7 हे़ने़ॽ का ढोग ले़ःॽङाहोङ, इघा चोप थोक हे़ने़हा लिहा।”
मोबा खोजि मो खिमहोङ्सिॽयु पे़खे़ॽनुङ खाङ्माबेॽ ओङे़क खोमि मामा मरियमनुङ खाङ्डोक्टुजि। उःक्युनुङ खोजिडे़ॽ ओङे़क सेवा मुसुजि। मोबा खोजिमि थैलि हेन्नुङ सुना, बेॽलो नाम्जानुहा धुपानुङ केवामि भेटि चेॽटिसुजि।
मोबा येसुमि पोम्बेॽ उःक्मानुङ सेवा मुसाङ येसु ओहाक पिसु। मो टेजाघुबा चाहिँ सामरि जातिमा ले़टे़।
“का इघा चोप राज्यमि हाङ्बानुङ चोप याङ्सरावामि अधिकार चुप्इटुङे। इघा चोप के़ॽ हे़न पिन्ने़ इन्ढोङ्होङ के़ॽ नेन्जाबॽआ असाहोङ्सो पिहेनुङे।
येसुडे़ॽ मो सैतान लुसु, “धारमिक नेॽचिराबेॽ इडोॽ साप्पॽआ ले़ये, खेप्से ‘हे़ने़ॽ हे़ने़ए़ निवाहाङ्रेॽ ढोग ले़ःॽमे, खोमिरेॽनोॽ आदर ले़ःॽमे’।”
येसु खाङ्डोक्नुङ खो बेॽए सेम्ले़ॽ वोसाङ येसुमि पोम्बेॽ पोप्युनुङ लुसु, “हे येसु, चोप्पा बेॽए निवाहाङ्मि पसा, हे़ने़ॽ का इमाङ ले़ःॽमा योॽइटे़ ? बिन्ति ले़न्ने़, का दुःख ए़ॽपिमायो।”
इघा चोप खेम्घुबानुङ खाङ्डोक्खुबा का युहन्ना ले़ङे। इन्डोक्पेॽ के़ॽ इघा खा खेप्सुङ, खाक्सुङ मोडोक्पेॽ इघा खा खाङ्मेॽखुबा थाङ्सिरिदुतमि पोम्बेॽ उःक्युनुङ सेवा ले़ःॽमा योगुङ,
माहा निबोङ रिबाङ धारमिक गुरुजिडे़ॽ सानिङ टुडुङ्घे़ॽखुबा, हाङ्पेन्ढामबेॽ पेङ्घुबामि पोम्बेॽ ओप्युनुङ खो सेवा ले़टुजि। मोबा खोजिमि मुकुट हाङ्पेन्ढाम मिॽमु युङ्मानुङ इडोॽ सेम्लुसामि,
मोडोक्पेॽनोॽ माहा रिउम जिवातजिनुङ निबोङ रिबाङ धारमिक गुरुजिडे़ॽ थुमामि पोम्बेॽ पोप्युनुङ ढोग ले़टुजि। माहा चोपजिमि हुकपेॽ इक्को इक्को टेन्जिरा बिनानुङ सुनामि खोरिया टुसा, मो खोरिया इॽठुप नम्जानुहा धुपा टुसा। माहा नम्जानुहा धुपा लुबॽआ चाहिँ निवाहाङ्मि पबित्रा याॽमिजिमि पारथना ले़हा।