5 इन्ढोङ्होङ येसुमि निसाजिडे़ॽसो खो बिस्वास मे़ले़टुजे।
येसु याॽमिजिनुङ यामुमे़ॽनिङ्सिमाबेॽ, खोमि मामानुङ निसाजि पाखे़ॽयु लेस्सामि मोबा खोजि “येसुनुङ यामुमे खा टुहा” लुनुङ खो हुङ्मानुङ पाखे़ॽयुनोॽ पेनामि।
इगो खा खेम्नुङ खोम खिमबेॽहाजि येसु चिक्सिॽ खडामि इन्ढोङ्होङ खोजिडे़ॽ येसु नाङ्बुॽइटे़ मिडुजे।
तर खोमि निसाजि चाडबेॽ खे़ॽपॽआ बेला खोसो असानुङ्सो मे़ङ्खाङ्मुरेॽ खुस्रिङ्मु मो चाडबेॽ खडा।
मोडोगे़ॽ येसुमि निसाजिडे़ॽ खो लुसुजि, “इगो ठाउँ याःॽयानुङ यहुदियाबेॽ खडे। हे़ने़ॽ ले़ःॽटिङ्बॽआ खरिहा योम्बोक मोबेॽ हे़ने़हा चोङ्साजिडे़ॽसो खाङ्डोगुजिरो।
टाङ्बामि निङ मुक्पॽआ नेन्जाघुबे़ॽ टाङ्बे़ॽ ले़ःॽपॽआ योम्बोक चुप्सुनिहा। मोडोक्नोॽ हे़ने़ॽसो खरिहा योम्बोक ले़ःॽमे़ॽनिङ्सिन्डुहा, इघा खरिहा योम्बोक मक्खाम्डेमबेॽ चोप याॽमिजिमि पोम्बेॽ खाङ्मुसे।”
