8 हे़निङ इगो चाडबेॽ खडानिङे। का चाहिँ इगो चाडबेॽ खे़ॽङानि, इन्ढोङ्होङ काङ्मि बेला हागोनोॽ मे़लिडिॽ।”
येसुडे़ॽ माहाजि लुसुजि, “सहरबेॽए इक्को एप्पा याॽमिमि खिमबेॽ खे़ॽनुङ लुसानुमे, ‘कानिङ्मि गुरुडे़ॽ लुटे़, काङ्मि बेला के़क्पेॽ लेम्बेटे़। का टाङ्बामि चोङ्साजिनुङ हे़ने़ए़ खिमबेॽ छुट्कारामि चाड चामा मिङ्इङे’।”
इडोक्मा खा खे़म्नुङ येसुडे़ॽ खो लुसु, “मामा, के़ॽ इमाङ ले़ःॽमा खे़ये, का ए़ॽलुमा। हागोरो काङ्मि योम्बोक ले़ःॽमे बेला मे़लेन्डिॽ।”
मोडोक्पेॽ माहाजिडे़ॽ येसु राःप्मा योगुजि, तर असे़ॽसो खोबेॽ हुक मे़न्टिसुजि, इन्ढोङ्होङ खोमि बेला हागोसो मे़लिबॽआ ले़टा।
येसुडे़ॽ माहाजि लुसुजि, “का मोबेॽ खे़ॽमे बेला हागोनोॽ मे़लेन्डिॽ, तर हे़निङ्मि लागिगो सानिङ्नोॽ ठिक बेला ले़ये।
येसुडे़ॽ माहाजि इडोॽ लुनुङ खो चाहिँ गालिलबेॽनोॽ पेना।
इघा खा येसुडे़ॽ मन्दिरमि भेटि चेॽटिढाम ढुकुटिमि के़क्पेॽ येःप्नुङ लुबॽआ ले़टे़। तर असे़ॽसो खो मे़राबुजि, इन्ढोङ्होङ खोमि बेला हागोसो मे़लेम्बॽआ ले़टा।
येसुडे़ॽ इघा खा इःमाबेॽनोॽ बेॽलो याॽमिजिडे़ॽ खोबेॽ बिस्वास ले़टुजि।