4 मोबा खोजि खे़ॽमाबेॽ, चइबानोॽ इक्को खिममि राम्डेम पोम्बेॽ मो गधामि नुनि पसा हिःक्नुङ युङ्बॽआ चुप्टाजु, खोजिडे़ॽ मोमि पडाक हेनाजु।
“हे़न्जिङ मो खाङ्मुये खिम्डेमबेॽ खडाजे, मोबेॽ रुक्माबेॽ हे़न्जिङेॽ गधामि इक्को नुनि माडाङ्नुङ हिःक्पॽआ चुप्मिन्जुए, मो हे़ङ्आप्टाजे।
मोबा येसुडे़ॽ लुबॽआडोक्नोॽ चोङ्साजि खे़ॽनुङ चाडमि लागि भत्तेर खोजिडे़ॽ पोरोगुजि।
मोडोक्पेॽ हे़न्जिङ ‘इगो इमाङ ले़ःॽमे़ॽनिङ्सिन्जुए ?’ लुमिहोङ ‘इगो गधा आयु परभु पाप्मिटे़, खोसे़ॽ चान्डोनोॽ टेबेये’ लुसाजे।”
मोबेॽ येःप्टिङ्बॽआ याॽमिजिडे़ॽ खोजि लुसुजि, “आक्को गधा हेन्नुङ इमाङ ले़न्जुए ?”
येसुमि मामाडे़ॽ मोबेॽ टुघुबा सेउतेजिबेॽ खे़ॽनुङ लुसुजि, “येसुडे़ॽ इमा ले़ःॽमा लुये हे़निङे़ॽ मोडोक्नोॽ ले़टानुमे।”
बिस्वास ले़ःॽनुङ्नोॽ निवाहाङ्डे़ॽ लुबॽआडोॽ अब्राहामडे़ॽ ले़टु। निवाहाङ्डे़ॽ हेन्ज्रुङ हे़म्बॽआ देसबेॽ खडे लुनुङ खो लुसु। मो ठाउँ मे़लेरेॽ खो खडे लुबॽआ ठाउँबेॽ खो राम्बुगा।