युहन्‍ना 4:6 - याम्फु

⁶ मोबेॽ याकुबडे़ॽ टोबॽआ इनार टुसे़। येसु राम्‍माबेॽ याःक्‍चाघे़ॽपॽआसे़ॽ मो इनारमि के़क्‍पेॽ नाजासा। मोडोक्‍पेॽ लेन्‍डामि बारोबोङ कासिॽपोरोक्‍पॽआ ले़टा।

युहन्‍ना 4:6 Iomraidhean Croise

मत्‍ति 27:45

मोबा मो देसबेॽ लेन्‍डाए इक्‍पोङ निच्‍चिबोङ्‌बाङ सुमबोङ्‌ठोक चोप देसनोॽ सेन्‍जुगुप लिसा।

मत्‍ति 4:2

इडोॽ येसु रिबोङ लेन्‍डा, सेन्‍डा इमाङ्‌सो मे़न्‍चारेॽ पेम्‍बॽआसे़ॽ सगे़ॽ सिसु।

मत्‍ति 8:24

खे़ॽमे़ॽनिङ्‌सिमाबेॽ हाक्‍चोक्‍टोॽ मो माहोङ्‌माबेॽ किस्‍सिमारोमा फुइक्‍सुमानुङ फे़ङ्‌ले़ॽवा लेस्‍सा। नाउ योङाडे़ॽ चिप्‍खे़ॽनुङ हुम्‍घे़ॽसिॽ पोरोगा। मोडोक्‍पेॽ येसु चाहिँ इम्‍डिखे़ॽपॽआ ले़टे़।

लुका 2:7

मोबाङ खोसे़ॽ टुम्‍मि पसा टोगु, मोबा चेॽटे़ॽ मोम्‍नुङ पिगे़ॽ खोले चाढाम खोङ्‌बेॽ इम्‍मेॽटु। इन्‍ढोङ्‌होङ खोजिडे़ॽ चाबाङ खिमबेॽ पोप्‍ठाम ठाउँ मे़न्‍चुप्‍टाजु।

लुका 9:58

तर येसुडे़ॽ मो याॽमि लुसु, “खेप्‍से, स्‍यालाजिमि पेन्‍ढाम हु टुहा, सोङाजिमि पेन्‍ढाम हाप टुहा, तर का याॽमिमि पासमिगो निन्‍डवाँ युङ्‌ढाम ठाउँसो माॽआये।”

युहन्‍ना 11:9

येसुडे़ॽ माहाजि लुसुजि, “इमा लेन्‍डा बारो घन्‍टा टुहा ने़ॽने ? लेन्‍डा राम्‍घुबामि सराङ रुङ्‌गोॽवाबेॽ ठोःक्‍निबा, इन्‍ढोङ्‌होङ खोजिडे़ॽ इगो मक्‍खाम्‍डेममि जोति चुप्‍मिटुजे।

युहन्‍ना 4:12

इमा हे़न कानिङ्‌मि टुबालाबा याकुबबाङ्‌सो बेॽएम्‍माडे ? खोसे़ॽ कानिङ इगो इनार टोङ्‌बेॽपॽआ, मोबा खोसे़ॽ, खोमि पसाजिडे़ॽनुङ खोमि जिवातजिडे़ॽसो इगो इनारमि योङा उक्‍सुजि।”

युहन्‍ना 4:5

इडोॽ येसु सामरिया ठाउँमि सुखार लुमे खिम्‍डेमबेॽ लेस्‍सा, इगो खिम्‍डेममि के़क्‍पेॽनोॽ याकुबडे़ॽ खोमि पसा योसेफ पिबॽआ जग्‍गा टुसे़।

युहन्‍ना 4:7

मोडोक्‍पेॽनोॽ मो इनारबेॽ योङा टे़ःॽसिॽ इक्‍को सामरि जातिमा मेॽनामिॽ लेस्‍सा। येसुडे़ॽ मो लुसु, “का योङा उङ्‌मा पिमाना।”

२ कोरिन्‍थि 8:9

कानिङ्‌मि परभु येसु खिरिस्‍टडे़ॽ ले़ःॽपॽआ अनुग्‍रहा हे़निङे़ॽ नुरोॽ लेन्‍डानुम। खो चोप थोकमि मायोङ्‌बा ले़टारोसो हे़निङ्‌मि लागि इमाङ मे़ॽनिङ्‌मा लिसा। खो इमाङ मे़ॽनिङ्‌मा लिनुङ हे़निङ टाङायोङ्‌बा टोङ्‌मामि लागि इडोॽ ले़टु।

हिब्‍रु 2:17

मोडोगे़ॽ चोप खाबेॽ खो टाङ्‌बामि वावा निसाजिडोक्‍नोॽ लिमा खडा। मोबा याॽमिजिमि पापमि लागि आम्‍लाङ ङाःक्‍मामि भरोसानुङ्‌मानुङ नम्‍नावानुङ्‌मा चोप्‍पाङ एप्‍पा याडाङ्‌बा लिसा।

हिब्‍रु 4:15

इन्‍ढोङ्‌होङ कानिङ्‌मि चोप्‍पाङ एप्‍पा याडाङ्‌बा कानिङ्‌मि कमजोरि लेहेघुबा ले़ये। कानिङ्‌मि चोप्‍पाङ एप्‍पा याडाङ्‌बा कानिङ्‌डोक्‍नोॽ जाँचबेॽ सिॽटा, तरसो खोसे़ॽ इक्‍कोसो पाप मे़ले़टु।