मरकुस 2:2 - याम्फु

² मोबा बेॽलो याॽमिजि येसुबेॽ लेस्‍सामि मोडोगे़ॽ खिम होङ्‌सिॽयुनुङ पाखे़ॽयु पेन्‍ढाम ठाउँनोॽ माॽआड। मोडोक्‍पेॽ येसुडे़ॽ याॽमिजि निवाहाङ्‌मि बचन खेम्‍मे़ॽनिङ्‌सिडुजि।

मरकुस 2:2 Iomraidhean Croise

मत्‍ति 5:2

मोबा येसुडे़ॽ माहा याॽमिजि सिक्‍छे पिसाङ इडोॽ लुसुजि,

मरकुस 1:14

ए़क्‍साङ युहन्‍ना तिरिङ्‌गा खिमबेॽ राःप्‍खे़ॽनुङ ए़क्‍साङ येसुडे़ॽ निवाहाङ्‌मि सुसमाचार याॽमिजि परचार ले़ःॽसाङ गालिलबेॽ लेस्‍सा।

मरकुस 1:33

मोबा मो सहरबेॽहा बेॽलो याॽमिजि खिमबेॽ सुप्‍सामि।

मरकुस 1:37

खोजिडे़ॽ येसु चुप्‍नुङ लुसुजि, “चोबे़ॽ हे़न योक्‍मे़ॽनिङ्‌सिम्‍मे।”

मरकुस 1:45

तर मो याॽमि मोबाङ खे़ॽनुङ टाङ्‌बा नुबोक्‍पॽआ खा चोप याॽमिजि खेम्‍मेॽटुजि। इडोॽ लिबॽआसे़ॽ येसुडे़ॽ फेरि सहरराजि खे़ॽनुङ परचार मे़ले़ःॽहेसु। मोडोगे़ॽ येसु साङ्‌गासुमा ठाउँराजि खे़ॽनुङ पेम्‍बोगा, तर मोबेॽसो याॽमिजि किॽयु मिॽयुराम लेम्‍बोगामि।

मरकुस 2:1

इक्‍याक नियाक ए़क्‍साङ येसु कफनरहुम सहर टेघडा। मोबा याॽमिजिडे़ॽ येसु खिमबेॽनोॽ टुये लुमे खा लेडोक्‍टुजि।

मरकुस 2:13

येसु फेरि गालिल टोम्‍लिॽवा के़क्‍पेॽ खडा। मोबेॽ बेॽलो याॽमिजि खोबेॽ सुप्‍सामि मोबा येसुडे़ॽ माहाजि सिक्‍छे पिसुजि।

मरकुस 6:34

येसु मो ठाउँबेॽ रुक्‍नुङ नाउबाङ ओरला लिमाबेॽ बेॽलो याॽमिजि गोठ्‌ला मे़ॽनिङ्‌हा सामुजिडोॽ मोबेॽ सुम्‍बॽआ खाङ्‌डोक्‍नुङ खोमि निवा नम्‍नावे़ॽ टिबु, मोबा येसुडे़ॽ माहाजि बेॽलो खामि टुम्‍बेॽ इःडुजि।

लुका 12:1

मोडोक्‍पेॽ बेॽलो बेॽलो याॽमिजि सुम्‍बॽआसे़ॽ घुइँचो लिनुङ सिक्‍खुसे़ॽ चुबॽआ ले़टामे। येसुडे़ॽ याक्‍लो खोमि चोङ्‌साजि लुसुजि, “हे़निङ फरिसिजिमि खमिरडोक्‍मा मङे़ॽमा खाबाङ होसियार पेनानिङे! इगो खाबाङ लेमा खे़ये खा चाहिँ, फरिसिजिमि कप्‍टि निवाबाङ होसियार ले़टानिङे लुबॽआ ले़टे़।

लुका 5:17

इक्‍याक येसुडे़ॽ याॽमिजि सिक्‍छे इःॽमे़ॽनिङ्‌सिडुजे। इक्‍को निप्‍पाङ यहुदि धारमिक नियम इःॽखुबाजिनुङ फरिसिजिसो खोमि के़क्‍पेॽ पेम्‍मे़ॽनिङ्‌सिडामे। माहाजि गालिलनुङ, यहुदियाबेॽहा खिम्‍डेमबाङ्‌नुङ यरुसलेम सहरबाङ्‌सो लेम्‍बॽआ ले़टामे। टुक्‍खुबाजि नुबोक्‍हेमे परभु निवाहाङ्‌मि सक्‍ति येसुनुङ टुसे़।

लुका 8:1

इक्‍याक नियाक ए़क्‍साङ येसु निवाहाङ्‌मि राज्‍यमि सुसमाचार खेम्‍मेॽसाङ सहर सहरनुङ खिम्‍डेमराजि खडा। खोनुङ खोमि बारो जना चोङ्‌साजिसो खोनुङ सोरि खडामि।

लुका 8:11

“इगो खानवाडे़ॽ लुमायोक्‍पॽआ खा चाहिँ इडोॽ ले़ये, चरि लुबॽआ निवाहाङ्‌मि बचन ले़ये।

एप्‍पा चोङ्‌सा 11:19

स्‍तिफनस सेॽनेसुजेम्‍बाङ येसुबेॽ बिस्‍वास ले़ःॽखुबाजि चुङ्‌जाबॽआसे़ॽ चोप चिःॽखडामि, आढा फोनिके लुमे ठाउँबेॽ, आढा साइपरस लुमे पोङ्‌बोङ्‌माबेॽ खडामि, मोबा आढा एन्‍टिओखिया सहरठोक रुक्‍टुजि। खोजिडे़ॽ याक्‍लो यहुदिजिरेॽ सुसमाचार खेम्‍मेॽटुजि।

एप्‍पा चोङ्‌सा 14:25

खोजिडे़ॽ परगा लुमे ठाउँबेॽसो परभु येसु खिरिस्‍टमि टुम्‍बेॽ परचार ले़टुजि। मोबा खोजि अटालिया सहरलाम खडाजि।

एप्‍पा चोङ्‌सा 16:6

पबित्‍रा होङ्‌निवाडे़ॽ पावल, सिलासनुङ तिमोथि एसिया ठाउँबेॽ सुसमाचार परचार ए़ले़टानुमे लुबॽआसे़ॽ खोजि फिरगियानुङ गलातिया लुमे ठाउँ लिसाङ खडामि।

एप्‍पा चोङ्‌सा 8:25

मोबा साक्‍छिनुङ परभुमि खा खेम्‍मेॽसेॽनुङ युहन्‍नानुङ पत्‍रुस यरुसलेम टेघडाजि। खोजि टेमाबेॽ सामरियामि खिम्‍डेमराजि सुसमाचार खेम्‍मेॽटुजि।

रोमि 10:8

बोरु इडोॽ लुये “निवाहाङ्‌मि बचन हे़निङ्‌मि के़क्‍पेॽनोॽ टुये, हे़निङ्‌मि याबुकपेॽनोॽ टुये, हे़निङ्‌मि निवाबेॽनोॽ टुये।” कानिङे़ॽ बिस्‍वासमि बचनमि टुम्‍बेॽ लुमायोक्‍पॽआ सुसमाचार इगोनोॽ ले़ये।

२ तिमोथि 4:2

बचन परचार ले़टे, मोमि लागि सानिङ्‌नोॽ टाङ्‌बा पोरोक्‌युक्‍से, अरति पिसाजे, वोबाजे, हौसला पिसाजे, हुङ्‌हेमे बोल पिमे खानुङ सिक्‍छे पिमे खा सानिङ्‌नोॽ नुरोॽ ले़टे।