फिलिप्‍पि 1:13 - याम्फु

¹³ के़ॽ खिरिस्‍टमि सुसमाचार परचार ले़ःॽपॽआसे़ॽ तिरिङ्‌गा खिमबेॽ से़क्‍सिघे़टिङे लुमे खा चोप तिरिङ्‌गाजिनुङ हाइखा चोप याॽमिजिडे़ॽसो लेन्‍डुजे।

फिलिप्‍पि 1:13 Iomraidhean Croise

एप्‍पा चोङ्‌सा 26:29

पावलडे़ॽ लुसु, “हागो ए़डे़ॽवाहोङ्‌सो बेॽलोहोङ्‌सो इगो के़हा खाडे़ॽ हे़नरेॽनोॽ ने़ॽनि आयु टुघुबा चोबे़ॽ के़ॽ लुबॽआ खा खेम्‍नुङ चोप याॽमिजि काडोक्‍मा बिस्‍वासि लिसामिहोङ नुबा लिसे़। के़ॽ इगोमि लागि निवाहाङ्‌नुङ पारथना ले़नुङे।”

एप्‍पा चोङ्‌सा 26:31

मोबा पाखे़ॽयु खे़ॽमाबेॽ खोजि खोजि इडोॽ कासामि, “इगो याॽमिडे़ॽ सेॽनेमे खालमा सजाय चुप्‍मारोमा बिरोङ्‌गो मे़ले़ःॽटिॽटुए ले़ए़।”

एप्‍पा चोङ्‌सा 28:17

सुम याक ए़क्‍साङ पावलडे़ॽ रोमबेॽ पेङ्‌खुबा यहुदि अगुवाजि के़डुजि। माहाजि सुप्‍सामि मोबा पावलडे़ॽ इडोॽ लुसुजि, “होउ वावानिसाजि, के़ॽ कानिङ्‌मि जातिनुङ कानिङ्‌मि टुबाजिडे़ॽ पिबॽआ रितिथितिमि बिरोधबेॽ इमाङ ए़ले़ःॽमाबेॽसो, यहुदि वावानिसाजिडे़ॽ का यरुसलेमबेॽ राःप्‍नुङ रोमिजिमि हुकपेॽ पिसामि।

एप्‍पा चोङ्‌सा 28:20

मोडोगे़ॽ इगो खा खेम्‍मेॽमामि लागि, मोबा हे़निङ्‌नुङ चुप्‍मामि लागि के़ॽ इगोबेॽ के़ॽपॽआ। कानिङ इस्‍राएलिजिडे़ॽ लेङ्‌इये लुनुङ आसा ले़ःॽपॽआ मुक्‍ति पिघुबा हाङ्‌बामि लागिनोॽ का आयु इगो चे़क्‍चिमि कोङ्‌बेॽ सिॽइटिङे।”

एप्‍पा चोङ्‌सा 28:30

पावल टाङ्‌बे़ॽनोॽ लाबॽआ कोठाबेॽ निनिङ्‌डोॽ पेना। मोबेॽनोॽ खो चुप्‍सिॽ लेङ्‌खुबा चोप याॽमिजि खोसे़ॽ स्‍वागत ले़टुजे।

एफिसि 3:1

मोडोगे़ॽ का पावलडे़ॽ हे़निङ अयहुदिजिमि लागि खिरिस्‍ट येसुमि योम्‍बोक ले़ःॽमाबेॽ का तिरिङ्‌गा खिमबेॽ से़क्‍सिघे़टिङे।

एफिसि 4:1

मोडोगे़ॽ परभुमि योम्‍बोकमि लागि तिरिङ्‌गा खिमबेॽ से़क्‍सिघे़ॽपॽआ का पावलडे़ॽ हे़निङ्‌नुङ बिन्‍ति ले़निम्‍ने़, निवाहाङ्‌डे़ॽ हे़निङ इमा योम्‍बोकमि लागि के़ए़टे़ मोमि लागिनोॽ हिक्‍सानिङे।

एफिसि 6:20

इगो सुसमाचारमि लागिनोॽ येसु खिरिस्‍टमि एप्‍पा चोङ्‌सा लिटिङे। इगोमि लागि का तिरिङ्‌गा खिमबेॽ से़क्‍सिघे़टिङ्‌होङ्‌सो के़ॽ इःमा खे़ये खा मे़ङकिसिरेॽ इःहेमा लुनुङ काङ्‌मि लागि पारथना ले़ःॽपेॽमाजे।

फिलिप्‍पि 1:30

याक्‍लोहा याकपेॽ के़ॽ आङ्‌बॽआ चुङ्‌जामा खेः हे़निङे़ॽ खाङ्‌इटानुमेनुङ मो आयुसो के़ॽ आङ्‌मे़ॽसिनुङे मो खेः हे़निङ चोबे़ॽसो आङ्‌मे़ॽसिन्‍डानुमे।

फिलिप्‍पि 1:7

हे़निङ चोपमि टुम्‍बेॽ मोडोॽ मिॽमा के़ॽ नुबा मिॽटुङ, इन्‍ढोङ्‌होङ हे़निङ काङ्‌मि निवाहोङ्‌सिॽयु युङ्‌इटुङे। आयु का तिरिङ्‌गा खिमबेॽ से़क्‍सिघे़ॽमाबेॽसो, याक्‍लो सुसमाचार पक्‍का ले़ःॽमाबेॽसो इगो निच्‍चि बेलानोॽ निवाहाङ्‌मि अनुग्‍रहाबेॽ हे़निङ कानुङ सोरि येःबानिङे।

फिलिप्‍पि 4:22

खिरिस्‍ट येसुमि पबित्‍रा याॽमिजिडे़ॽ, मोबाङ्‌सो रोमि सरकारमि हाङ्‌खिमबेॽ टुघुबाजिडे़ॽ हे़निङ सेवायो पाङ्‌इटामे।

२ तिमोथि 2:9

मो सुसमाचार खेम्‍मेॽपॽआसे़ॽ के़ॽ इगो खेः आङ्‌मे़ॽनिङ्‌सिनुङे। आक्‍टोक्‍रेॽ ने़ॽनि, अपराधिडोॽ चे़क्‍चिमि कोङ्‌डे़ॽ हिःक्‍नुङ से़क्‍सिघे़टिङे। तर निवाहाङ्‌मि सुसमाचार चाहिँ से़क्‍सिघे़ॽनिबा।