फिलिप्‍पि 1:5 - याम्फु

⁵ इन्‍ढोङ्‌होङ हे़निङ याक्‍लोएबाङ आयुरोसो सुसमाचार परचार ले़ःॽमे योम्‍बोकपेॽ कानुङ सोरि टुन्‍डानिङ।

फिलिप्‍पि 1:5 Iomraidhean Croise

एप्‍पा चोङ्‌सा 2:42

मोबा माहाजिडे़ॽ एप्‍पा चोङ्‌साजिनुङ चिनामे, सोरि सङ्‌गति ले़टामे। मोबा सानिङ्‌नोॽ सोरि सोरि पारथना ले़टामेनुङ परभु भत्‍तेर चासामे।

रोमि 11:17

मोडोक्‍नोॽ इन्‍डोक यहुदि जातिहा याॽमिजि नुबा जैतुनमि डाङ्‌बाङ चेन्‍नुङ राप्‍पेबॽआडोक्‍नोॽ लिटामे। तर हे़निङ अयहुदिजि चाहिँ नाम्‍भुङ्‌लाबेॽए जैतुन ले़टानिङ्‌सो खिमबेॽ रिःॽपॽआ जैतुनमि हक्‍काम्‍बाबेॽ काम्‍डिबॽआडोॽ लिटानिङे। हागो हे़निङ्‌सो मो नुबा जैतुनमि राडाङ्‌बाङ सक्‍ति पिघुबा हिङ्‌मवामि योङा चुप्‍मिन्‍डानुमे।

रोमि 12:13

निवाहाङ्‌मि योम्‍बोक ले़ःॽखुबाजि खाँचोबेॽ सिॽमाबेॽ सहायता ले़टानुमे, चाबाङ्‌जिमि नुरोॽ सेवा ले़टानुमे।

रोमि 15:26

इन्‍ढोङ्‌होङ यरुसलेमबेॽ टुघुबाजि असा असा खाँचोबेॽ सिॽखुबाजिमि लागि, अखैयानुङ माकेडोनियाबेॽहा बिस्‍वासिजिडे़ॽ भेटि पाङ्‌इटुजे।

१ कोरिन्‍थि 1:9

निवाहाङ बिस्‍वासनुङ्‌मा ले़ये, मोडोगे़ॽनोॽ खोमि पसा परभु येसु खिरिस्‍टमि सङ्‌गतिबेॽ हे़निङ के़ए़टे़।

२ कोरिन्‍थि 8:1

वावानिसानुङ नानुसाजि, निवाहाङ्‌डे़ॽ माकेडोनियामि मन्‍डलिबेॽहाजि ले़ःॽपॽआ अनुग्‍रहामि टुम्‍बेॽ हे़निङ लुबेॽमा मिॽइन्‍डुङ्‌मे़।

एफिसि 3:6

मो लेमा छॽइये खा लुबॽआ चाहिँ इगो ले़ये, सुसमाचारबाङ्‌नोॽ अयहुदि जातिजिडे़ॽसो यहुदिजिडे़ॽ चुप्‍पॽआ आसिसमि अधिकार चुप्‍मिन्‍डुजे, मोबा अयहुदि जातिहा याॽमिजिसो इक्‍को हिङामि अङ्‌ग लिम्‍मे, मोबा खिरिस्‍ट येसुबाङ निवाहाङ पाबाडे़ॽ हे़म्‍बॽआ हे़न्‍ज्‍रुङ्‌मि हकदारसो लिम्‍मे।

फिलिप्‍पि 1:12

वावानिसानुङ नानुसाजि, हे़निङे़ॽ इगो खा लेसानुमे लुनुङ के़ॽ मिॽइनुङे। कासोक्‍पेॽ लेम्‍बॽआ इघा चुङ्‌जामा खेःडे़ॽको छना बेॽलो सुसमाचार परचार लिमा राप्‍मिटे़।

फिलिप्‍पि 1:16

सुसमाचार जोगा ले़ःॽमामि लागिनोॽ का इगोबेॽ टुङे लुनुङ लेघुबाजिडे़ॽ चाहिँ परचारमि योम्‍बोक नम्‍नमनुङ ले़न्‍डुजे।

फिलिप्‍पि 1:27

चोप्‍पाङ बेॽए खा लुबॽआ चाहिँ हे़निङ्‌मि चाल चलन सुसमाचार परचार ले़ःॽमारोमा लिमा खे़ये। मोडोगे़ॽ का हे़निङ्‌बेॽ लेङ्‌ङासो मे़लेङ्‌ङासो हे़निङ चाहिँ इक्‍को होङ्‌निवाबेॽ बोलियो लिसानिङे। मोबा इक्‍कोनोॽ योम्‍बोक ले़ःॽमे निवा खिनुङ बेॽलो याॽमिजिडे़ॽ बिस्‍वास ले़टुमिरो मिॽनुङ सुसमाचारमि परचार ले़ःॽपॽआ के़ॽ खेम्‍मा मिॽइनुङे।

फिलिप्‍पि 1:7

हे़निङ चोपमि टुम्‍बेॽ मोडोॽ मिॽमा के़ॽ नुबा मिॽटुङ, इन्‍ढोङ्‌होङ हे़निङ काङ्‌मि निवाहोङ्‌सिॽयु युङ्‌इटुङे। आयु का तिरिङ्‌गा खिमबेॽ से़क्‍सिघे़ॽमाबेॽसो, याक्‍लो सुसमाचार पक्‍का ले़ःॽमाबेॽसो इगो निच्‍चि बेलानोॽ निवाहाङ्‌मि अनुग्‍रहाबेॽ हे़निङ कानुङ सोरि येःबानिङे।

फिलिप्‍पि 2:12

मोडोगे़ॽ के़ॽ नम्‍नम ले़ःॽपॽआ वावानिसानुङ नानुसाजि, का हे़निङ्‌नुङ टुमाबेॽ के़ॽ लुबॽआ खा हे़निङे़ॽ ले़टानुम, तर हागो का ओः लिमाबेॽसो हे़निङे़ॽ छना बेॽलो निवाहाङ्‌मि किस्‍सिमवे़ॽ योङ्‌मानुङ हे़निङे़ॽ चुप्‍पॽआ मुक्‍ति खेन्‍जानुये बेबहारनुङ्‌मा योम्‍बोक ले़टानुमे।

फिलिप्‍पि 2:22

तर हे़निङे़ॽ तिमोथिमि आनिबानि नुबा ले़ये लुनुङ्‌गो नुरोॽ लेन्‍डानुमे, खोसे़ॽ इक्‍को पसाडे़ॽ खोम पाबानुङ योम्‍बोक ले़टिडोॽ कानुङ सुसमाचारमि योम्‍बोक ले़ए़टुए।

फिलिप्‍पि 4:3

हे़न्‍जिङ काङ्‌मि बिस्‍वासनुङ्‌मा लङ्‌गामजि हे़न्‍जिङेॽ इघा मेॽनामिॽचि सहायोग ले़टाजे, इन्‍ढोङ्‌होङ इघाजिडे़ॽ कानुङ सोरि सुसमाचारमि योम्‍बोक निवाबाङ्‌नोॽ ले़ए़टुजे। कानुङ्‌रेॽ ने़ॽनि क्‍लेमेसनुङ मोबा कानुङ योम्‍बोक ले़ःॽखुबा के़हा हाइखा लङ्‌गामजिनुङ्‌सो मोडोक्‍नोॽ योम्‍बोक ले़ए़टुजे, खोजिमि निङ हिङ्‌मवामि नेॽचिराबेॽ टुहा।

फिलेमोन 1:17

मोडोगे़ॽ हे़ने़ॽ का लङ्‌गाम मिॽइङाहोङ का ले़टिडोक्‍नोॽ खोसो ले़टे।

हिब्‍रु 3:14

कानिङे़ॽ याक्‍लो बिस्‍वास ले़ःॽमाबेॽ खोबेॽ भरोसा ले़टिडोॽ ए़क्‍साङ्‌ठोक बिस्‍वासनुङ्‌मा लिन्‍डिङ्‌माहोङ कानिङ खिरिस्‍टनुङ हकदार लिन्‍डिङ्‌मा।

२ पत्‍रुस 1:1

का सिमोन पत्‍रुस येसु खिरिस्‍टमि सेउतेनुङ एप्‍पा चोङ्‌साडे़ॽ इगो पत्‍रा साप्‍मिटुङे। के़ॽ इगो पत्‍रा कानिङ्‌मि निवाहाङ्‌नुङ मुक्‍तिदाङ्‌बा येसु खिरिस्‍टमि धारमिक खाबाङ कानिङे़ॽ चुप्‍पॽआडोॽमा बेॽलो मुल्‍यनुङ्‌मा बिस्‍वास चुप्‍खुबा चोपजिमि लागि साप्‍मे़ॽनिङ्‌सिनुङे।

१ युहन्‍ना 1:3

कानिङ्‌मि सङ्‌गति चाहिँ निवाहाङ पाबानुङ खोमि पसा येसु खिरिस्‍टनुङ टुये। मोडोगे़ॽ हे़निङ्‌सो कानिङ्‌नुङ सङ्‌गति ले़टानिङे लुनुङ्‌नोॽ कानिङे़ॽ खाङ्‌बॽआनुङ खेम्‍बॽआ मो खा हे़निङ लुमे़ॽनिङ्‌सिन्‍डुङ्‌मे।

१ युहन्‍ना 1:7

तर खो जोतिबेॽ टुबॽआडोक्‍नोॽ कानिङ्‌सो जोतिबेॽ राप्‍सिङ्‌माहोङ, कानिङ इक्‍कोमि हाइकोनुङ सङ्‌गति लिये। मोबा निवाहाङ्‌मि पसा येसुमि हरिडे़ॽ कानिङ चोप पापबाङ चोखो टोङ्‌इये।