फिलिप्‍पि 1:30 - याम्फु

³⁰ याक्‍लोहा याकपेॽ के़ॽ आङ्‌बॽआ चुङ्‌जामा खेः हे़निङे़ॽ खाङ्‌इटानुमेनुङ मो आयुसो के़ॽ आङ्‌मे़ॽसिनुङे मो खेः हे़निङ चोबे़ॽसो आङ्‌मे़ॽसिन्‍डानुमे।

फिलिप्‍पि 1:30 Iomraidhean Croise

युहन्‍ना 16:33

“हे़निङ कानुङ टुमाबेॽ सान्‍ति चुप्‍हेसानुमे लुनुङ के़ॽ हे़निङ इघा चोप खा लुबॽआ। मक्‍खाम्‍डेमबेॽ हे़निङे़ॽ खेः आङ्‌मा खे़ये, तर ए़क्‍किसिसानिङे इन्‍ढोङ्‌होङ के़ॽ मक्‍खाम्‍डेम हेजाबेटुङे।”

फिलिप्‍पि 1:13

के़ॽ खिरिस्‍टमि सुसमाचार परचार ले़ःॽपॽआसे़ॽ तिरिङ्‌गा खिमबेॽ से़क्‍सिघे़टिङे लुमे खा चोप तिरिङ्‌गाजिनुङ हाइखा चोप याॽमिजिडे़ॽसो लेन्‍डुजे।

कलस्‍सि 1:29

खिरिस्‍टडे़ॽ पिबॽआ काहोङ्‌बेॽ टुये बेॽए सक्‍तिडे़ॽनोॽ के़ॽ इगो योम्‍बोक चोप निवा टिनुङ ले़नुङे।

कलस्‍सि 2:1

चइबानोॽ हे़निङ्‌मि लागि के़ॽ निवा टिसाङ खेः आङ्‌मानुङ नुरोॽ योम्‍बोक ले़ए़टुङे। के़ॽको लाउडिकियाबेॽहा याॽमिजिनुङ के़ॽ मे़लेघुबाजिमि लागिसो मोडोक्‍नोॽ निवा टिनुङ योम्‍बोक ले़ए़टुङे लुनुङ हे़निङे़ॽ लेसानुमे मिॽइनिम्‍ने़।

१ थेस्‍लोनिकि 2:2

हे़निङे़ॽ लेन्‍डानुम, आक्‍कोबेॽ लेम्‍मा याक्‍लो फिलिप्‍पि ठाउँबेॽहा याॽमिजिडे़ॽ कानिङ बेॽलो दुःख पिसामिनुङ कानिङ ङेम्‍मानोॽ चुक्‍सामि। मोडोक्‍सो निवाहाङ्‌डे़ॽ कानिङ आँटिलो टोक्‍सा, थेस्‍लोनिकिबेॽ बेॽलो टेडिघरिक याॽमिजि टुसामिरोसो कानिङे़ॽ हे़निङ सुसमाचार खेम्‍मेॽटुङ्‌मा।

१ तिमोथि 6:12

हे़ने़ए़ बिस्‍वासमि लागि नुरोॽ ङे ले़टेनुङ ए़ॽसिघे़ॽमे हिङ्‌मवा नुरोॽ जोगा ले़टे। इन्‍ढोङ्‌होङ इगोमि लागिनोॽ हे़न निवाहाङ्‌डे़ॽ के़ए़टे़। मोडोक्‍पेॽ हे़ने़ॽ खिरिस्‍टबेॽ टुये बिस्‍वासमि टुम्‍बेॽ बेॽलो साक्‍छिजिमि पोम्‍बेॽ लुटुए।

२ तिमोथि 4:7

के़ॽ काङ्‌मि ङे नुरोॽ ले़ःॽसेटुङे। के़ए़ पिम्‍मे योम्‍बोक येॽपेटुङेनुङ काङ्‌मि बिस्‍वास हिङ्‌रिकनोॽ युङ्‌इटुङे।

हिब्‍रु 12:1

खिम्‍मिॽवाडे़ॽ टे़क्‍डिडोॽ कानिङ्‌मि खिरिरि बेॽलो साक्‍छिजि टुम्‍मे। मोडोगे़ॽ कानिङ्‌मि राम्‍बेॽ लेङ्‌इहा खाल खालहा रिहानुङ हाप्‍सेॽखुबा पाप कोसेॽनुङ निवाहाङ्‌डे़ॽ कानिङ पिबॽआ योम्‍बोक नुरोॽ पुरा ले़ःॽमा खे़ये।

हिब्‍रु 12:4

हे़निङे़ॽ पापमि बिरोधबेॽ ङे ले़ःॽमाबेॽ सिमानोॽको मे़न्‍सिॽटि।

परकास 12:11

कानिङ्‌मि वावानिसानुङ नानुसाजिडे़ॽ थुमामि हरिनुङ टाङ्‌बा सिमानोॽ सिॽहोङ्‌सो सिमा पोरोक्‍नुङ बचन परचार ले़ःॽपॽआसे़ॽ मो सैतान हेजोटुजे।