3 हे़निङ मिॽमाबेॽ सानिङ काङ्मि निवाहाङ ओहाक पिनुङे़।
याक्लो इक्खेॽ हे़निङ पापमि सेउते ले़टानिङे, तर हागोगो हे़निङे़ॽ निवाहाङ्मि खा खेम्बॽआसे़ॽ निवाबाङ्नोॽ पालना ले़टानुमे। इगो खामि लागि निवाहाङ ओहाक पिनुङे़।
खिरिस्ट येसुबेॽ निवाहाङ्डे़ॽ हे़निङ पिबॽआ अनुग्रहामि लागि सानिङ के़ॽ निवाहाङ ओहाक पिनुङे़।
हे़निङे़ॽ ले़ःॽमे़ॽ कानिङ निवाहाङ्मि पोम्बेॽ साप्थाङ्इन्डिङ्मा। इगो खामि लागिगो कानिङे़ॽ निवाहाङ इन्डोक ओहाङ पिमाबेॽसो चुक्खे़ये।
वावानिसाजि, हे़निङ बिस्वासबेॽ छना पक्का लिमे़ॽनिङ्सिन्डानिङे। नम्नम ले़ःॽखुसे़ॽचुमे खाबेॽसो हे़निङ नुबा ले़ःन्डानिङे। मोडोगे़ॽ हे़निङ्मि लागि सानिङ्नोॽ निवाहाङ ओहाक पिमानोॽ खे़ये।
के़ॽ काङ्मि नुबानुङ मङे़ॽमा लेघुबा निवाडे़ॽ सेवा ले़ःपॽआ निवाहाङ ओहाक पिनुङे़, याक्लो खो के़हा टुबालाबाजिडे़ॽ सेवा ले़टुजे। के़ॽ सानिङ्नोॽ के़ए़ पारथनाबेॽ हे़न मिॽइन्ने़।
