युहन्‍ना 6:9 - याम्फु

⁹ “इगोबेॽ इक्‍को पिच्‍छानुङ सिचाममि ङाउम गोटा चरेपानुङ निच्‍चि ङा टुउ। तर इढे़ॽलो बेॽलो याॽमिजि इन्‍डोक्‍टे के़ॽए़न्‍डुए।”

युहन्‍ना 6:9 Iomraidhean Croise

मत्‍ति 14:17

चोङ्‌साजिडे़ॽ येसु लुसुजि, “कानिङ्‌नुङ्‌गो ङाउम चरेपानुङ निच्‍चि ङारेॽनोॽ टुहा।”

मत्‍ति 16:9

इमा हे़निङे़ॽ हागोरोसो मे़लेडिॽटानुमे ? ङाउम चरेपा ङाउम हजार याॽमिजिडे़ॽ उक्‍खारो चासेॽनुङ एम्‍बॽआ चरेपा सुम्‍माबेॽ इन्‍डोक ओखे़ङ इःगानुमे मिन्‍डेॽपेसानुमे ?

मरकुस 6:38

येसुडे़ॽ माहाजि सिप्‍सुजि, “हे़निङ्‌नुङ इन्‍डोक गोटा चरेपा टुहा ? खाङ्‌खाक्‍सानुमे!” चोङ्‌साजिडे़ॽ खाङ्‌नुङ लुसुजि, “ङाउम गोटा चरेपानुङ निच्‍चि ङा टुउ!”

मरकुस 8:19

के़ॽ ङाउम चरेपाडे़ॽ माहा ङाउम हजार याॽमिजि हिङ्‌माबेॽ इन्‍डोक ओक्‍खेङ एम्‍बॽआ ले़टाहा ? मिन्‍डेडानुमे” चोङ्‌साजिडे़ॽ लुसुजि, “बारो ओक्‍खेङ!”

लुका 9:13

येसुडे़ॽ खोजि लुसुजि, “हे़निङे़ॽनोॽ अक्‍खाजि चामा पिसानुमे।” खोजिडे़ॽ लुसुजि, “परभु, कानिङ्‌नुङ इमाङ्‌डे टुहोङ ? ङाउम चरेपानुङ निच्‍चि ङारेॽनोॽ टुहा। इमा कानिङे़ॽ इढे़ःॽलो याॽमिजिमि लागि चामा इन्‍जे़ॽमाहा ?”

युहन्‍ना 11:21

मोबा मारथाडे़ॽ येसु चुप्‍नुङ लुसु, “परभु, हे़न इगोबेॽनोॽ टुसाहोङ्‌गो काङ्‌मि निसा लाजरस मे़सिसा होला।

युहन्‍ना 11:32

मोबा मरियम येसु टुढामबेॽ रुक्‍नुङ येसुमि सराङ्‌बेॽ ओप्‌युनुङ इडोॽ लुसु, “हे परभु, हे़न इगोबेॽनोॽ टुसाहोङ्‌गो के़ए़ निसा लाजरस मे़न्‍सिसा होला।”

युहन्‍ना 21:10

येसुडे़ॽ माहाजि लुसुजि, “हे़निङे़ॽ सेॽपॽआ ङाबाङ इक्‍को निच्‍चि ङा लाप्‍टानुमे।”

युहन्‍ना 21:13

मोबा येसुडे़ॽ चरेपा कुःप्‍नुङ माहाजि हाबेॽटुजि, मोडोक्‍नोॽ ङासो हाबेॽटुजि।

युहन्‍ना 21:9

खोजि पाखाबेॽ लेम्‍माबेॽको चरेपानुङ ङा थाउरुमसोक्‍पेॽ खाङ्‌डोक्‍टुजि।

युहन्‍ना 6:11

मोबा येसुडे़ॽ ङाॽउम चरेपा हुकपेॽ याङ्‌मानुङ निवाहाङ ओहाक पिसु, मोबा चोङ्‌साजि हामेॽटुजि। मोडोक्‍नोॽ ङासो हामेॽटुजि। माहा याॽमिजिडे़ॽ उक्‍खारो चोसुजि।

युहन्‍ना 6:7

फिलिपडे़ॽ लुसु, “इगोबेॽ टुघुबा चोपजि अदरेॽवारेॽनोॽ चरेपा पिमाजिहोङ्‌सो निच्‍चि सये सिसे़ङ्‌मि मुन्‍डाडे़ॽ इम्‍बॽआ चारेपे़ॽसो के़ॽटुजिनि।”

२ कोरिन्‍थि 8:9

कानिङ्‌मि परभु येसु खिरिस्‍टडे़ॽ ले़ःॽपॽआ अनुग्‍रहा हे़निङे़ॽ नुरोॽ लेन्‍डानुम। खो चोप थोकमि मायोङ्‌बा ले़टारोसो हे़निङ्‌मि लागि इमाङ मे़ॽनिङ्‌मा लिसा। खो इमाङ मे़ॽनिङ्‌मा लिनुङ हे़निङ टाङायोङ्‌बा टोङ्‌मामि लागि इडोॽ ले़टु।

परकास 6:6

माहा रिउममा हिङ्‌रिक जिवातमि रुम्‍बेॽ इक्‍को सेम्‍लाडे़ॽ इडोॽ लुबॽआडोॽ के़ॽ खेप्‍सुङ, “इक याकमि नमयाक इक्‍को किलो गहु अथबा इक याकमि नमयाक सुम्‍जि किलो सिचाम नुये, तर जैतुनमि केवानुङ अङ्‌गुरमि मद्‌य नासि ए़ले़टानुमे।”