लुका 3:11 - याम्फु

¹¹ खोसे़ॽ माहाजि लुसुजि, “असानुङ निच्‍चि लॽलिङ टुहा मोसे़ॽ इक्‍को लॽलिङ, इक्‍को मे़ङ्‌काप्‍खुबा पिसुरो। मोडोक्‍नोॽ चामा उङ्‌मा काप्‍खुबे़ॽ मे़ङ्‌काप्‍खुबा पिसुरो।”

लुका 3:11 Iomraidhean Croise

मत्‍ति 25:40

मोबा हाङ्‌बाडे़ॽ हे़निङ लुये, ‘चइबानोॽ, के़ॽ हे़निङ लुनिम्‍ने़, हे़निङे़ॽ इघा के़हा निसाजिबेॽ चोप्‍पाङ ए़डे़म्‍मा निसारेॽनोॽ इन्‍डोक सेवा ले़टानुम, माहा चोप हे़निङे़ॽ कानोॽ ले़टानुम।’

लुका 11:41

हे़निङ्‌नुङ टुहा खा इमाङ मे़ङ्‌काप्‍खुबाजि पिसानुमे मोबा हे़निङ्‌मि लागि चोप चोखो लिहा।

लुका 18:22

इगो खा खेम्‍नुङ येसुडे़ॽ मो याॽमि लुसु, “हे़ने़ॽ हागोसो इक्‍को योम्‍बोक ले़ःॽमा खे़ये। हे़न्‍नुङ टुहा चोप थोक इन्‍जानुङ इमा मे़ङ्‌काप्‍खुबा गरिबजि हाबेॽनुङ कानुङ राप्‍से, मोबा हे़ने़ॽ थाङ्‌सिरिॽटुहा याङ्‌सरावा चुप्‍मिन्‍डुए।”

लुका 19:8

तर इॽछोॽ ए़क्‍साङ जखायसडे़ॽ येसुमि पोम्‍बेॽ येःप्‍नुङ लुसु, “खेप्‍से, परभु कानुङ टुहा याङ्‌सरावामि हे़क भागा गरिबजि हाःबेनुङ्‌हाजि। मोबा असा असाजिमि के़ॽ चुरोॽ लाबॽआ ले़ःॽहोङ माहाजिमि रिभागा चुरोॽ टेबेनुङ्‌हाजि।”

युहन्‍ना 13:29

माहाजिबेॽ आढाजिडे़ॽ इडोॽ मिडुजि, यहुदानुङ याङ्‌सुप टुये, मोडोगे़ॽ येसुडे़ॽ खो चाडमि लागि पाप्‍मिहा खा इम्‍बेसे लुबॽआ होला मिडुजि मोबा आढाजिडे़ॽ चाहिँ इमाङ मे़ॽनिङ्‌हाजि इमा इमा हाबेॽसिॽ पाङ्‌बॽआ होला मिॽटुजि।

एप्‍पा चोङ्‌सा 10:2

खोनुङ खोमि जाहानजि धारमिक याॽमिजि ले़टामे मोबा खोजिडे़ॽ चोबे़ॽ निवाहाङ्‌मि आदर ले़टुजे। खोसे़ॽ खाँचोबेॽ सिॽपॽआ याॽमिजि नम्‍नमनुङ सहायोग ले़टुजे, मोबा सानिङ्‌नोॽ निवाहाङ्‌नुङ पारथना ले़टामे।

एप्‍पा चोङ्‌सा 10:31

मोबा का लुसिङ, ‘होउ करनेलियस, हे़ने़ॽ ले़ःॽपॽआ पारथना निवाहाङ्‌डे़ॽ खेम्‍इटुए, मोबा हे़ने़ॽ इमाङ मे़ङ्‌काप्‍खुबाजि नम्‍नावा ले़ःॽपॽआसो निवाहाङ्‌डे़ॽ मिॽइटुए।

एप्‍पा चोङ्‌सा 10:4

करनेलियसडे़ॽ किस्‍सिमानुङ खाङ्‌साङ लुसु, “हे परभु” लुमा। मो थाङ्‌सिरिदुतडे़ॽ खो लुसु, “हे़ने़ॽ ले़ःॽपॽआ पारथनानुङ इमाङ मे़काप्‍खुबाजि नम्‍नम ले़ःॽपॽआ खा निवाहाङ्‌डे़ॽ निवाबेॽ मिॽयुङ्‌इटुहा।

एफिसि 4:28

हागो खुसुबाङ्‌डे़ॽ खुमा लेॽनुङ नुबा योम्‍बोक ले़चारो। मोबा मोसे़ॽ खाँचोबेॽ सिॽपॽआजि पिहेसुरो।

१ तिमोथि 6:17

इगो मक्‍खाम्‍डेमबेॽहा याङ्‌सारावदाङ्‌बाजि काङायोङ्‌बा ए़रेङ्‌मेनुङ याङ्‌सरावाबेॽ भरोसा ए़ले़ःॽमे लुसाजे, इन्‍ढोङ्‌होङ इघागो सानिङ्‌मि लागि टुडुङ्‌घे़ॽनिहा। तर कानिङ साप्‍थाङ्‌मे हिङ्‌मवामि लागि के़ॽलो चोप थोक पिघुबा निवाहाङ्‌बेॽ भरोसा ले़टानुमे लुनुङ आग्‍या पिसाजे।

१ तिमोथि 6:18

नुबा योम्‍बोक ले़ःॽखुबाजि, बेॽलो नुबा योम्‍बोकमि टाङायोङ्‌बाजि, निवादाङ्‌बाजिनुङ हाइखाजिनुङ हाःजाखुबाजि लिमे लुनुङ आग्‍या पिसाजे।

हिब्‍रु 6:10

निवाहाङ्‌डे़ॽ अन्‍याय ले़टुनिबा, हे़निङ्‌मि योम्‍बोकनुङ निवाहाङ्‌मि याॽमिजि हे़निङे़ॽ ले़ःॽपॽआ नम्‍नम खोसे़ॽ मिन्‍डेडुनिबा। हे़निङ हागोसो मोडोक्‍नोॽ सेवा ले़ःॽमे़ॽसिन्‍डानिङे।

याकुब 1:27

निवाहाङ पाबाडे़ॽ नेन्‍जाबॽआ चाइबमा धरमि लुबॽआ चाहिँ दुःखबेॽ सिॽपॽआ राङ्‌मिॽमाजिनुङ टाङ्‌बाङ मे़ॽनिङ्‌हा नानिजि खाङ्‌मा, मोबा मक्‍खाम्‍डेमबेॽहा मङे़हा खाबाङ ओः पेम्‍मानोॽ नुबा लिये।

याकुब 2:14

के़ए़ निसाजि, इमा इक्‍को याॽमिडे़ॽ “के़ॽ बिस्‍वास ले़नुङे” काये, तर योम्‍बोकडे़ॽ चाहिँ बिस्‍वास खाङ्‌मुसुनिहोङ इमाङ फाइदा लिये ? इमा खोमि बिस्‍वासडे़ॽ खो हिङ्‌मेन्‍डुए ?

१ युहन्‍ना 3:17

मक्‍खाम्‍डेमबेॽ बेॽलो याङ्‌सरावा काप्‍खुबाडे़ॽ खाँचोबेॽ सिॽपॽआ वावानिसा सहायता मे़ले़ःॽहेसुहोङ मो याॽमिडे़ॽ निवाहाङ इन्‍डोक्‍टे नम्‍नम ले़न्‍डुए।

१ युहन्‍ना 4:20

इक्‍को याॽमिडे़ॽ “के़ॽ निवाहाङ नम्‍नम ले़नुङे” लुन्‍डुए, तर निवाहाङ्‌मि याॽमि सिॽचोन्‍डुहोङ मो याॽमि रेम्‍देये। टाङ्‌बामि पोम्‍बेॽ टुये निसानोक्‍सो नम्‍नम मे़ले़ःॽहेघुबे़ॽ इन्‍डोक्‍पेॽसो मे़ङ्‌खाङ्‌बॽआ निवाहाङ चाहिँ इन्‍डोक्‍टे नम्‍नम ले़ःॽहेन्‍डुए ?