युहन्‍ना 3:16 - याम्फु

¹⁶ इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि इडोॽ बेॽलो नम्‍नम ले़ःॽपॽआसे़ॽ खोमि इक्‍कोमा पसासो खोजिमि लागि पाक्‍सु। मोडोगे़ॽ खोमि पसाबेॽ बिस्‍वास ले़ःॽखुबाजि असासो नासि मे़ल्‍लिमिरो, तर खोजि चोबे़ॽ ए़स्‍सिमे हिङ्‌मवा चुप्‍टुजिरो।

युहन्‍ना 3:16 Iomraidhean Croise

मत्‍ति 9:13

तर इगोबाङ खे़ॽनुङ इगो खाडे़ॽ लुबॽआ इमाङ्‌डे लुमे खा धारमिक नेॽचिराबाङ लेसानुमे। ‘भोग पिबॽआ ने़ॽनि, हे़निङे़ॽ नम्‍नावा ले़ःॽपॽआ के़ॽ नेन्‍जानुङे।’ इन्‍ढोङ्‌होङ का धरमिजिमि लागि ने़ॽनि, तर पापिजि हिङ्‌मवा पिसिॽ लेङ्‌इटिङे।”

मरकुस 12:6

“हागो चोप्‍पा ए़क्‍साङ मो सोङ्‌रादाङ्‌बामि नम्‍नम ले़ःॽपॽआ इक्‍कोमा पसा टुसे़, काङ्‌मि ‘पसागो मोहिजिडे़ॽ नुरोॽ ले़न्‍डुजि’ होला मिॽनुङ चोप्‍पाङ ए़क्‍साङ मोहिजिबेॽ पाक्‍सु।

लुका 2:14

“चोप्‍पाङ मिन्‍डु थाङ्‌सिरिबेॽ पेङ्‌घुबा निवाहाङ्‌मि ओहाङ मोबा मक्‍खाम्‍डेमबेॽ हाम्‍भा याॽमिजिनुङ निवाहाङ साप्‍थाङ्‌इये खोजिडे़ॽ सान्‍ति चुप्‍टुजिरो।”

युहन्‍ना 1:14

बचन चाहिँ हिङा लिसा मोबा सत्यातानुङ अनुग्‍रहाडे़ॽ पुरा लिनुङ कानिङ याॽमिजिनुङ सोरि हिक्‍सा। कानिङे़ॽ खोमि महिमा खाङ्‌डोक्‍टुङ्‌मा, मो महिमा पाबाबाङ लेम्‍बॽआ इक्‍कोमा पसामिडोक्‍मा ले़टा।

युहन्‍ना 1:18

निवाहाङ असे़ॽसो आयुरो इन्‍डोक्‍पेॽसो मे़ङ्‌खाङ्‌डिॽ, तर खोमि इक्‍कोमा पसानोॽ, निवाहाङ ले़ये मोबा खो निवाहाङ पाबानुङ सोरि पेङ्‌इये। पसे़ॽनोॽ कानिङ निवाहाङ खाङ्‌मुसा।

युहन्‍ना 1:29

वागियाराम युहन्‍नाडे़ॽ येसु खोबेॽ आप्‍मे़ॽनिङ्‌सिबॽआ खाङ्‌डोक्‍नुङ लुसु, “खाक्‍सानुमे, मक्‍खाम्‍डेमबेॽहा याॽमिजिमि पाप खिघे़ॽखुबा निवाहाङ्‌मि थुमा!

युहन्‍ना 10:28

माहाजि के़ॽ ए़ॽसिमे हिङ्‌मवा पिनुङ्‌हाजि। मोबा खोजि इन्‍डोक्‍पेॽसो नासि लिमिनेनुङ असे़ॽसो काबाङ खोजि ङाप्‍खे़ॽहेसुजिने।

युहन्‍ना 3:15

मोडोगे़ॽ असा असे़ॽ खोबेॽ बिस्‍वास ले़न्‍डुजे, मोसे़ॽ ए़स्‍सिमे हिङ्‌मवा चुप्‍मिन्‍डुए।

युहन्‍ना 3:18

असे़ॽ खोबेॽ बिस्‍वास ले़न्‍डुए, खो आप्‍टिकनुङ्‌मा लिनिबा, तर खोबेॽ बिस्‍वास मे़ले़ःॽखुबाजि चोप आप्‍टिकनुङ्‌मा लिबेटामे, इन्‍ढोङ्‌होङ खोजिडे़ॽ निवाहाङ्‌मि पसाबेॽ बिस्‍वास मे़ले़ःॽटिॽटुजि।

युहन्‍ना 3:36

असे़ॽ निवाहाङ्‌मि पसाबेॽ बिस्‍वास ले़न्‍डुए खोसे़ॽ ए़ॽसिमे हिङ्‌मवा चुप्‍मिन्‍डुए, तर असे़ॽ पसामि खा खेप्‍सुने मोसे़ॽ ए़स्‍सिमे हिङ्‌मवा चुप्‍टुनेनुङ खोसोक्‍पेॽ निवाहाङ्‌मि दन्‍डा सानिङ सिॽइये।

युहन्‍ना 6:40

इन्‍ढोङ्‌होङ के़ए़ पाबाडे़ॽ मिॽपॽआ चाहिँ इडोॽ ले़ये, पसा खाङ्‌खुबानुङ खोबेॽ बिस्‍वास ले़ःॽखुबाजि चोबे़ॽ ए़ॽसिमे हिङ्‌मवा चुप्‍टुजिरो, मोबा के़ॽ माहाजि मक्‍खाम्‍डेममि ए़क्‍साङ्‌ए याकपेॽ सिघे़ॽपॽआबाङ हिङ्‌बोइनुङ्‌हाजि।”

रोमि 5:10

इन्‍ढोङ्‌होङ कानिङ निवाहाङ्‌मि सतुर ले़ःॽमाबेॽनोॽ खोमि पसा खिरिस्‍टमि बलिबाङ निवाहाङ्‌नुङ कानिङ चुप्‍मिटिङ्‌मे़, चइबानोॽ हागोगो कानिङ खोमि याॽमि लिबॽआसे़ॽ खोसे़ॽ कानिङ रच्‍छे ले़ये।

रोमि 5:8

तर निवाहाङ्‌डे़ॽ खोमि नम्‍नम कानिङ्‌मि लागि इडोॽ खाङ्‌मुसु, कानिङ पापि टुमाबेॽनोॽ खिरिस्‍ट कानिङ्‌मि लागि सिबेॽटा।

रोमि 8:32

निवाहाङ्‌डे़ॽ खोमि इक्‍कोमा पसानोक्‍सो मे़युङ्‌रेॽ कानिङ्‌मि लागि खो पिबेसा, इमा खोसे़ॽ कानिङ्‌मि लागि येसुनुङ सोरि चोप थोकसो पिनिबाडे ?

एफिसि 2:4

तर निवाहाङ सारोनोॽ नम्‍नावादाङ्‌बा ले़येन्‍से़ॽ कानिङ बेॽलोनोॽ नम्‍नम ले़टा।

२ थेस्‍लोनिकि 2:16

कानिङ्‌मि परभु येसु खिरिस्‍टडे़ॽनुङ पाबा निवाहाङ्‌डे़ॽ कानिङ नम्‍नम ले़टा मोबा खोमि अनुग्‍रहाबाङ इन्‍डोक्‍पेॽसो रुक्‍खे़ॽनिहा आसानुङ हौसला पिसा।

तितस 3:4

तर इन्‍डोक्‍पेॽ, कानिङ्‌मि मुक्‍ति पिघुबा निवाहाङ्‌मि नम्‍नावानुङ नम्‍नम खाङ्‌मुसा।

हिब्‍रु 2:9

तर कानिङे़ॽ थाङ्‌सिरिदुतजिबाङ येसु इॽछोॽमि लागि ए़डेम्‍मा लिबॽआ लेटुङ्‌मे़। निवाहाङ्‌मि अनुग्‍रहाडे़ॽ येसु चोप याॽमिजिमि लागि सिसा। खो चोपमि लागि बलि लिबॽआसे़ॽ खोसे़ॽ महिमानुङ आदरमि मुकुट चुप्‍टु।

१ युहन्‍ना 3:1

खाक्‍सानुमे, पाबाडे़ॽ कानिङ इन्‍डोक बेॽलो नम्‍नम ले़ए़टे़, खोमि नम्‍नमडे़ॽ कानिङ निवाहाङ्‌मि पसाजि लुनुङ लेम्‍मे, चइबानोॽ खोमिन्‍नोॽ पसाजिनोॽ ले़न्‍डिङ्‌मा। मक्‍खाम्‍डेमबेॽहा याॽमिजिडे़ॽ निवाहाङ मे़लेसुजि मोडोगे़ॽ कानिङ्‌सो लेमिनेबा।

१ युहन्‍ना 4:19

निवाहाङ्‌डे़ॽ याक्‍लो कानिङ नम्‍नम ले़ःॽपॽआसे़ॽ कानिङे़ॽसो नम्‍नम ले़न्‍डुङ्‌मा।

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।