लुका 10:2 - याम्फु

² “सुम्‍मा खे़हा बालिगो बेॽलो टुहा, तर खेत्‍लाजि चुक्‍खे़टामे। इघा बालिदाङ्‌बा परभुनुङ पारथना ले़टानुमे खोसे़ॽ बालि सुम्‍खुबा खेत्‍लाजि पाङ्‌बेये।

लुका 10:2 Iomraidhean Croise

मत्‍ति 20:1

येसुडे़ॽ थाङ्‌सिरिमि राज्‍यमि टुम्‍बेॽ इक्‍को खानवा लुघे़ॽटु, “इगो खा इक्‍को सोङ्‌रादाङ्‌बाडोॽ ले़ये। खो माक्‍मिसेल्‍लाम खोमि अङ्‌गुर सोङ्‌राबेॽ योम्‍बोक ले़ःॽमेॽमामि खेत्‍ला योक्‍सिॽ खडा।

मरकुस 13:34

“इगो खागो खिमदाङ्‌बे़ॽ खोमि सेउतेजि खिममि योम्‍बोक नुरोॽ ले़टिक्‍सानुमे लुनुङ, खिम हुङ्‌खुबा नुरोॽ खिम हुङ्‌मे लुआनुङ खो चाहिँ हाइको देस खे़ॽपॽआडोक्‍नोॽ ले़ये।

मरकुस 16:15

मोबा खोसे़ॽ माहाजि लुसुजि, “मक्‍खाम्‍डेमबेॽहा चोप याॽमिजि सुसमाचार परचार ले़टानुमे।

मरकुस 16:20

मोबा माहा चोङ्‌साजि खे़ॽनुङ चोप ठाउँबेॽ परचार ले़टुजि। परभुडे़ॽ खोजिमि हिङ्‌मवाबाङ योम्‍बोक ले़टु। माहाजिडे़ॽ परचार ले़ःॽपॽआ बचन खरिहा चिङ्‌गाबाङ चाइबमा ले़ये लुनुङ परमान ले़ःॽपेॽटु।]

लुका 9:1

येसुडे़ॽ बारो जना चोङ्‌साजि के़ःॽनुङ माहाजि मङे़ॽमा चाप यिक्‍मेनुङ टुक्‍खुबाजि नुबोक्‍मे बोलनुङ अधिकार पिसुजि।

एप्‍पा चोङ्‌सा 11:19

स्‍तिफनस सेॽनेसुजेम्‍बाङ येसुबेॽ बिस्‍वास ले़ःॽखुबाजि चुङ्‌जाबॽआसे़ॽ चोप चिःॽखडामि, आढा फोनिके लुमे ठाउँबेॽ, आढा साइपरस लुमे पोङ्‌बोङ्‌माबेॽ खडामि, मोबा आढा एन्‍टिओखिया सहरठोक रुक्‍टुजि। खोजिडे़ॽ याक्‍लो यहुदिजिरेॽ सुसमाचार खेम्‍मेॽटुजि।

एप्‍पा चोङ्‌सा 13:2

इक्‍याक माहाजि मे़न्‍चारेॽ पेन्‍नुङ पारथना ले़ःॽसाङ परभुमि आराधना ले़ःॽमे़ॽनिङ्‌सिमाबेॽ पबित्‍रा होङ्‌निवाडे़ॽ माहाजि इडोॽ लुसुजि, “खेप्‍सानुमे, बारनाबासनुङ सावल के़ॽ इमाङ योम्‍बोकमि लागि से़न्‍इटुङ्‌हाजि, खोजि मो योम्‍बोकपेॽनोॽ टिसानुमे।”

एप्‍पा चोङ्‌सा 13:4

पबित्‍रा होङ्‌निवाडे़ॽ पाङ्‌बॽआ बारनाबासनुङ सावल एन्‍टिओखिया सहरबाङ राम्‍बोगाजि, खोजि सिलुकिया सहरबेॽ खडाजि। मोबाङ माहोङ्‌मामि राम लिसाङ साइपरस पोङ्‌बोङ्‌माबेॽ खडाजि।

एप्‍पा चोङ्‌सा 20:28

मोडोगे़ॽ हागो हे़निङ टाङ्‌बानुङ मन्‍डलिबेॽहा याॽमिजिमि लागिसो होसियार ले़टानिङे। पबित्‍रा होङ्‌निवाडे़ॽ हे़निङ खाङ्‌घुबा टोङ्‌बॽआसे़ॽ निवाहाङ्‌मि पसामि हरिडे़ॽ इम्‍बॽआ मन्‍डलि नुरोॽ खाक्‍सानुमे।

एप्‍पा चोङ्‌सा 22:21

तर परभुडे़ॽ लुसिङ, ‘हे़न खडे, के़ॽ ओः ओःराजि अयहुदि जातिजिबेॽ हे़न पाङ्‌मे़ॽनिङ्‌सिन्‍ने़’।”

एप्‍पा चोङ्‌सा 8:4

येसुबेॽ बिस्‍वास ले़ःॽखुबाजि यरुसलेमबाङ फाक्‍खे़ॽनुङ हाम्‍बेॽ हाम्‍बेॽ रुक्‍टुजि माहा चोप ठाउँराजि सुसमाचार खेम्‍मेॽटुजि।

१ कोरिन्‍थि 12:28

निवाहाङ्‌डे़ॽ मन्‍डलिबेॽ याक्‍लो एप्‍पा चोङ्‌साजि, मोबा ए़क्‍साङ अगमबक्‍ताजि, मोबा ए़क्‍साङ सिक्‍छे इःॽखुबाजि, मोबा खरिहा योम्‍बोक ले़ःॽखुबाजि, मोबा टुक्‍खुबा याॽमिजि नुबोक्‍खुबाजि, मोबा हाइखाजि साहेता ले़ःॽखुबाजि, मोबा याॽमिजि खाङ्‌खुबाजि मोबा खाल खालहा खाप्‍लाबाङ यामुमे बरदान चुप्‍खुबाजि युङ्‌बेटे़।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

२ कोरिन्‍थि 6:1

कानिङ निवाहाङ्‌नुङ सोरि योम्‍बोक ले़ःॽखुबाजि लिबॽआसे़ॽ हे़निङ बिन्‍ति ले़निम्‍ने़, हे़निङे़ॽ निवाहाङ्‌बाङ चुप्‍पॽआ अनुग्‍रहा खेरो ए़क्‍खे़ॽमेॽटानुमे।

फिलिप्‍पि 2:21

हाइखाजिडे़ॽको टाङ्‌बे़ॽ मिॽपॽआ खामिरेॽ ले़ख्‍खो ले़न्‍डुजे, येसु खिरिस्‍टडे़ॽ मिॽपॽआ खामि ले़ख्‍खोनोॽ ले़टुजिने।

फिलिप्‍पि 2:25

के़ॽ कानिङ्‌मि निसा इपाफोरडिटस हे़निङ्‌बेॽ टेहाङ्‌मा मिॽइटुङे। काजिङ निप्‍पाङे़ॽ ङे ले़ःॽखुबा तिरिङ्‌गाडोॽ सुसमाचारमि रच्‍छे ले़ःॽमे योम्‍बोक ले़न्‍जुङ्‌मा। खोसे़ॽ कानुङ सोरि योम्‍बोक ले़टु, मोबा खोसे़ॽ सुसमाचार खेम्‍मेॽमे योम्‍बोकपेॽ का सहायता ले़टा।

फिलिप्‍पि 2:30

इन्‍ढोङ्‌होङ खोसे़ॽ खिरिस्‍टमि योम्‍बोक ले़ःॽमाबेॽ टाङ्‌बानोॽ ए़डे़ॽवे़ॽ मे़न्‍सिखडा। हे़निङे़ॽ काङ्‌मि लागि पुरा मे़ले़ःॽहेबॽआ योम्‍बोक खोसे़ॽ पुरा ले़टु।

कलस्‍सि 1:29

खिरिस्‍टडे़ॽ पिबॽआ काहोङ्‌बेॽ टुये बेॽए सक्‍तिडे़ॽनोॽ के़ॽ इगो योम्‍बोक चोप निवा टिनुङ ले़नुङे।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ थेस्‍लोनिकि 2:9

वावानिसानुङ नानुसाजि, हे़निङे़ॽ नुरोॽ लेन्‍डानुमे, कानिङे़ॽ ले़ःॽमे़ॽ हे़निङ असासो कानिङ कुमे भार मे़न्‍सिॽलो लुनुङ कानिङ पाप्‍मिहा चोप खामि लागि कानिङ्‌टाङ्‌बा लेन्‍डा सेन्‍डा योम्‍बोक ले़ःॽसाङ हे़निङ सुसमाचार खेम्‍मेॽटुङ्‌मा।

१ थेस्‍लोनिकि 5:12

वावानिसानुङ नानुसाजि, हे़निङ्‌मि रुम्‍बेॽ दुःख ले़ःॽसाङ परभुमि योम्‍बोक ले़ःॽनुङ हे़निङ सिक्‍छे पिघुबा मोबा मङे़हा योम्‍बोक ए़डिॽयो लुघुबा अगुवाजि हे़निङे़ॽ आदर ले़टानुमे।

२ थेस्‍लोनिकि 3:1

चोप्‍पाङ ए़क्‍साङ, वावानिसानुङ नानुसाजि, हे़निङे़ॽ निवाहाङ्‌मि सुसमाचार सम्‍मान ले़टिडोॽ हाइखा चोप ठाउँबेॽ निवाहाङ्‌मि बचन फोप्‍पुक्‍नुङ चोप याॽमिजिडे़ॽ सम्‍मान ले़ःॽहेसुजिरो लुनुङ कानिङ्‌मि लागि पारथना ले़ःॽपेॽमा।

१ तिमोथि 4:10

मोडोगे़ॽ कानिङे़ॽ बेॽलो दुःखनुङ बिस्‍वासमि लागि योम्‍बोक ले़न्‍डुङ्‌मा इन्‍ढोङ्‌होङ कानिङ्‌मि आसा हिङ्‌रिक निवाहाङ्‌बेॽ टुये। खो चोप याॽमिजि मुक्‍ति पिघुबा मुक्‍तिदाङ्‌बा ले़ये, मोबाङ्‌सो बेॽलो चाहिँ खोबेॽ बिस्‍वास ले़ःॽखुबाजिमि लागि ले़ये।

२ तिमोथि 4:5

तर आम्‍मि निवा अधिनबेॽ युक्‍से। खेः आक्‍से, परचारमि योम्‍बोक ले़टे, मोबा हे़ने़ए़ सेवामि योम्‍बोक नुरोॽ पुरा ले़टे।

फिलेमोन 1:1

येसु खिरिस्‍टमि लागि कैदि लिबॽआ का पावलनुङ तिमोथि निसाबाङ इगो पत्‍रा कानिङ्‌मि नुबा लङ्‌गाम फिलेमोन साप्‍मे़ॽनिङ्‌सिनुङे।

हिब्‍रु 3:6

तर खिरिस्‍ट चाहिँ मन्‍दिरबेॽए भरोसानुङ्‌मा पसा ले़ये। मोडोक्‍नोॽ कानिङे़ॽसो टाङ्‌बामि आसामि खाबेॽ ए़क्‍साङ्‌ठोक भरोसानुङ बिस्‍वास ले़ःॽमाहोङ कानिङ्‌सो खोमि खिमबेॽहा याॽमिजि लिन्‍डिङ्‌मा।

परकास 2:1

“एफिसस सहरबेॽहा मन्‍डलि खाङ्‌खुबा अगुवाजि इगो खा साबे, एच्‍चि गोटा साङ्‌गे टाङ्‌बामि चुप्‍थिङ हुकपेॽ याङ्‌घुबानुङ एच्‍चि गोटा सुनामि कुप्‍पि युङ्‌ढाममि रुम्‍बेॽ राम्‍घुबाडे़ॽ इडोॽ लुये।