युहन्‍ना 7:6 - याम्फु

⁶ येसुडे़ॽ माहाजि लुसुजि, “का मोबेॽ खे़ॽमे बेला हागोनोॽ मे़लेन्‍डिॽ, तर हे़निङ्‌मि लागिगो सानिङ्‌नोॽ ठिक बेला ले़ये।

युहन्‍ना 7:6 Iomraidhean Croise

मत्‍ति 26:18

येसुडे़ॽ माहाजि लुसुजि, “सहरबेॽए इक्‍को एप्‍पा याॽमिमि खिमबेॽ खे़ॽनुङ लुसानुमे, ‘कानिङ्‌मि गुरुडे़ॽ लुटे़, काङ्‌मि बेला के़क्‍पेॽ लेम्‍बेटे़। का टाङ्‌बामि चोङ्‌साजिनुङ हे़ने़ए़ खिमबेॽ छुट्‌कारामि चाड चामा मिङ्‌इङे’।”

युहन्‍ना 13:1

छुट्‌कारा चाड लेम्‍मा याक्‍लो, इगो मक्‍खाम्‍डेमबाङ बिदा लिनुङ पाबाबेॽ खे़ॽमे बेला लेन्‍सिॽ पोरोइटे़ लुनुङ येसुडे़ॽ लेडोक्‍टु, मोबा मक्‍खाम्‍डेमबेॽ टुघुबा खोमि टाङ्‌बाङ्‌जि चोङ्‌साजि, नम्‍नम ले़टुजे, मोबा खो खे़ॽमा बेलाठोकनोॽ नम्‍नम ले़टुजि।

युहन्‍ना 17:1

इघा खा लुसेॽनुङ येसुडे़ॽ थाङ्‌सिरिलाम खाङ्‌मानुङ लुसु, “हे पाबा, हागो बेला लेम्‍बेटे़, हे़ने़ए़ पसामि महिमा खाङ्‌मुसे, पसाडे़ॽ हे़ने़ए़ महिमा खाङ्‌मुहेसुरो लुनुङ खो महिमा पिसे।

युहन्‍ना 2:4

इडोक्‍मा खा खे़म्‍नुङ येसुडे़ॽ खो लुसु, “मामा, के़ॽ इमाङ ले़ःॽमा खे़ये, का ए़ॽलुमा। हागोरो काङ्‌मि योम्‍बोक ले़ःॽमे बेला मे़लेन्‍डिॽ।”

युहन्‍ना 7:30

मोडोक्‍पेॽ माहाजिडे़ॽ येसु राःप्‍मा योगुजि, तर असे़ॽसो खोबेॽ हुक मे़न्‍टिसुजि, इन्‍ढोङ्‌होङ खोमि बेला हागोसो मे़लिबॽआ ले़टा।

युहन्‍ना 7:8

हे़निङ इगो चाडबेॽ खडानिङे। का चाहिँ इगो चाडबेॽ खे़ॽङानि, इन्‍ढोङ्‌होङ काङ्‌मि बेला हागोनोॽ मे़लिडिॽ।”

युहन्‍ना 8:20

इघा खा येसुडे़ॽ मन्‍दिरमि भेटि चेॽटिढाम ढुकुटिमि के़क्‍पेॽ येःप्‍नुङ लुबॽआ ले़टे़। तर असे़ॽसो खो मे़राबुजि, इन्‍ढोङ्‌होङ खोमि बेला हागोसो मे़लेम्‍बॽआ ले़टा।

एप्‍पा चोङ्‌सा 1:7

येसुडे़ॽ माहाजि लुसुजि, “इन्‍डोक्‍पेॽ इगो खा लिये लुनुङ खाङ्‌मे, लेमे हे़निङ्‌मि योम्‍बोक ने़ॽनिबा। मोगो थाङ्‌सिरिबेॽए पाबे़ॽ खोमि निवाबेॽ पक्‍का ले़न्‍डुए।