मरकुस 11:3 - याम्फु

³ मोडोक्‍पेॽ हे़न्‍जिङ ‘इगो इमाङ ले़ःॽमे़ॽनिङ्‌सिन्‍जुए ?’ लुमिहोङ ‘इगो गधा आयु परभु पाप्‍मिटे़, खोसे़ॽ चान्‍डोनोॽ टेबेये’ लुसाजे।”

मरकुस 11:3 Iomraidhean Croise

मरकुस 11:2

“आक्‍को मेॽयोङ खाङ्‌मुये खिम्‍डेमबेॽ खडाजे। मोबेॽ आयुरो असासो मे़साङ्‌बॽआ इक्‍को गधामि नुनि पसा हिःक्‍नुङ युङ्‌बॽआ चुप्‍मिन्‍जुए। मो हे़ङ्‌आप्‍टाजे।

मरकुस 11:4

मोबा खोजि खे़ॽमाबेॽ, चइबानोॽ इक्‍को खिममि राम्‍डेम पोम्‍बेॽ मो गधामि नुनि पसा हिःक्‍नुङ युङ्‌बॽआ चुप्‍टाजु, खोजिडे़ॽ मोमि पडाक हेनाजु।

मरकुस 14:15

मोबा खोसे़ॽ मेॽटोङ्‌ए तलाबेॽ हे़निङ चिक्‍खे़ॽनुङ नुरोॽ चाक्‌युङ्‌बॽआ इक्‍को बेॽएम्‍मा कोठा खाङ्‌मेॽये। मोबेॽनोॽ कानिङ चोपमि लागि छुट्‌कारा चाडमि भत्‍तेर पोरोक्‍मे़।”

एप्‍पा चोङ्‌सा 1:24

मोबा माहाजि इडोॽ कासाङ निवाहाङ्‌नुङ पारथना ले़टामि, “हे परभु, हे़ने़ॽको याॽमिमि निवामि खा लेन्‍डुए।

एप्‍पा चोङ्‌सा 10:36

हागो हे़निङे़ॽ लेन्‍डानुमे मुक्‍ति पिघुबा हाङ्‌बा खिरिस्‍ट येसु चोपमि परभु ले़ये। खोबाङ्‌नोॽ निवाहाङ्‌डे़ॽ सान्‍तिनुङ्‌मा सुसमाचार चोप इस्‍राएलिजिबेॽ पाङ्‌इटुए।

एप्‍पा चोङ्‌सा 17:25

मोबा याॽमिजिडे़ॽ चेॽटिबॽआ इमाङ थोकसो पाप्‍निबा, इन्‍ढोङ्‌होङ याॽमिजि हिङ्‌मवा, सोःक्‍मानुङ याॽमिजि पाप्‍मिहा चोप थोक पिघुबा खोनोॽ ले़ये।

२ कोरिन्‍थि 8:9

कानिङ्‌मि परभु येसु खिरिस्‍टडे़ॽ ले़ःॽपॽआ अनुग्‍रहा हे़निङे़ॽ नुरोॽ लेन्‍डानुम। खो चोप थोकमि मायोङ्‌बा ले़टारोसो हे़निङ्‌मि लागि इमाङ मे़ॽनिङ्‌मा लिसा। खो इमाङ मे़ॽनिङ्‌मा लिनुङ हे़निङ टाङायोङ्‌बा टोङ्‌मामि लागि इडोॽ ले़टु।