युहन्‍ना 3:2 - याम्फु

² इगो याॽमि इकसेङ येसु टुढामबेॽ लेन्‍नुङ लुसु, “गुरुज्‍यु, हे़न निवाहाङ्‌बाङ्‌नोॽ कानिङ इःॽसिॽ लेङ्‌इटे़, इगो खा कानिङे़ॽ लेन्‍डुङ्‌मा। निवाहाङ्‌डे़ॽ सक्‍ति मे़म्‍पिहोङ असे़ॽसो हे़ने़ॽ ले़ःॽपॽआडोक्‍हा खरिहा योम्‍बोक ले़ःॽहेसुजिने।”

युहन्‍ना 3:2 Iomraidhean Croise

मत्‍ति 22:16

माहाजिडे़ॽ टाङ्‌बामि चोङ्‌साजि हेरोद हाङ्‌बामि याॽमिजि येसुबेॽ पाक्‍सुजि। माहाजिडे़ॽ लुसुजि, “हे गुरु, कानिङे़ॽ लेन्‍डुङ्‌मे़ हे़न चाइबमा खा इःन्‍डुएनुङ निवाहाङ्‌मि चाइबमा राम नुरोॽ इःॽइये, हे़ने़ॽ इघा खा इःॽमाबेॽ याॽमिजिडे़ॽ इमा लुम्‍मे लुनुङ असानुङ्‌सो किस्‍सिनिबा। इन्‍ढोङ्‌होङ हे़ने़ॽ याॽमिजिमि याबुक खाङ्‌नुङ योम्‍बोक ले़टुनिबा।

मत्‍ति 23:7

हाटाराजि वाइमाबेॽ याॽमिजिडे़ॽ खोजि आदरनुङ सेवा मुबॽआ, मोबा गुरु लुबॽआ नेन्‍जोन्‍डुजे।

मत्‍ति 23:8

“तर हे़निङ असे़ॽसो ‘गुरुज्‍यु’ मे़लुमिरो, इन्‍ढोङ्‌होङ हे़निङ्‌गो सानुङ्‌उजिगोरे। हे़निङ्‌मि गुरुगो इगो मक्‍खाम्‍डेमबेॽ इक्‍कोरेॽनोॽ टुये।

मरकुस 12:14

माहाजि येसुबेॽ लेन्‍नुङ इडोॽ लुसुजि, “हे गुरु, कानिङे़ॽ लेन्‍डुङ्‌मे़ हे़ने़ॽ रेम्‍देडुनिबा। याॽमिजिडे़ॽ इमाङ लुम्‍मे लुनुङ्‌सो खा इःसुनिबा। चोप खालहा याॽमिजिनुङ इक्‍कोनोॽ बेबहार ले़न्‍डुहा। निवाहाङ्‌मि चाइबमा राम नुरोॽ इःॽखुबा ले़ये। मोडोगे़ॽ कानिङ लुमा यहुदि धारमिक नियमडोॽ कैसर मे़क्‍चेन फोङ्‌मा नुयेन्‍डे फे़न्‍निबा ?

युहन्‍ना 1:38

येसुडे़ॽ ए़ङ्‌गुवाराम हिङ्‌घे़ॽनुङ खाङ्‌माबेॽ माहाजि खोबेॽ आप्‍मे़ॽनिङ्‌सिबॽआ खाङ्‌नुङ माहाजि सिप्‍सुजि, “हे़निङे़ॽ इमा योक्‍मे़ॽनिङ्‌सिन्‍डानुमे ?” माहाजिडे़ॽ खो लुसुजि, “गुरु, हे़न हाम्‍बेॽ पेङ्‌इये ?”

युहन्‍ना 10:38

तर काबेॽ बिस्‍वास ले़टानुम्‍नेहोङ्‌सो के़ॽ ले़ःॽपॽआ योम्‍बोक खाङ्‌नुङ्‌गो बिस्‍वास ले़टानुमे। माहा योम्‍बोकबाङ्‌सो पाबा काबेॽ टुयेनुङ का पाबाबेॽ टुङे लुमे खा हे़निङे़ॽ लेहेन्‍डानुमे।”

युहन्‍ना 12:37

येसुडे़ॽ माहाजिमि पोम्‍बेॽ मोढे़ॽलो खरिहा योम्‍बोक ले़टु, तरसो माहाजिडे़ॽ खोबेॽ बिस्‍वास मे़ले़टुजि।

युहन्‍ना 14:10

का पाबाबेॽ टुङे, पाबा काबेॽ टुये लुनुङ इमा हे़निङे़ॽ बिस्‍वास ले़टानुम्‍ने ? के़ॽ हे़निङ लुबॽआ बचन काङ्‌मि निवाबाङ लुबॽआ ने़ॽनि, तर काबेॽ टुघुबा पाबाडे़ॽ खोमि योम्‍बोक काबाङ ले़ःॽमे़ॽनिङ्‌सिन्‍डुए।

युहन्‍ना 15:24

के़ॽ हाइखा असे़ॽसो मे़ले़ःॽहेबॽआ खरिहा योम्‍बोक माहाजिमि रुम्‍बेॽ मे़ले़ःॽपॽआ ले़टाहोङ खोजि पापमि आप्‍टिकनुङ्‌मा मे़लिसामे। तर हागो के़ॽ ले़ःॽपॽआ खरिहा योम्‍बोक अक्‍खाजिडे़ॽ खाङ्‌नुङ्‌सो कानुङ काङ्‌मि पाबा सिॽचाटामे।

युहन्‍ना 2:11

येसुडे़ॽ ले़ःॽपॽआ खरिमा योम्‍बोकपेॽ इगो चोप्‍पाङ याक्‍लोमा योम्‍बोक गालिलमि काना सहरबेॽ ले़ःॽपॽआ ले़टे़। इडोक्‍मा खरिमा योम्‍बोकबाङ खोसे़ॽ टाङ्‌बामि महिमा खाङ्‌मुसु। इगो खाङ्‌नुङ खोमि चोङ्‌साजिडे़ॽ खो निवाहाङ्‌मि पसा ले़ए लुनुङ छना बेॽलो बिस्‍वास ले़टुजि।

युहन्‍ना 20:16

येसुडे़ॽ मरियम लुसु, “मरियम!” मोबा खोसे़ॽ हिङ्‌घे़ॽनुङ हिब्‍रु खाप्‍लाबाङ लुसु, “रब्‍बोनि!” (इगो लुबॽआ “हे गुरुज्‍यु!”)

युहन्‍ना 3:26

युहन्‍नाबेॽ लेन्‍नुङ माहाजिडे़ॽ खो लुसुजि, “गुरु, यरदन होङ्‌मामि मेॽयरेङ हे़ननुङ इक्‍को याॽमि टुसे़न्‍डि, खोमि टुम्‍बेॽ हे़ने़ॽ साक्‍छि पिसुए, खाक्‍से, खोसे़ॽ बप्‍तिस्‍मा पिमे़ॽनिङ्‌सिन्‍डुए, चोप याॽमिजि खोबेॽरेॽ खे़ॽमे़ॽनिङ्‌सिम्‍मि।”

युहन्‍ना 4:31

मोडोक्‍पेॽनोॽ चोङ्‌साजिडे़ॽ येसु चामे खा पिसाङ लुसुजि, “गुरु, चामा चोसे।”

युहन्‍ना 5:36

“युहन्‍नानुङ टुये गबाहिबाङ्‌सो बेॽए गबाहि कानुङ टुये। इन्‍ढोङ्‌होङ पाबाडे़ॽ का ले़ःॽमेॽपआ योम्‍बोक के़ॽ ले़ःॽमे़ॽनिङ्‌सिनुङे। इघा योम्‍बोकडे़ॽनोॽ के़ए़ टुम्‍बेॽ साक्‍छि पिमे़ॽनिङ्‌सिन्‍डुए, मोबा पाबाडे़ॽनोॽ का पाङ्‌बॽआ लुनुङ्‌सो लेमेये।

युहन्‍ना 6:2

बेॽलो याॽमिजि येसुमि ए़ङ्‌गुवा ए़ङ्‌गुवा खडामि, इन्‍ढोङ्‌होङ खोसे़ॽ टुक्‍खुबा याॽमिजिबेॽ ले़ःॽपॽआ खरिहा योम्‍बोक माहा याॽमिजिडे़ॽ खाङ्‌बॽआ ले़टे़।

युहन्‍ना 7:31

तर मोबेॽहा बेॽलो याॽमिजिडे़ॽ येसुबेॽ बिस्‍वास ले़टुजि। मोबा माहाजिडे़ॽ लुसुजि, “इमा मुक्‍तिदाङ्‌बा खिरिस्‍ट लेम्‍माबेॽ इगो याॽमिडे़ॽ ले़ःॽपॽआ योम्‍बोकबाङ्‌सो बेॽलो खरिहा योम्‍बोक खोसे़ॽ ले़न्‍डुहा ?”

युहन्‍ना 9:16

फरिसिजिबेॽ इक्‍को निप्‍पाङे़ॽ लुसुजि, “आक्‍को याॽमि निवाहाङ्‌बाङ लेम्‍बॽआ ने़ॽनि, इन्‍ढोङ्‌होङ आक्‍कोसे़ॽ नाजामे याक नेडुनि।” तर आढाजिडे़ॽ लुसुजि, “इन्‍डोक्‍टे पापि याॽमिडे़ॽ खरिहा योम्‍बोक ले़ःॽहेन्‍डुहा ?” खोजिमि रुम्‍बेॽ खा मे़न्‍टोक्‍सा।

एप्‍पा चोङ्‌सा 10:38

निवाहाङ्‌डे़ॽ नासरतबेॽए येसु पबित्‍रा होङ्‌निवामि सक्‍ति पिसु। मोबा खोनुङ निवाहाङ टुबॽआसे़ॽ खोसे़ॽ याॽमिजि भलाइमि योम्‍बोकनुङ सैतानडे़ॽ चुङ्‌जाबॽआजि नुबोक्‍साङ चोपराजि राम्‍डुसा।

एप्‍पा चोङ्‌सा 2:22

“होउ इस्‍राएलिजि, इगो खा हे़निङे़ॽ खेप्‍सानुमे। येसुबाङ निवाहाङ्‌डे़ॽ खरिहानुङ सक्‍तिनुङ्‌हा योम्‍बोक हे़निङ्‌मि रुम्‍बेॽ ले़ःॽपॽआगो, हे़निङे़ॽ लेन्‍डानुमे। माहा चिङ्‌गाबाङ निवाहाङ्‌डे़ॽनोॽ येसु पाङ्‌इटुए लुनुङ पक्‍का ले़ःॽपेटुए।

फिलिप्‍पि 1:14

मोबा के़हा बेॽलो वावानिसाजि का से़क्‍सिघे़ॽमाबेॽ खोजि परभुबेॽ बोलियो लिटामे, मोबा मे़ङकिस्‍सिरेॽ निवाहाङ्‌मि बचन खेम्‍मेॽमामि लागि आँटिलो लिटामे।