लुका 2:9 - याम्फु

⁹ मोडोक्‍पेॽनोॽ परभुमि इक्‍को थाङ्‌सिरिदुत मोबेॽ खाङ्‌मुसा, मोडोक्‍पेॽनोॽ परभुमि उज्‍यालो माहाजिमि किॽयु मिॽयु पोगा, इगो खाङ्‌नुङ गोठ्‌लाजि बेॽलो किस्‍सिसामि।

लुका 2:9 Iomraidhean Croise

मत्‍ति 1:20

योसेफडे़ॽ निवाबेॽ इडोॽ मिॽमे़ॽनिङ्‌सिमाबेॽ परमपरभुमि थाङ्‌सिरिदुत खोनुङ सेम्‍माङ्‌बेॽ खाङ्‌मुनुङ इडोॽ लुसु, “होउ योसेफ, दाउदमि पसा, मरियम फुङ्‌सया ले़ःॽमा ए़क्‍किसिने, इन्‍ढोङ्‌होङ खोमि रुङ्‌माबेॽ टुये ओङे़कको पबित्‍रा होङ्‌निवामि सक्‍तिबाङ लिबॽआ ले़ये,

लुका 1:28

थाङ्‌सिरिदुतडे़ॽ मो राङ्‌मिॽ पिच्‍छाबेॽ लेन्‍नुङ लुसु, “सेवा मुसुङ यो, मरियम! परभु निवाहाङ्‌डे़ॽ हे़न बेॽलो नम्‍नावा ले़ए़टे़नुङ निवाहाङ हे़न्‍नुङ टुये।”

लुका 2:8

बेथलेहेम सहरमि के़क्‍पेॽनोॽ सामु गोठ्‌लाजि सेन्‍डा खोजिमि सामुजि हुङ्‌साङ पेम्‍मे़ॽनिङ्‌सिडामि।

लुका 24:4

मेॽनामिॽचि खरि मिन्‍नुङ इमा ले़ःॽमे ले़ःॽमे लिनुङ येःप्‍मे़ॽनिङ्‌सिमाबेॽ हाक्‍चोक्‍टोॽ उथ्‍रिॽमा पोॽइये चे़ॽ चाङ्‌खुबा निप्‍पाङ याॽमिजि खोजिमि के़क्‍पेॽ येःबाजि।

युहन्‍ना 12:41

यसैयाडे़ॽ येसुमि महिमा याक्‍लोनोॽ खाङ्‌डोक्‍नुङ्‌नोॽ खोमि टुम्‍बेॽ लुटुए।

एप्‍पा चोङ्‌सा 12:7

मोबा हाजोक्‍टोॽ इक्‍को थाङ्‌सिरिदुत मो तिरिङ्‌गा खिमहोङ्‌सिॽयु उज्‍यालो जोतिनुङ खाङ्‌मुसा। मो थाङ्‌सिरिदुतडे़ॽ पत्‍रुसमि अक्‍टाङ्‌बेॽ चोक्‍साङ “चान्‍डो पुकाडे” लुनुङ हुम्‍बोगु। मोडोक्‍पेॽ पत्‍रुसमि हुकपेॽ हिःक्‍पॽआ चे़क्‍चिमि कोङ हेम्‍बोक्‍खडा।

एप्‍पा चोङ्‌सा 27:23

का निवाहाङ्‌मि याॽमि ले़ङेनुङ के़ॽ खोमिन्‍नोॽ सेवा ले़नुङे। आयु सेन्‍डा खोमिन्‍नोॽ इक्‍को थाङ्‌सिरिदुतडे़ॽ के़ए़ पोम्‍बेॽ येःप्‍नुङ लुसिङा।

एप्‍पा चोङ्‌सा 5:19

तर सेन्‍डा परभुमि इक्‍को थाङ्‌सिरिदुत लेन्‍नुङ मो तिरिङ्‌गा खिममि राम्‍डेम हेम्‍बोगु, मोबा एप्‍पा चोङ्‌साजि पाखे़ॽयु चिआप्‍नुङ माहाजि लुसुजि,

२ कोरिन्‍थि 3:18

कानिङ चोबे़ॽ नजिक टे़क्‍ठाम ओप्‍ताङ राप्‍पेबॽआ नजिकपेॽ परभुमि महिमा खाङ्‌मुन्‍डुङ्‌मे। परभु होङ्‌निवा ले़येनुङ खोबाङ लेङ्‌इये मो महिमाडे़ॽनोॽ कानिङ खोडोक्‍नोॽ टोङ्‌साङ हागोसो महिमित लिघे़न्‍डिङ्‌मा।

२ कोरिन्‍थि 4:6

“सेन्‍जुगुपमि रुम्‍बेॽ जोति लिरो” लुघुबा निवाहाङ्‌डे़ॽनोॽ खोमि जोति कानिङ्‌मि निवाबेॽ युङ्‌बेटे़। मो जोतिबाङ निवाहाङ इन्‍डोक बेॽलो ओहाङ्‌नुङ्‌मा ले़ये लुमे खा कानिङे़ॽ लेन्‍डुङ्‌मे़। चइबानोॽ मो जोति चाहिँ येसु खिरिस्‍टबाङ खाङ्‌मुटे़।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

हिब्‍रु 12:21

मो खाङ्‌माबेॽ किस्‍सिमारोमा ले़टे़। मोडोगे़ॽ मोसाडे़ॽसो इडोॽ लुटुए, “कागो किस्‍सिमे़ॽ योङ्‌मे़ॽनिङ्‌सिङे।”

परकास 18:1

मोबाङ ए़क्‍साङ बेॽए अधिकारनुङ्‌मा हाइको इक्‍को थाङ्‌सिरिदुत थाङ्‌सिरिबाङ किॽमु उङ्‌मे़ॽनिङ्‌सिबॽआ के़ॽ खाङ्‌डोक्‍टुङ। खोमि जोतिडे़ॽ मक्‍खाम्‍डेम उज्‍यालो लिसा।

परकास 20:11

मोबा के़ॽ इक्‍को बेॽए उथ्‍रिॽमा हाङ्‌पेन्‍ढामनुङ मोसोक्‍पेॽ पेङ्‌घुबा खाङ्‌डोक्‍टुङ। खोमि पोम्‍बाङ मक्‍खाम्‍डेमनुङ नान्‍द्‌रुङ्‌मा चिःॽखडाजि, मोबा मोजि फेरि मे़ङ्‌खाङ्‌मुसाजि।