लुका 4:16 - याम्फु

¹⁶ येसु खो वाबोक्‍पॽआ खिम्‍डेम नासरतबेॽ लेस्‍सा। मोबा खो सानिङ्‌डोक्‍नोॽ नाजामे यिडे़ॽ यहुदिजि सुम्‍ढाम खिमबेॽ खडा मोबेॽ खो निवाहाङ्‌मि बचन नेॽसिॽ येःॽपुगा।

लुका 4:16 Iomraidhean Croise

मत्‍ति 2:23

मोबेॽ खे़ॽनुङ नासरत लुमे खिम्‍डेमबेॽ पेम्‍बुगा। इडोॽ अगमबक्‍ताडे़ॽ याक्‍लोएम्‍बाङ “खो नासरि लुये” लुबॽआ खा पुरा लिसा।

लुका 2:39

परभु निवाहाङ्‌मि नियमडे़ॽ लुबॽआडोॽ चोप बिधि ले़ःॽसे़ॽनुङ मरियमनुङ योसेफ येसु चिक्‍मानुङ टाङ्‌बामि सहर नासरत टेखडाजि।

लुका 2:42

येसु इक्‍पोङ निनिङ लिमाबेॽ खोमि पाबा मामा छुट्‌कारामि चाड मनाबा ले़ःॽसिॽ यरुसलेम खडाजि।

लुका 2:51

मोबा येसु पाबा मामाजिनुङ नासरतबेॽनोॽ टेघडा। खोजिडे़ॽ लुबॽआ चोप योम्‍बोक ले़ःॽसाङ पेना। खोम्‍मा मरियमडे़ॽ माहा चोप खा निवाबेॽनोॽ युक्‍सु।

लुका 4:15

खोसे़ॽ यहुदिजि सुम्‍ढाम खिमराजि इःडुजि, मोबाङ चोबे़ॽ खोमि ओहाङ ले़टुजि।

लुका 4:17

मोबेॽ खो अगमबक्‍ता यसैयाडे़ॽ साप्‍पॽआ नेॽचिरा नेॽमेॽटुजि। खोसे़ॽ मो नेॽचिराबेॽ इडोॽ साप्‍पॽआ टेओक्‍नुङ नेडु-

लुका 4:21

मोबा खोसे़ॽ माहाजि लुसुजि, “निवाहाङ्‌मि बचनमि खा हे़निङे़ॽ खेम्‍डिङ्‌माबेॽनोॽ पुरा लिटाहा।”

लुका 4:23

येसुडे़ॽ लुसुजि, “हागो चइबानोॽ हे़निङे़ॽ का इगो खानवा लुन्‍डानिङे, ‘होउ सिडा ले़ःॽखुबा! हे़न आमटाङ्‌बा नुबुगे।’ मोबा ‘कफरनहुम सहरबेॽ ले़ःॽपॽआडोक्‍हा खरिहा योम्‍बोक आमटाङ्‌बामि खिम्‍डेमबेॽसो ले़टे’ लुन्‍डानिङे।”

युहन्‍ना 18:20

येसुडे़ॽ खो लुसु, “के़ॽ याॽमिजिमि पोम्‍बेॽ लुटुङ्‌हाजि, के़ॽ सानिङ चोप यहुदिजि सुम्‍ढाम खिमबेॽनुङ मन्‍दिरबेॽ सिक्‍छे पिसुङ्‌जि। मोबेॽ चोप यहुदिजि सुम्‍इम्‍मे। के़ॽ कुम्‍नुङ इमाङ सिक्‍छेसो मे़म्‍पिडिॽ।

एप्‍पा चोङ्‌सा 17:2

सानिङ्‌डोक्‍नोॽ पावल यहुदिजि सुम्‍ढाम खिमबेॽ खडा। खोसे़ॽ सुम साता नाजामे यिडे़ॽ मोबेॽहा याॽमिजिनुङ धारमिक नेॽचिराबाङ नुरोॽ खा इःसु।