‌मिॽमाजिडे़ॽ चाहिँ फुङ्‌सया ले़ःॽनुङ पसाजि टोक्‍नुङ नुरोॽ खिम बेबहार ले़ःॽचामिरो। मोडोॽ ले़ःॽमाहोङ्‌रेॽ कानिङ्‌मि सतुरजिडे़ॽ कानिङ बिरोध ले़टोक्‍टुजिने।

१ तिमोथि 5:20

पाप ले़ःॽखुबा एल्‍डरजि मन्‍डलिबेॽहा चोप बिस्‍वासिजिमि पोम्‍बेॽ योबाजे, मो खाङ्‌नुङ हाइखा एल्‍डरजि पाप ले़ःॽमा किस्‍सिम्‍मे।

१ तिमोथि 5:7

खोजि असे़ॽसो आप्‍टिक मे़न्‍डिडोक्‍टुजिरो लुनुङ इघा खा बिस्‍वासिजि नुरोॽ इःडाजे।

तितस 1:6

मन्‍डलिबेॽहा अगुवाजि इमाङ आप्‍टिक मे़ॽनिङ्‌मा, इक्‍कोरेॽ फुङ्‌सया ले़ःॽखुबा, नुबा चाल चलननुङ्‌बा खोमि पसाजिसो बिस्‍वास ले़ःॽखुबा, लुबॽआ खा खासिखुबानुङ याॽमिजिडे़ॽ आप्‍टिक मे़न्‍टिहेखुबा लिमा खे़ये।

तितस 2:10

माहाजि ए़ॽखुमे़ लुसाजे पुरा भरोसा ले़ःॽहेघुबा लिमा लुसाजे। माहाजिडे़ॽ ले़ःॽपॽआ चोप योम्‍बोकबाङ कानिङ मुक्‍ति पिघुबा निवाहाङ्‌डे़ॽ ओहाङ चुप्‍टुरो।

तितस 2:15

हे़ने़ॽ इघा खा पुरा अधिकारनुङ अरति पिमाहाजिनुङ योप्‍माहाजि, इघा खा इःॽमाबेॽ असे़ॽसो हे़न हेला मे़ले़ःॽहेमिरो।

हिब्‍रु 7:26

खोडोॽमानोॽ इक्‍को चोप्‍पाङ एप्‍पा याडाङ्‌बा कानिङ्‌मि लागि पाप्‍मिये। खो पबित्‍रा ले़ये, आप्‍टिक मे़ॽनिङ्‌मा ले़ये, खोट मे़ॽनिङ्‌मा ले़ये, खो पापि याॽमिजिबाङ खोरोमा ले़ये, मोबा खो चोप्‍पाङ मिॽटु थाङ्‌सिरिबेॽ युङ्‌इटुए।

१ पत्‍रुस 2:12

अयहुदिजिमि रुम्‍बेॽ हे़निङ्‌मि चाल चलन नुबा लिरो। याॽमिजिडे़ॽ हे़निङ मङे़हाजि लुमिहोङ्‌सो हे़निङ्‌मि नुबा योम्‍बोक खाङ्‌डोगुजिरो, न्‍यायमि याकपेॽ माहाजिडे़ॽ निवाहाङ्‌मि ओहाङ ले़टुजिरो।

१ पत्‍रुस 2:9

तर हे़निङ्‌गो निवाहाङ्‌डे़ॽ से़म्‍बॽआ बङ्‌सजि, हाङ्‌बामि बङ्‌समि याडाङ्‌बाजि, पबित्‍रा जाति, निवाहाङ्‌मिन्‍नोॽ जनता ले़न्‍डानिङे, खोसे़ॽ हे़निङ खोमि खरिहा योम्‍बोक परचार ले़ःॽमामि से़ङ्‌इटे़।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

परकास 2:5

हे़निङे़ॽ टाङ्‌बामि टुम्‍बेॽ नुरोॽ मिॽखाक्‍सानुमे, हे़निङ्‌मि याक्‍लोए बिस्‍वासबाङ इन्‍डोक मिॽमु हेॽयुटानिङे। हागो हे़निङे़ॽ पापि योम्‍बोक लेॽपेनुङ टेआबानिङे, मोबा याक्‍लो हे़निङे़ॽ ले़टिडोक्‍नोॽ ले़टानुमे। मोडोॽ मे़ले़टानुमहोङ्‌गो का हे़निङ्‌बेॽ लेन्‍नुङ हे़निङ्‌मि सुनामि कुप्‍पि युङ्‌ढाम मो ठाउँबाङ सेम्‍बेनुङे।

परकास 3:9

खेप्‍सानुमे, हे़निङ्‌मि रुम्‍बेॽ इन्‍डोक जना यहुदिजिडे़ॽ सैतानमि ओहाङ ले़न्‍डुजे। माहाजि टाङ्‌बा निवाहाङ्‌मि याॽमिजि कामानिम्‍मे, अक्‍खाजि रेम्‍डेॽमे़ॽनिङ्‌सिम्‍मे, इन्‍ढोङ्‌होङ अक्‍खाजि यहुदिजि ने़ॽनिहाजि। के़ॽ खोजि हे़निङ्‌मि पोम्‍बेॽ लाजे़नुङ्‌हाजि, माहाजि उःक्‌युनुङ हे़निङ सेवा ले़ःॽमेॽनुङ्‌हाजि, मोबा के़ॽ हे़निङ इन्‍डोक नम्‍नम ले़ःॽनिम्‍ने़ लुमे खा माहाजिडे़ॽ लेडोक्‍इन्‍डुजे।