मरकुस 8:2 - याम्फु

² “इघा याॽमिजि खाङ्‌नुङ सारो नम्‍नम मिॽटुङ्‌जिङ। इघाजि कानुङ पेम्‍बॽआ आयु सुम याक याक्‍खे़टे़, चामामि लागि इघाजिनुङ इमाङ्‌सो माॽआ।

मरकुस 8:2 Iomraidhean Croise

मत्‍ति 14:14

येसु नाउबाङ पाखाबेॽ आप्‍माबेॽको बेॽलो याॽमिजि खाङ्‌डोक्‍टुजि, माहाजि खाङ्‌नुङ खोसे़ॽ नम्‍नावा मिॽनुङ मोबेॽहा टुक्‍खुबाजि नुबोगुजि।

मत्‍ति 20:34

येसुडे़ॽ निवाबाङ मोजि नम्‍नम मिॽनुङ खोजिमि मिक के़क्‍पेॽटुजि, के़क्‍मासोरोक्‍नोॽ मोजिमि मिगे़ॽ खाङ्‌हेसाजु मोबा खोजि येसुनुङ्‌नोॽ सोरि राम्‍बोगाजि।

मत्‍ति 9:36

तर मोबेॽ सुम्‍बॽआ बेॽलो याॽमिजि खाङ्‌नुङ येसुमि निवा नम्‍नावे़ॽ टिबु। इन्‍ढोङ्‌होङ माहाजि गोठ्‌ला मे़ॽनिङ्‌हा सामुजिडोॽ मोबा फोःप्‍सिघे़ॽपॽआनुङ टाङ्‌बाङ मे़ॽनिङ्‌हा ले़टामि।

मरकुस 1:41

इडोक्‍मा खा खेम्‍नुङ येसुमि निवा नम्‍नावे़ॽ टिबु। मोबा मो याॽमिसोक्‍पेॽ हुक युङ्‌नुङ लुसु, “के़ॽ हे़न चोखो लिसे मिॽइन्‍ने।”

मरकुस 5:19

तर येसुडे़ॽ मो याॽमि ए़आप्‍ने लुसाङ इडोॽ लुसु, “हे़न आम्‍मि खिमबेॽ खे़ॽनुङ हे़ने़हा लङ्‌गामजि लुसाजे परभुडे़ॽ हे़ने़ए़ हिङ्‌मवाबेॽ ले़ःॽपॽआ योम्‍बोकनुङ खोमि नम्‍नावामि खा चोप लुबेॽटाजे।”

मरकुस 6:32

मोडोगे़ॽ खोजि नाउबेॽ साङ्‌नुङ खुस्‍रिङ्‌मु सङ्‌गासुमा ठाउँबेॽ खडामि।

मरकुस 6:34

येसु मो ठाउँबेॽ रुक्‍नुङ नाउबाङ ओरला लिमाबेॽ बेॽलो याॽमिजि गोठ्‌ला मे़ॽनिङ्‌हा सामुजिडोॽ मोबेॽ सुम्‍बॽआ खाङ्‌डोक्‍नुङ खोमि निवा नम्‍नावे़ॽ टिबु, मोबा येसुडे़ॽ माहाजि बेॽलो खामि टुम्‍बेॽ इःडुजि।

मरकुस 8:3

खाक्‍सानुमे, इघाजिबेॽ कोहि कोहि बेॽलोनोॽ ओःबाङ इगोबेॽ लेङ्‌इटामे। हागो इघाजि साक्‍मेन्‍जा पाङ्‌माजिहोङ्‌गो रामबेॽनोॽ सागे़ॽ टेन्‍डिॽखे़म्‍मि होला।”

मरकुस 9:22

“मङे़ॽमा चाबे़ॽ घरि घरि मिनुङ योङाबेॽ राःप्‍एङ्‌इटुए। हे़ने़ॽ नुबोक्‍हेन्‍डुहोङ कानिङ सोक्‍पेॽ नम्‍नावा ले़ःॽनुङ इगो मङे़ॽमा चाप यिक्‍पेबेॽमाना।”

लुका 15:20

मोबा खो येपोक्‍नुङ पाबामि खिमबेॽ टेघडा। खोम्‍बाडे़ॽ खो आप्‍मे़ॽनिङ्‌सिबॽआ ओःबाङ्‌नोॽ खाङ्‌डोक्‍नुङ खोम्‍बामि निवा नम्‍नावे़ॽ टिबु, मोबा पसे़ॽयु पिङ्‌घे़ॽनुङ हेप्‍साङ नम्‍नम ले़टु।

लुका 7:13

राङ्‌मिॽमामि बिपत खाङ्‌नुङ परभुमि निवा नम्‍नावे़ॽ टिबु, मोबा खो लुसु, “हे़न ए़हाःप्‍ने!”

हिब्‍रु 2:17

मोडोगे़ॽ चोप खाबेॽ खो टाङ्‌बामि वावा निसाजिडोक्‍नोॽ लिमा खडा। मोबा याॽमिजिमि पापमि लागि आम्‍लाङ ङाःक्‍मामि भरोसानुङ्‌मानुङ नम्‍नावानुङ्‌मा चोप्‍पाङ एप्‍पा याडाङ्‌बा लिसा।

हिब्‍रु 4:15

इन्‍ढोङ्‌होङ कानिङ्‌मि चोप्‍पाङ एप्‍पा याडाङ्‌बा कानिङ्‌मि कमजोरि लेहेघुबा ले़ये। कानिङ्‌मि चोप्‍पाङ एप्‍पा याडाङ्‌बा कानिङ्‌डोक्‍नोॽ जाँचबेॽ सिॽटा, तरसो खोसे़ॽ इक्‍कोसो पाप मे़ले़टु।

हिब्‍रु 5:2

खोसे़ॽ इमाङ्‌सो मे़लेघुबानुङ मङे़ॽमा रामबेॽ राम्‍खुबा याॽमिजिमि पोम्‍बेॽ ए़डे़म्‍मा लिनुङ योम्‍बोक ले़ःॽहेन्‍डुए, इन्‍ढोङ्‌होङ खोम्‍दाङ्‌बासो मोडोक्‍नोॽ कमजोर याॽमि ले़ये।