युहन्‍ना 7:7 - याम्फु

⁷ मक्‍खाम्‍डेमबेॽहा याॽमिजिडे़ॽ हे़निङ सिच्‍चामिने, तर कागो सिच्‍चाम्‍मे, इन्‍ढोङ्‌होङ मक्‍खाम्‍डेमबेॽहा याॽमिजिमि चाल चलन मङे़हा ले़हा लुनुङ के़ॽ लुनुङ्‌हा।

युहन्‍ना 7:7 Iomraidhean Croise

लुका 6:26

इनाःमा, आइ याॽमिजिबाङ ओहाङ चुप्‍खुबाजि इन्‍ढोङ्‌होङ मोडोक्‍हा ओहाङ्‌गो मो याॽमिजिमि टुबा लाबाजिडे़ॽसो मे़ॽनोक्‍हा अगमबक्‍ताजिसो इडोक्‍नोॽ ओहाङ पिसुजे।”

युहन्‍ना 17:14

के़ॽ हे़ने़हा बचन खोजि पिटुङ्‌हाजि, तर खोजिसो काडोक्‍नोॽ मक्‍खाम्‍डेमबेॽहा याॽमिजि ने़ॽनिहाजि मोडोगे़ॽ मक्‍खाम्‍डेमबेॽहा याॽमिजिडे़ॽ खोजिसो सिॽचोन्‍डुजे।

युहन्‍ना 3:19

आप्‍टिकनुङ्‌मा इडोगे़ॽ लिम्‍मे, जोति मक्‍खाम्‍डेमबेॽ लेङ्‌इटे़, तर याॽमिजिडे़ॽ जोतिबाङ्‌सो बेॽलो सेन्‍जुगुप नेन्‍जोसुजि, इन्‍ढोङ्‌होङ खोजिमि योम्‍बोक दुस्‍ट ले़टा।

रोमि 8:7

इन्‍ढोङ्‌होङ पापि निवा खिनुङ राम्‍खुबा चाहिँ निवाहाङ्‌मि लागि सतुर लिये। मो याॽमिडे़ॽ निवाहाङ्‌मि धारमिक नियम पालना ले़टुनिबा, मोसे़ॽ मो खा ले़ःॽनोॽ ले़ःॽहेसुनिबा।

गलाति 4:16

तर इन्‍ढोङ आयु चाइबमा खा इमाबेॽ का हे़निङ्‌मि सतुर लिसिङे ?

याकुब 4:4

होउ बेभिचार ले़ःॽखुबा याॽमिजि, मक्‍खाम्‍डेमबेॽहा थोकनुङ लङ्‌गाम ले़ःॽमा लुबॽआ चाहिँ, निवाहाङ्‌नुङ सतुर लिबॽआ लुमे खा हे़निङे़ॽ लेसानुम्‍ने ? मोडोगे़ॽ असे़ॽ मक्‍खाम्‍डेमबेॽहा मङे़हा योम्‍बोकनुङ लङ्‌गाम ले़न्‍डुए, मोसे़ॽ खोमटाङ्‌बा निवाहाङ्‌मि सतुर लिये।

१ युहन्‍ना 4:5

माहा मे़ॽनोक्‍हा खा इःघुबा अगमबक्‍ताजि मक्‍खाम्‍डेमबेॽहाजि ले़म्‍मे, मोडोगे़ॽ माहाजिडे़ॽ मक्‍खाम्‍डेममिन्‍नोॽ खा इःन्‍डुजेनुङ मक्‍खाम्‍डेमबेॽहा याॽमिजिडे़ॽ खोजिमि खा खेम्‍इन्‍डुजे।