युहन्‍ना 9:7 - याम्फु

⁷ मोबा येसुडे़ॽ मो याॽमि लुसु, “खडे सिलोआममि टोम्‍लिॽवाबेॽ खे़ॽनुङ हे़ने़ए़ नजिक वासोगे।” (सिलोआम लुबॽआ पाङ्‌बॽआ ले़ये।) मो याॽमि खे़ॽनुङ मोबेॽ वासोगु मोबा खो मिक ए़ःॽखुबा लिनुङ टेआबा।

युहन्‍ना 9:7 Iomraidhean Croise

मत्‍ति 11:5

मिक मे़ए़ॽखुबाजि मिक ए़ॽपोगामि, सोक्‍लोङ्‌गे़याजि राम्‍बोक्‍इटामि, सुक्‍टुबाङेॽ सुक्‍पॽआजि चोखो लिनुङ नुबोगामि, ने़ए़क मे़ङ्‌खेम्‍खुबाजि खेम्‍बोगामि, सिघे़ॽपॽआजि हिङ्‌बोगामि, दुःखि गरिबजिडे़ॽ सुसमाचार खेम्‍डोक्‍इटुजि।

लुका 13:4

फेरि सिलोआम ठाउँमि धरहरा टे़ःक्‍माबेॽ चिम्‍सिघे़ॽपॽआ अठारो जना याॽमिजि यरुसलेमबेॽहा हाइखा याॽमिजिबाङ बेॽलो पापि ले़टामे लुनुङ मिॽइन्‍डानुमे ?

लुका 2:32

खोनोॽ अयहुदि जातिहा याॽमिजि हे़ने़ए़ राम खाङ्‌मेॽखुबा जोति ले़ये। खोसे़ॽनोॽ हे़ने़हा इस्‍राएलि याॽमिजिमि महिमा ले़ःॽमेन्‍डुए।”

युहन्‍ना 10:36

तर का चाहिँ पाबाडे़ॽ पबित्‍रा टोङ्‌नुङ खोमि योम्‍बोक पुरा ले़ःॽसिॽ इगो मक्‍खाम्‍डेमबेॽ पाङ्‌इटिङे। मोबा ‘का निवाहाङ्‌मि पसा ले़ङे’ लुमाबेॽ इन्‍डोक्‍टे निवाहाङ सिःक्‍चाबॽआ लुन्‍डानिङे ?

युहन्‍ना 11:37

तर आढाजिडे़ॽ लुसुजि, “इमा मिक मे़ए़ॽखुबामि मिक नुबोक्‍खुबा इगोनोॽ ने़ॽने ? इगोसे़ॽ इन्‍ढोङ लाजरस हिङ्‌रिक मे़युङ्‌हेसुए ?”

युहन्‍ना 9:11

मोसे़ॽ लुसु, “येसु निङ ले़ःॽखुबा याॽमिडे़ॽ आक्‍खामा नाक्‍नुङ काङ्‌मि मिकपेॽ टिबेॽनुङ लुसिङा, ‘सिलोआमबेॽ खे़ॽनुङ वसोगे।’ के़ॽ मोडोक्‍नोॽ ले़टुङ मोबा के़ए़ मिक ए़ॽपोगा।”

युहन्‍ना 9:39

मोबा येसुडे़ॽ लुसु, “मिक मे़ए़ॽखुबा याॽमिजि मिक ए़ॽमिरो, मोबा मिक ए़खुबाजि मे़ए़खुबा लिमिरो लुनुङ का न्‍यायमि लागि इगो मक्‍खाम्‍डेमबेॽ लेङ्‌इटिङे।”

एप्‍पा चोङ्‌सा 26:18

“‘हे़ने़ॽ माहाजिमि मिक हेम्‍बेॽनुङ सेन्‍जुगुप्‍बाङ उज्‍यालोबेॽ लाप्‍मा खे़ये। मोबा सैतानमि हुकबाङ निवाहाङ्‌लाम टेआप्‍मा खे़म्‍मे। माहाजिडे़ॽ काबेॽ बिस्‍वास ले़न्‍डुजेनुङ माहाजिमि पाप वासोक्‍खे़हा मोबा माहाजिडे़ॽ निवाहाङ्‌डे़ॽ से़म्‍बॽआ याॽमिजिनुङ सोरि सेवा ले़टोक्‍इन्‍डुजे’।

रोमि 8:3

याॽमिमि पापि बानि बेहोराडे़ॽ कमजोर लिबॽआसे़ॽ धारमिक नियमडे़ॽसो मे़ले़ःॽहेबॽआ योम्‍बोक निवाहाङ्‌डे़ॽ ले़टु, अथबा निवाहाङ्‌मि पसा पापमि लागि बलि लिमामि पापि याॽमिडोॽ हिङाबेॽ इगो मक्‍खाम्‍डेमबेॽ पाक्‍सु। खो याॽमि लिनुङ माहाजिडे़ॽ ले़ःॽपॽआ पापमि साटो हिङाबेॽ सिनुङ पापमि सक्‍ति नासि ले़टु।

गलाति 4:4

तर बेला लिनुङ ए़क्‍साङ निवाहाङ्‌डे़ॽ खोमि पसा मक्‍खाम्‍डेमबेॽ पाक्‍सु। खो इक्‍को मेॽनामिॽबाङ यहुदि धारमिक नियममि अधिनबेॽ टोगा।