लुका 17:2 - याम्फु

² असे़ॽ इक्‍को ए़डे़म्‍मा पिच्‍छा पाप ले़ःॽमेन्‍डुए, मो पिच्‍छा पाप ले़ःॽमेॽखुबा पापि याॽमिमि गो बेॽलाबेॽ लघे हिःक्‍नुङ माहोङ्‌माबेॽ राप्‍एम्‍मा नुबा लिये।

लुका 17:2 Iomraidhean Croise

मत्‍ति 17:27

तर इघा याॽमिजि कानिङ्‌नुङ मे़सुरके़ॽमिरो लुनुङ टोम्‍लिॽवाबेॽ खे़ॽनुङ खे़ॽवा ए़न्‍डे। चोप्‍पाङ याक्‍लो सिॽपॽआ ङामि याबुक हेन्‍नुङ खाक्‍से। मोबेॽ सिसे़ङ्‌मि इक्‍को ढे़क चुप्‍मिन्‍डुए, मो लाघे़ॽनुङ काजिङ्‌मि मे़क्‍चेन माहाजि फोङ्‌आसे।”

मत्‍ति 18:10

“अडिॽयो, हे़निङे़ॽ इघा ए़द्‌रिहाजिबेॽ, इक्‍कोसो हेला ए़ले़टानुमे, के़ॽ हे़निङ लुनिम्‍ने़, माहाजि खाङ्‌खुबा थाङ्‌सिरिदुतजि सानिङ थाङ्‌सिरिबेॽ पेङ्‌खुबा निवाहाङ पाबामिन्‍नोॽ पोम्‍बेॽ टुम्‍मे।

मत्‍ति 18:14

इडोक्‍नोॽ थाङ्‌सिरिबेॽ पेङ्‌घुबा काङ्‌मि पाबे़ॽसो इघा ए़द्‌रिहाजिबेॽ इक्‍कोसो नासि मे़लिमिरो लुनुङ मिॽइन्‍डुहा।

मत्‍ति 26:24

याॽमिमि पसागो खोमि टुम्‍बेॽ साप्‍पॽआडोक्‍नोॽ लिनुङ खे़ॽमानोॽ खे़ये। तर इनामा, याॽमिमि पसा धोका पिघुबा याॽमि, मो याॽमिगो बोरु मे़न्‍टोक्‍पॽआहोङ्‌नोॽ नुडे़।”

मरकुस 9:42

“तर असे़ॽ काबेॽ बिस्‍वास ले़ःॽखुबा इक्‍को ए़डे़म्‍मा पिच्‍छा पाप ले़ःॽमेन्‍डुए, मोमि लागिगो बोरु इक्‍को बेॽएम्‍मा लघे बेॽलाबेॽ हिःक्‍नुङ माहोङ्‌माबेॽ राप्‍एम्‍मा नुये।

युहन्‍ना 21:15

माहाजिडे़ॽ चोसेॽनुङ ए़क्‍साङ, येसुडे़ॽ सिमोन पत्‍रुस सिप्‍सु, “होउ युहन्‍नामि पसा सिमोन, इमा हे़ने़ॽ का हाइखाजिबाङ्‌सो बेॽलो नम्‍नम ले़ङे ?” पत्‍रुसडे़ॽ खो लुसु, “इँहिॽ परभु, के़ॽ हे़न नम्‍नम ले़न्‍ने लुमे खा हे़ने़ॽ लेन्‍डुए।” मोबा येसुडे़ॽ खो लुसु, “के़हा पाठाजि नुरोॽ हिक्‍साजे।”

१ कोरिन्‍थि 9:15

तर के़ॽ इघा इमाङ अधिकारसो मे़लाडिॽटुङ। हागो काङ्‌मि लागि इघा पिमाजे लुनुङ लुबॽआसो ने़ॽनिबा। मोडोॽ ले़ःॽमाहोङ्‌गो बोरु का सिघे़ॽमा चुये। असे़ॽसो काङ्‌मि इगो काङायोङ्‌बा ले़ःॽमे खा योम्‍बोक मे़ॽनिङ्‌मा ले़ये लुहेसुने।

१ कोरिन्‍थि 9:22

मोबा थोःप्‍थोःप्‍हा याॽमिजिमि रुम्‍बेॽ कासो खोजिडोक्‍नोॽ लिसिङ। याॽमिजिडे़ॽ इन्‍डोॽहोङ्‌सो खिरिस्‍टबेॽ बिस्‍वास ले़टुजिरो लुनुङ खाल खालहा चोप याॽमिजिनुङ कासो खोजिडोक्‍नोॽ लिसिङा।