लुका 1:1 - याम्फु

¹ आदर ले़ःॽमारोमा थियोफिलस ज्‍यु, बेॽलो याॽमिजिडे़ॽ कानिङ्‌मि रुम्‍बेॽ येसुमि टुम्‍बेॽ लिबॽआ खा बेॽलो याक्‍लोएबाङ साप्‍खुबाजिडे़ॽ साप्‍मे योम्‍बोक खोजिडे़ॽ ले़ए़टुजे।

लुका 1:1 Iomraidhean Croise

मरकुस 16:20

मोबा माहा चोङ्‌साजि खे़ॽनुङ चोप ठाउँबेॽ परचार ले़टुजि। परभुडे़ॽ खोजिमि हिङ्‌मवाबाङ योम्‍बोक ले़टु। माहाजिडे़ॽ परचार ले़ःॽपॽआ बचन खरिहा चिङ्‌गाबाङ चाइबमा ले़ये लुनुङ परमान ले़ःॽपेॽटु।]

युहन्‍ना 20:31

तर निवाहाङ्‌मि पसा मुक्‍ति पिघुबा येसु खिरिस्‍टबेॽ हे़निङे़ॽ बिस्‍वास ले़टानुमे लुनुङ इगो नेॽचिरा साप्‍पॽआ ले़ये। मो बिस्‍वासबाङ खोमि निङ्‌बेॽ हे़निङे़ॽ ए़स्‍सिमे हिङ्‌मवा चुप्‍टानुमे।

रोमि 14:5

इन्‍डोक याॽमिजिडे़ॽ इक्‍को याक बेॽए मिॽइन्‍डुजे, तर इन्‍डोक याॽमिजिडे़ॽ चोप याक इक्‍कोनोॽ मिॽइन्‍डुजे। मोडोगे़ॽ चोप याॽमिजिडे़ॽ टाङ्‌बा टाङ्‌बे़ॽ बिस्‍वास ले़ःॽपॽआ खाबेॽ नुरोॽ लेनुङ्‌नोॽ ले़ःॽमा खे़ये।

रोमि 4:21

मोबा निवाहाङ खोमदाङ्‌बे़ॽ ले़ःॽपॽआ हेन्‍ज्‍रुङ खोसे़ॽ इन्‍डोॽहोङ्‌सो पुरा ले़न्‍डुए लुमे खाबेॽ अब्‍राहाम पुरा भरोसाबेॽ टुसे़।

कलस्‍सि 2:2

खोजिडे़ॽ साहस चुप्‍नुङ मोबा खोजिटाङ्‌बामि रुम्‍बेॽ नम्‍नम ले़चामिरो लुनुङ्‌नोॽ के़ॽ इडोॽ ले़ए़टुङे। मोडोगे़ॽ खोजि नुबानुङ मङे़ॽमा निवाबेॽ पक्‍का लिनुङ निवाहाङ्‌मि लेमा छॽइये खा लेमे निवा अथबा खिरिस्‍ट नुरोॽ लेहेखुबाजि लिहेम्‍मे।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ थेस्‍लोनिकि 1:5

इन्‍ढोङ्‌होङ कानिङे़ॽ हे़निङ खेम्‍मेॽपॽआ सुसमाचार माङ्‌माङ्‌मा खा मे़ले़टा। तर सक्‍तिनुङ पबित्‍रा होङ्‌निवानुङ्‌मा चाइबमा खा ले़टे़। कानिङ हे़निङ्‌नुङ टुमाबेॽ कानिङ्‌मि हिङ्‌मवा इन्‍डोॽ ले़टे़ लुमे खा हे़निङे़ॽ नुरोॽ लेन्‍डानुमे।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

२ तिमोथि 4:17

तर परभु काङ्‌मि पक्‍छेबेॽ येःप्‍पिॽटा। मोबा खोमि बचन चोप हाइखा जातिजि खेम्‍मेॽमामि लागि का बोल पिसिङ। इडोॽ खोसे़ॽ का किबामि याबुकबाङ जोगा ले़टिङ।

हिब्‍रु 10:22

कानिङ्‌मि निवाहोङ्‌सिॽयुहा मङे़हा खा चोखो लिटहा, मोबा खिरिस्‍टमि हरिडे़ॽ कानिङ्‌मि हिङा वासोक्‍इटुए, मोडोगे़ॽ चोखो निवा, चाइबमा बिस्‍वासडे़ॽ ढुक्‍का लिनुङ कानिङ निवाहाङ्‌मि पोम्‍बेॽ खे़ॽमा।

हिब्‍रु 6:11

हे़निङ चोपजिमि इगो बिस्‍वास ए़क्‍साङ्‌ठोक टुडुङ्‌घे़ॽरो, मोबा हे़निङ्‌मि आसा पुरा लिये लुनुङ मिॽइटुङ्‌मे़।