लुका 1:2 - याम्फु

² माहा चोप लिबोक्‍पॽआबाङ खोजिमिन्‍नोॽ मिगे़ॽ खाङ्‌खुबाजिनुङ इगोमि टुम्‍बेॽए सुसमाचारमि खा खेम्‍मेॽखुबाजिडे़ॽ लुटुजे।

लुका 1:2 Iomraidhean Croise

मरकुस 1:1

निवाहाङ्‌मि पसा येसु मुक्‍ति पिघुबा हाङ्‌बा खिरिस्‍टमि टुम्‍बेॽ सुसमाचार इडोॽ तरिक्‍पुॽइये।

मरकुस 16:20

मोबा माहा चोङ्‌साजि खे़ॽनुङ चोप ठाउँबेॽ परचार ले़टुजि। परभुडे़ॽ खोजिमि हिङ्‌मवाबाङ योम्‍बोक ले़टु। माहाजिडे़ॽ परचार ले़ःॽपॽआ बचन खरिहा चिङ्‌गाबाङ चाइबमा ले़ये लुनुङ परमान ले़ःॽपेॽटु।]

मरकुस 4:14

चरि टुप्‍खुबा चाहिँ निवाहाङ्‌मि बचन परचार ले़ःॽखुबा।

लुका 24:48

हे़निङे़ॽनोॽ इघा खा खाङ्‌बॽआनुङ लेबॽआसे़ॽ हे़निङे़ॽनोॽ याॽमिजि खेम्‍मेॽमा खे़म्‍मे।

युहन्‍ना 15:27

हे़निङ याक्‍लोएबाङ्‌नोॽ कानुङ टुबॽआसे़ॽ हे़निङ्‌सो काङ्‌मि साक्‍छि ले़न्‍डानिङे।”

युहन्‍ना 16:4

इघा चोप खा लिमाबेॽ हे़निङ इडोॽ लुसाङ मिॽइन्‍डानुमे ‘इघा खागो याक्‍लोनोॽ खोसे़ॽ कानिङ लुबॽआ ले़टे़’। मोडोगे़ॽनोॽ के़ॽ हे़निङ इघा खा लुमे़ॽनिङ्‌सिनिम्‍ने़। का हागोरो हे़निङ्‌नुङ्‌नोॽ टुबॽआसे़ॽ आयुरो हे़निङ्‌नुङ इघा खा के़ॽ मे़इःसुङ।”

एप्‍पा चोङ्‌सा 1:3

येसुडे़ॽ खेः आङ्‌नुङ काप्‍सिङ्‌बेॽ सिघे़ॽनुङ, ए़क्‍साङ रिबोङ याकठोक खो सिघे़ॽपॽआबाङ चइबानोॽ हिङ्‌बुक्‍पॽआ खा पक्‍का ले़ःॽमामि फोरेन फोरेन खाङ्‌मुसा। मोबा निवाहाङ्‌मि राज्‍यमि टुम्‍बेॽ खोसे़ॽ याॽमिजि खेम्‍मेॽटुजि।

एप्‍पा चोङ्‌सा 1:8

तर पबित्‍रा होङ्‌निवा हे़निङ्‌बेॽ लेङ्‌येबाङ हे़निङे़ॽ बोल चुप्‍मिन्‍डानुमे, मोबा हे़निङ यरुसलेमबेॽ, यहुदियानुङ सामरिया ठाउँबेॽ, मोबा मक्‍खाम्‍डेम चोपराजि के़ए़ साक्‍छि लिन्‍डानिङे।”

एप्‍पा चोङ्‌सा 14:25

खोजिडे़ॽ परगा लुमे ठाउँबेॽसो परभु येसु खिरिस्‍टमि टुम्‍बेॽ परचार ले़टुजि। मोबा खोजि अटालिया सहरलाम खडाजि।

एप्‍पा चोङ्‌सा 16:6

पबित्‍रा होङ्‌निवाडे़ॽ पावल, सिलासनुङ तिमोथि एसिया ठाउँबेॽ सुसमाचार परचार ए़ले़टानुमे लुबॽआसे़ॽ खोजि फिरगियानुङ गलातिया लुमे ठाउँ लिसाङ खडामि।

एप्‍पा चोङ्‌सा 17:11

मो बेरिया लुमे ठाउँबेॽहा याॽमिजि थेस्‍लोनिकि ठाउँबेॽहा याॽमिजिबाङ बेॽलो नुबा ले़टामि। माहाजिडे़ॽ निवाहाङ्‌मि बचन सारोनोॽ नुबा मिॽनुङ नुरोॽ खेप्‍सुजि। पावलडे़ॽ लुबॽआ खा धारमिक नेॽचिराबेॽहा खानुङ टोङ्‌इहाडे टोङ्‌निहा लुनुङ सानिङ्‌नोॽ नेॽनुङ खोजिडे़ॽ जाँच ले़टुजे।

एप्‍पा चोङ्‌सा 26:16

हागो पुकाडे के़ॽ हे़न काङ्‌मि योम्‍बोक ले़ःॽखुबानुङ के़ए़ साक्‍छि पिघुबा याॽमि टोङ्‌इन्‍ने़। मोडोगे़ॽ का हे़न्‍नुङ खाङ्‌मुटिङे। हे़ने़ॽ के़ए़ टुम्‍बेॽ खाङ्‌बॽआ खानुङ ए़क्‍साङ के़ॽ हे़न खाङ्‌मुनुङ्‌हा खासो हाइखा याॽमिजि हे़ने़ॽ खेम्‍मेॽमा खे़ये।

एप्‍पा चोङ्‌सा 4:20

तर कानिङेॽको खाङ्‌बॽआनुङ, खेम्‍बॽआ खा मे़लुरेॽ पेन्‍नोॽ पेङ्‌हेसिङ्‌मानि।”

एप्‍पा चोङ्‌सा 8:4

येसुबेॽ बिस्‍वास ले़ःॽखुबाजि यरुसलेमबाङ फाक्‍खे़ॽनुङ हाम्‍बेॽ हाम्‍बेॽ रुक्‍टुजि माहा चोप ठाउँराजि सुसमाचार खेम्‍मेॽटुजि।

रोमि 15:16

इक्‍को याडाङ्‌बाडे़ॽ निवाहाङ्‌मि पोम्‍बेॽ नेन्‍जामारोमा भेटि चेॽटिबॽआडोॽ के़ॽसो माहा अयहुदि याॽमिजि सुसमाचार खेम्‍मेॽनुङ, पबित्‍रा होङ्‌निवाबाङ चोखो टोङ्‌नुङ निवाहाङ्‌डे़ॽ नेन्‍जोन्‍डुए भेटिडोॽ खोमि पोम्‍बेॽ लाजे़टुङ्‌हाजि।

१ कोरिन्‍थि 4:1

मोबा हे़निङे़ॽ कानिङ खिरिस्‍टमि सेवाकनुङ निवाहाङ्‌मि लेमा छॽइये खा लुहेखुबा योम्‍बोकमि जिम्‍मा चुप्‍पॽआ याॽमि मिॽमा खे़ये।

हिब्‍रु 2:3

इडोक बेॽए छुट्‌कारामि खानोॽ ले़ख्‍खो मे़ले़ःॽटुङ्‌माहोङ्‌गो इन्‍डोक्‍टे न्‍यायबाङ ले़ःॽखे़ॽहेन्‍डिङ्‌मा ? इगो छुट्‌कारा याक्‍लो परभुडे़ॽनोॽ परचार ले़टु। खोमि परचार खेम्‍घुबाजिडे़ॽ इगो चाइबमा ले़ये लुनुङ कानिङ परमान पिसामि।

१ पत्‍रुस 5:1

हागो के़ॽ हे़निङ्‌मि मन्‍डलिबेॽहा एल्‍रडजि लुनिम्‍ने़, कासो इक्‍को एल्‍डरनोॽ ले़ःॽपॽआसे़ॽ, मोबा खिरिस्‍टडे़ॽ आङ्‌बॽआ दुःख के़ॽनोॽ खाङ्‌इटुङे, ए़क्‍साङ खाङ्‌मुये महिमामिसो साझेदार लिबॽआ नाताडे़ॽ हे़निङ इडोॽ लुनिम्‍ने़।

२ पत्‍रुस 1:16

कानिङ्‌मि परभु येसु खिरिस्‍ट महिमानुङ सक्‍तिबेॽ फेरिसो लेङ्‌इये लुनुङ हे़निङ पारलेनरेॽ इःबेॽपॽआ ने़ॽनिबा, कानिङ टाङ्‌बामिनोॽ मिगे़ॽ खोमि बेॽएम्‍मा महिमा खाङ्‌इटुङ्‌मे।