लुका 11:2 - याम्फु

² येसुडे़ॽ माहाजि लुसुजि, “हे़निङे़ॽ इडोॽ पारथना ले़टानुमे ‘हे निवाहाङ पाबा’ हे़ने़ए़ निङ पबित्‍रा लिरो, हे़ने़ए़ राज्‍य चान्‍डो लेङ्‌रो,

लुका 11:2 Iomraidhean Croise

मत्‍ति 10:32

“खेप्‍सानुमे, असे़ॽ का याॽमिजिमि पोम्‍बेॽ काङ्‌मि परभु लुहेन्‍डुए, मो याॽमि के़ॽसो थाङ्‌सिरिबेॽ टुये के़ए़ निवाहाङ पाबामि पोम्‍बेॽ काङ्‌मि याॽमि लुनुङे।

मत्‍ति 3:2

“हागो पाप ले़ःॽमा लेप्‍पेसानुमे। इन्‍ढोङ्‌होङ निवाहाङ्‌मि राज्‍य के़क्‍पेॽ लेम्‍बेटे़।”

मत्‍ति 5:16

इडोॽ हे़निङ्‌मि जोति चोपमि पोम्‍बेॽ खाङ्‌मुये मोबा हे़निङे़ॽ ले़ःॽपॽआ नुबा योम्‍बोक चोबे़ॽ खाङ्‌इन्‍डुजेनुङ थाङ्‌सिरिबेॽ पेङ्‌खुबा निवाहाङ्‌मि ओहाङ ले़न्‍डुजे।

लुका 11:1

इक्‍याक येसु इक्‍को ठाउँबेॽ पारथना ले़ःॽमे़ॽनिङ्‌सिडा। इडोॽ खो पारथना ले़सेॽमाबेॽ खोमि इक्‍को चोङ्‌साडे़ॽ लुसु, “परभु, युहन्‍नाडे़ॽ खोमि चोङ्‌साजि इःॽपॽआडोक्‍नोॽ कानिङ्‌सो पारथना ले़ःॽमा इःॽमाना।”

रोमि 1:7

रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

रोमि 8:15

इन्‍ढोङ्‌होङ हे़निङे़ॽ फेरि किस्‍सिमानुङ हिङ्‌घुबा सेउतेमि होङ्‌निवा मे़न्‍चुप्‍टिॽ, तर हे़निङे़ॽको पसाजि लिमे होङ्‌निवा चुप्‍मिटानुमे। मोडोगे़ॽ हागो कानिङे़ॽ निवाहाङ “अब्‍बा, पाबा” लुनुङ के़न्‍डुङ्‌मा।

१ कोरिन्‍थि 1:3

कानिङ्‌मि निवाहाङ पाबानुङ परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिरो।

२ कोरिन्‍थि 1:2

कानिङ्‌मि निवाहाङ पाबानुङ परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिरो।

गलाति 1:4

इगो पापि युगबाङ कानिङ हिङ्‌मेॽसिॽ निवाहाङ पाबामि खा खेम्‍नुङ कानिङ्‌मि पापमि साटो येसु खिरिस्‍ट बलि लिसा।

एफिसि 1:2

कानिङ्‌मि निवाहाङ पाबानुङ परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिरो।

फिलिप्‍पि 1:2

कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ हे़निङ अनुग्‍रहा सान्‍ति पिरो।

फिलिप्‍पि 4:20

हागो कानिङ्‌मि निवाहाङ पाबामि सानिङ महिमा लिडुङ्‌घे़ॽरो। आमेन।

कलस्‍सि 1:2

खिरिस्‍टबेॽ बिस्‍वास ले़ःॽखुबा कलस्‍सिबेॽहा पबित्‍रा याॽमिजिनुङ बिस्‍वासि वावानिसाजि इगो पत्‍रा साप्‍मे़ॽनिङ्‌सिनुङ्‌मे। कानिङ्‌मि निवाहाङ पाबाडे़ॽ अनुग्‍रहानुङ सान्‍ति पिसुजिरो।

१ थेस्‍लोनिकि 1:1

निवाहाङ पाबानुङ परभु येसु खिरिस्‍टबेॽ बिस्‍वास ले़ःॽखुबा थेस्‍लोनिकिबेॽ टुहा मन्‍डलिबेॽहा चोप याॽमिजि कानिङ पावल, सिलासनुङ तिमोथि सुम्‍बाङ्‌डे़ॽ इगो पत्‍रा साप्‍मे़ॽनिङ्‌सिन्‍डुङ्‌मे। निवाहाङ्‌डे़ॽ हे़निङ चोप अनुग्‍रहानुङ सान्‍ति पिरो।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

२ थेस्‍लोनिकि 2:16

कानिङ्‌मि परभु येसु खिरिस्‍टडे़ॽनुङ पाबा निवाहाङ्‌डे़ॽ कानिङ नम्‍नम ले़टा मोबा खोमि अनुग्‍रहाबाङ इन्‍डोक्‍पेॽसो रुक्‍खे़ॽनिहा आसानुङ हौसला पिसा।

परकास 11:15

इगोबाङ ए़क्‍साङ एच्‍चिमा थाङ्‌सिरिदुतडे़ॽ खोमि तुरहि मिडु, मोडोक्‍पेॽ थाङ्‌सिरिबेॽ बेॽहा बेॽहा सेम्‍लानुङ इडोॽ खेम्‍मुसा, “मक्‍खाम्‍डेमसोक्‍पेॽ राज्‍य ले़ःॽमे अधिकार हागोएम्‍बाङ कानिङ्‌मि परभु निवाहाङ्‌नुङ खोसे़ॽ से़न्‍बॽआ खिरिस्‍टमिनोॽ लिटे़, खोसे़ॽनोॽ सानिङ्‌मु राज्‍य ले़न्‍डुए।”

परकास 15:4

हे परमपरभु, हे़न्‍नुङ चोप किस्‍सिम्‍मे। हे़ने़हा महान खामि ओहाङ चोबे़ॽ ले़न्‍डुजे। इन्‍ढोङ्‌होङ हे़नरेॽनोॽ पबित्‍रा ले़ये। चोप जातिहा याॽमिजि हे़ने़ए़ पोम्‍बेॽ लेन्‍नुङ आदर ले़म्‍मे, इन्‍ढोङ्‌होङ हे़ने़हा धरमि योम्‍बोक चोबे़ॽ खाङ्‌इटुजे।”

परकास 19:6

मोबा ए़क्‍साङ बेॽलो याॽमिजि सुम्‍नुङ वोबॽआडोॽ अथबा बेॽए वाडुमडोक्‍नुङ नान्‍द्‌रुङ्‌मा मुक्‍पॽआडोक्‍मा के़ॽ खेप्‍सुङ, मोसे़ॽ इडोॽ लुमे़ॽनिङ्‌सिडु, “हल्‍लेलुयाह! इन्‍ढोङ्‌होङ परमपरभु कानिङ्‌मि निवाहाङ चोप्‍पाङ बेॽए सक्‍तिदाङ्‌बा ले़ये, खोसे़ॽ राज्‍य ले़न्‍डुए।

परकास 20:4

मोबा के़ॽ बेॽलो हाङ्‌पेन्‍ढामनुङ मोबेॽ पेङ्‌घुबाजि खाङ्‌डोक्‍टुङ्‌जि, न्‍याय ले़ःॽमे अधिकार माहाजि पिबॽआ ले़टा। येसुमि टुम्‍बेॽ साक्‍छि पिमाबेॽनुङ निवाहाङ्‌मि बचन खेम्‍मेॽमाबेॽ निन्‍डवाँ चेन्‍नुङ सेॽनेबॽआजिमि होङ्‌निवाजि मोबेॽ टुसामि। माहाजिडे़ॽ मो मङे़ॽमा जिवातनुङ मोमि मुरतिमि पुजा मे़ले़ःॽखुबाजिनुङ जिवातमि छाप तुरुवानुङ हुकपेॽ मे़न्‍टिमाबेॽ सेॽनेबॽआजिमि होङ्‌निवा के़ॽ खाङ्‌डोक्‍टुङ माहाजि चोप फेरि हिङ्‌रिक लिसामि, मोबा खोजिडे़ॽ खिरिस्‍टनुङ सोरि इक्‍को हजार निङ्‌ठोक राज्‍य ले़टुजि।