युहन्‍ना 4:10 - याम्फु

¹⁰ येसुडे़ॽ मो मेॽनामिॽ लुसु, “हे़ने़ॽ निवाहाङ्‌मि बरदाननुङ हे़न्‍नुङ योङा ङाःक्‍खुबा लेबॽआ ले़टाहोङ हे़ने़ॽ खोनुङ ङाःगुए, मोबा खोसे़ॽ हे़न हिङ्‌मवा पिघु योङा पिसे़।”

युहन्‍ना 4:10 Iomraidhean Croise

लुका 11:13

हे़निङ पापि ले़न्‍डानिङ्‌होङ्‌सो टाङ्‌बामि पसाजि नुबा खा पिलेन्‍डानुमहोङ छना थाङ्‌सिरिॽटु पेङ्‌घुबा हे़निङ्‌मि निवाहाङ पाबे़ॽ खोनुङ ङाःक्‍खुबाजि इन्‍डोक बेॽलो पबित्‍रा होङ्‌निवा पिये।”

युहन्‍ना 16:3

माहाजिडे़ॽ पाबानुङ का मे़लेबॽआसे़ॽनोॽ खोजिडे़ॽ हे़निङ इडोॽ ले़म्‍मे।

युहन्‍ना 17:3

ए़ॽसिमे हिङ्‌मवा लुबॽआ चाहिँ हे़न इक्‍कोरेॽ चाइबमा निवाहाङ लुनुङ लेमा, मोबा हे़ने़ॽ पाङ्‌बॽआ येसु खिरिस्‍ट लेमानोॽ ले़ये।

युहन्‍ना 3:16

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि इडोॽ बेॽलो नम्‍नम ले़ःॽपॽआसे़ॽ खोमि इक्‍कोमा पसासो खोजिमि लागि पाक्‍सु। मोडोगे़ॽ खोमि पसाबेॽ बिस्‍वास ले़ःॽखुबाजि असासो नासि मे़ल्‍लिमिरो, तर खोजि चोबे़ॽ ए़स्‍सिमे हिङ्‌मवा चुप्‍टुजिरो।

युहन्‍ना 4:14

तर असे़ॽ के़ॽ पिबॽआ योङा उङ्‌इन्‍डुजे खो फेरि इन्‍डोक्‍पेॽसो वाइमे़ॽ सिसुनिबा। इन्‍ढोङ्‌होङ के़ॽ पिमे योङा चाहिँ मो याॽमि होङ्‌सिॽयु सानिङ्‌नोॽ पिॽइये, खो योङा पिॽठाम मुहान लिये, मोसे़ॽ खो ए़स्‍सिमे हिङ्‌मवा पिन्‍डुए!”

युहन्‍ना 6:35

येसुडे़ॽ माहाजि लुसुजि, “हिङ्‌मवामि चरेपा कानोॽ ले़ङे, काबेॽ आप्‍खुबाजि फेरि इन्‍डोक्‍पेॽसो सगे़ॽ सिसुजिनिनुङ काबेॽ बिस्‍वास ले़ःॽखुबाजि फेरि इन्‍डोक्‍पेॽसो वाइॽमे़ॽ सिसुजिनि।

युहन्‍ना 6:51

थाङ्‌सिरिबाङ लेम्‍बॽआ हिङ्‌रिक चरेपा कानोॽ ले़ङे। असे़ॽ इगो चरेपा चोन्‍डुए मो सानिङ हिङ्‌इये। मो चरेपा चाहिँ काङ्‌मि हिङानोॽ ले़ये। के़ए़ हिङा मक्‍खाम्‍डेमबेॽहा याॽमिजिडे़ॽ ए़ॽसिमे हिङ्‌मवा चुप्‍टुजिरो लुनुङ के़ॽ पिनुङे़।”

एप्‍पा चोङ्‌सा 9:11

परभुडे़ॽ खो लुसु, “सिधा राम लुमे रामबेॽ यहुदामि खिमबेॽ खडे। मोबेॽ टारसस लुमे ठाउँबाङ लेम्‍बॽआ सावल निङ ले़ःॽखुबा याॽमि योगे। मोबेॽ खो पारथना ले़ःॽमे़ॽनिङ्‌सिये।

रोमि 8:32

निवाहाङ्‌डे़ॽ खोमि इक्‍कोमा पसानोक्‍सो मे़युङ्‌रेॽ कानिङ्‌मि लागि खो पिबेसा, इमा खोसे़ॽ कानिङ्‌मि लागि येसुनुङ सोरि चोप थोकसो पिनिबाडे ?

१ कोरिन्‍थि 1:30

निवाहाङ्‌डे़ॽ हे़निङ येसु खिरिस्‍टबेॽ लाप्‍मिटे़। निवाहाङ्‌डे़ॽ खिरिस्‍ट येसु कानिङ्‌मि लागि निवामि मुहान टोङ्‌बेॽनुङ खिरिस्‍टडे़ॽ कानिङ निवाहाङ्‌मि पोम्‍बेॽ आप्‍टिक मे़ॽनिङ्‌हाजिनुङ पबित्‍रा टोङ्‌इये। मोबा कानिङ्‌मि पापबाङ छुट्‌कारा पिये।

१ कोरिन्‍थि 10:4

निवाहाङ्‌डे़ॽ पिबॽआ इक्‍कोनोॽ योङा चोबे़ॽ उक्‍सुजि। इन्‍ढोङ्‌होङ खोजिनुङ सोरि सोरि राम्‍खुबा रुङ्‌गोॽवाबाङ निवाहाङ्‌डे़ॽ पिॽपॽआ योङा उक्‍सुजि। मो योङा पिघुबा रुङ्‌गोॽवा चाहिँ खिरिस्‍टनोॽ ले़टे़।

२ कोरिन्‍थि 9:15

इगो लुमा योक्‍माबेॽसो लुहेनिबा निवाहाङ्‌डे़ॽ पिबॽआ बरदानमि लागि खो ओहाकयो।

एफिसि 2:8

हे़निङे़ॽ बिस्‍वास ले़ःॽनुङ खोमि अनुग्‍रहाबाङ उद्‌धार चुप्‍मिटानुमे। इगो उद्‌धार चाहिँ हे़निङ्‌टाङ्‌बे़ॽ योम्‍बोक ले़ःॽनुङ चुप्‍पॽआ ने़ॽनि, इगोगो निवाहाङ्‌डे़ॽ पिबॽआ बरदान ले़ये।

हिब्‍रु 6:4

इक्‍खेॽ येसुमि उज्‍यालो जोति चुप्‍नुङ थाङ्‌सिरिमि बरदान लेबेटुजे, मोबा पबित्‍रा होङ्‌निवामि सक्‍तिबेॽ राम्‍इटामे,

१ युहन्‍ना 5:20

निवाहाङ्‌मि पसा लेस्‍सा, मोबा खोसे़ॽ कानिङ चाइबमा निवाहाङ लेमाराप्‍टा। इगो खा कानिङे़ॽ लेन्‍डुङ्‌मे़। हागो येसुडे़ॽ ले़ःॽमे़ॽ कानिङ ए़ॽसिमे हिङ्‌मवा पिघुबा चाइबमा निवाहाङ्‌मि याॽमिजि लिटिङ्‌मा।

परकास 21:6

मोबा निवाहाङ्‌डे़ॽ का लुसिङ, “हागो चोप योम्‍बोक रुक्‍खे़टाहा। का अल्‍फानुङ ओमेगा ले़ङे, चोप्‍पाङ याक्‍लोमानुङ चोप्‍पाङ ए़क्‍साङ्‌मा कानोॽ ले़ङे। असा असाजि वाइॽमे़ॽ सिन्‍डुजे, माहाजि के़ॽ हिङ्‌मवामि योङा पिॽठामबाङ उङ्‌मा पिनुङ्‌हाजि।

परकास 22:17

पबित्‍रा होङ्‌निवानुङ नायोङ्‌माडे़ॽ लुये, “आबे।” असे़ॽ खेम्‍इन्‍डुए मोसे़ॽ लुसुरो, “आबे” असा वाइॽमे़ॽ सिटुए, खोसे़ॽ हेरो हिङ्‌मवामि योङा उक्‍सुरो।

परकास 7:17

इन्‍ढोङ्‌होङ हाङ्‌पेन्‍ढाममि रुम्‍बेॽ थुमाडे़ॽनोॽ खोजिमि गोठ्‌ला लिनुङ रच्‍छे ले़न्‍डुजे, खोसे़ॽ माहाजि कोमानुङ हिङ्‌मवामि योङा पिॽठामबेॽ चिॽखे़न्‍डुजे निवाहाङ्‌डे़ॽ माहाजिमि मिॽवा टुःक्‍पेन्‍डुजे।”