2 येसुनुङ खोमि चोङ्साजिसो मो फुङ्सयाबेॽ के़ःॽपॽआ ले़टामे।
खो खिमासो योक्निबा, वोमासो वोनिबा, खो काबॽआ मरामराजि असे़ॽसो खेप्सुजिने।
मोबा हाङ्बाडे़ॽ हे़निङ लुये, ‘चइबानोॽ, के़ॽ हे़निङ लुनिम्ने़, हे़निङे़ॽ इघा के़हा निसाजिबेॽ चोप्पाङ ए़डे़म्मा निसारेॽनोॽ इन्डोक सेवा ले़टानुम, माहा चोप हे़निङे़ॽ कानोॽ ले़टानुम।’
मोडोक्पेॽ खोसे़ॽ माहाजि लुन्डुजे, ‘चइबानोॽ, के़ॽ हे़निङ लुनिम्ने़, इघा चोप्पाङ ए़डे़म्मा निसाजिबेॽ इक्कोमि लागिसो इमाङ मे़ले़टानुम, मो कानोॽ हे़निङे़ॽ मे़ले़टानिङ।’
काना सहरमि फुङ्सया ए़क्साङ येसु खोमि मामा, निसाजिनुङ चोङ्साजि सोरि कफनरहुम सहरबेॽ खे़ॽनुङ मोबेॽनोॽ इक्याक नियाक पेना।
मोडोक्पेॽ खोमि चोङ्सजिडे़ॽ धारमिक नेॽचिराबेॽ साप्पॽआ इगो खा मिॽटोक्टुजि, “हे़ने़ए़ खिममि लागि के़ए़ जोस का होङ्सिॽयु मिडोक्नोॽ हाङ्इये।”
ए़क्साङ येसु सिबॽआबाङ सुम याकपेॽ हिङ्बोगा मोडोक्पेॽ येसुडे़ॽ लुबॽआ इगो खा खोमि चोङ्साजिडे़ॽ मिडुजि, माहाजिडे़ॽ धारमिक नेॽचिराबेॽ साप्पॽआ खानुङ येसुडे़ॽ लुबॽआ बचनबेॽ बिस्वास ले़टुजि।
अङ्गुरमि मद्य रुक्खे़ॽपॽआसे़ॽ येसुमि मामाडे़ॽ येसु लुसु, “अक्खाजिनुङ अङ्गुरमि मद्य रुॽखे़टहा।”
मोबा ए़क्साङ येसुनुङ खोमि चोङ्साजि यहुदिया ठाउँबेॽ खडामि, मोबेॽ खोजिनुङ इक्याक नियाक पेन्नुङ बप्तिस्मा लासु।
(चाइबमा खा चाहिँ येसु खोमदाङ्बे़ॽ बप्तिस्मा मे़म्पिसुजे, इगो योम्बोक खोमि चोङ्साजिडे़ॽ ले़टुजे।)
मोडोगे़ॽ चोङ्साजि कासामि, “असे़ॽ खो चामे खा लाघिॽटुजे ?”
मोडोक्पेॽ येसुरेॽ मोबेॽ टुसे़ इन्ढोङ्होङ खोमि चोङ्साजि चाहिँ चामे खा इन्सिॽ सहरबेॽ खे़ॽपॽआ ले़टामे।
माहाजिडे़ॽ चासे़ॽनुङ ए़क्साङ येसुडे़ॽ टाङ्बामि चोङ्साजि लुसुजि, “एम्बॽआ हे़ॽवाया इःगानुमे, ए़डे़ॽवासो खेरो ए़राप्पेसानुमे।”
युडा लिनुङ ए़क्साङ येसुमि चोङ्साजि माहोङ्मामि के़क्पेॽ खडामि।
इगो खा खेम्नुङ खोमि चोङ्साजिबेॽ बेॽलोडे़ॽ लुसुजि, “इगो बचन खेम्मा छॽइये, असे़ॽ इगो लेहेन्डुए ?”
मोबा इगो याकबाङ ए़क्साङ येसुमि चोङ्साजिबेॽ बेॽलो जना ए़ङ्गुवाराम सेनामि, मोबा येसुनुङ राम्मा लेडुजि।
येसुडे़ॽ खोमि बारो जना चोङ्साजि सिप्सुजि, “इमा हे़निङ्सो का याॽयानुङ खे़ॽए़न्डानिङे ?”
येसुडे़ॽ माहाजि लुसुजि, “इमा काङ्दाङ्बे़ॽ हे़निङ बारो जना से़म्बॽआ ने़ॽनेन्डे ? तरसो हे़निङ्बेॽ इक्को चाहिँ सैतानमि याॽमि ले़ये।”
इगो खा सिमोन इस्करियोतमि पसा यहुदामि टुम्बेॽ लुबॽआ ले़टे़। इन्ढोङ्होङ येसुमिन्नोॽ बारो जना चोङ्साजिबेॽ यहुदाडे़ॽ इॽछोॽ ए़क्साङ येसु धोका पिसिॽ पोरोक्पॽआ ले़टे।
येसुमि चोङ्सा सिमोन पत्रुसमि निसा अन्दरियासडे़ॽ लुसु,
मोडोगे़ॽ येसुमि निसाजिडे़ॽ खो लुसुजि, “इगो ठाउँ याःॽयानुङ यहुदियाबेॽ खडे। हे़ने़ॽ ले़ःॽटिङ्बॽआ खरिहा योम्बोक मोबेॽ हे़ने़हा चोङ्साजिडे़ॽसो खाङ्डोगुजिरो।
खोसे़ॽ सावल मोबेॽ चुप्नुङ एन्टिओखिया सहरबेॽ चिक्चे़डु। खोजिडे़ॽ इक निङ्डोॽ एन्टिओखियामि मन्डलिबेॽहा याॽमिजिनुङ सेवा ले़ःॽसाङ बेॽलो याॽमिजि इःडुजि। बिस्वासिजि एन्टिओखियाबेॽनोॽ चोप्पा याक्लो “खिरिस्टियन” लुबॽआ ले़टे़।
अगाबसमि इगो खा खेम्नुङ एन्टिओकबेॽहा परभुमि चोङ्साजिडे़ॽ खोजिडे़ॽ पिहेरो भेटि सहायोग यहुदियाबेॽ पेङ्घुबा वावानिसाजि पिमे निवा ले़टुजि।
मोडोगे़ॽ हे़निङे़ॽ चामाबेॽसो, उङ्माबेॽसो अथबा इमाङ ले़ःॽमाबेॽसो माहा चोपनोॽ निवाहाङ्मिनोॽ महिमामि लागि ले़टानुमे।
बनिबा हिङ्रो हाइकोनुङ फुङ्सया ले़टोक्टुनिबा। तर बनिबा सिघे़ॽहोङ खोसे़ॽ नेन्जाबॽआ असा याॽमिनुङ्होङ्सो फुङ्सया ले़हेन्डुए। तर मो याॽमि चाहिँ परभुबेॽ बिस्वास ले़ःॽखुबानोॽ लिमा खे़ये।
हे़निङे़ॽ इमाङ ले़न्डानुमे, इमाङ इःन्डानुमे माहा चोप परभु येसुमि निङ्बेॽनोॽ ले़टानुमे, मोबा खोबाङ्नोॽ निवाहाङ पाबा ओहाङ पिसानुमे।
फुङ्सयामि बन्धन चाहिँ चोपमि पोम्बेॽ आदरनुङ्मा टुमा खे़ये। बनिबानुङ बनिमामि रुम्बेॽ इक्कोसे़ॽ हाइकोमि बिस्वासबेॽ पेम्मा खे़ये। इन्ढोङ्होङ छाडा याॽमि लिनुङ हाइखामि बनिमा बनिबाजिनुङ बेभिचार ले़ःॽखुबाजि निवाहाङ्डे़ॽ दन्डा पिन्डुजे।
खेप्सानुमे, का राम्डेमबेॽ येःप्नुङ ढकढक रोःइनुङे। सेम्ला खेम्नुङ राम्डेम हेनानुमहोङ का होङ्सिॽयु लेङ्इङे़, हे़निङ्नुङ सोरि पेन्नुङ चामा चाङे, मोबा हे़निङ्सो कानुङ सोरि पेन्नुङ चान्डानुमे।
