युहन्‍ना 17:3 - याम्फु

³ ए़ॽसिमे हिङ्‌मवा लुबॽआ चाहिँ हे़न इक्‍कोरेॽ चाइबमा निवाहाङ लुनुङ लेमा, मोबा हे़ने़ॽ पाङ्‌बॽआ येसु खिरिस्‍ट लेमानोॽ ले़ये।

युहन्‍ना 17:3 Iomraidhean Croise

मरकुस 9:37

“असे़ॽ काङ्‌मि निङ्‌बेॽ इडोक्‍हा ओङे़कजि स्‍वागत ले़न्‍डुए मोसे़ॽ कानोॽ स्‍वागत ले़ये, का स्‍वागत ले़ःॽखुबे़ॽ का पाङ्‌खुबा पाबानोॽ स्‍वागत ले़न्‍डुए।”

लुका 9:48

मोबा येसुडे़ॽ खोम चोङ्‌साजि लुसुजि, “खेप्‍सानुमे, असा असे़ॽ के़ए़ निङ्‌बेॽ इडोक्‍हा पिच्‍छाजि नम्‍नम ले़न्‍डुजे मोसे़ॽ कासो नम्‍नम ले़ये। मोबा का नम्‍नम ले़ःॽखुबे़ॽ का पाङ्‌घुबा निवाहाङ पाबासो नम्‍नम ले़न्‍डुए। हे़निङ्‌मि रुम्‍बेॽ असा चोप्‍पाङ ए़डे़म्‍मा लिये, मोनोॽ चोप्‍पाङ बेॽएम्‍मा लिये।”

युहन्‍ना 10:36

तर का चाहिँ पाबाडे़ॽ पबित्‍रा टोङ्‌नुङ खोमि योम्‍बोक पुरा ले़ःॽसिॽ इगो मक्‍खाम्‍डेमबेॽ पाङ्‌इटिङे। मोबा ‘का निवाहाङ्‌मि पसा ले़ङे’ लुमाबेॽ इन्‍डोक्‍टे निवाहाङ सिःक्‍चाबॽआ लुन्‍डानिङे ?

युहन्‍ना 11:42

के़ॽ लेनुङे़, हे़ने़ॽ काङ्‌मि बिन्‍ति सानिङ खेम्‍इन्‍डुए। हे़ने़ॽनोॽ का पाङ्‌बॽआ लुनुङ इगोबेॽ टुघुबा चोबे़ॽ बिस्‍वास ले़टुजिरो लुनुङ इगो खा लुनुङे।”

युहन्‍ना 14:26

तर पाबाडे़ॽ काङ्‌मि निङ्‌बेॽ पबित्‍रा होङ्‌निवा हे़निङ्‌बेॽ पाङ्‌इन्‍डुए, खोसे़ॽनोॽ हे़निङ चोप खा इःबेये मोबा के़ॽ लुबॽआ चोप खा हे़निङ मिॽमा राप्‍मिये।

युहन्‍ना 17:18

हे़ने़ॽ का मक्‍खाम्‍डेमबेॽ पाङ्‌बॽआडोक्‍नोॽ के़ॽसो खोजि मक्‍खाम्‍डेमबेॽ पाङ्‌इटुङ्‌हाजि।

युहन्‍ना 17:21

माहाजि चोप इक्‍को निवा लिमिरो लुनुङ बिन्‍ति ले़न्‍ने़। हे पाबा, का हे़नबेॽनुङ, हे़न काबेॽ टुनुङ कानिङ इक्‍को लिडिडोॽ, खोजिसो कानिङ्‌बेॽ टुनुङ इक्‍कोनोॽ लिमिरो। मोबा हे़ने़ॽनोॽ का इगो मक्‍खाम्‍डेमबेॽ पाङ्‌इटिङे लुनुङ मक्‍खाम्‍डेमबेॽहा याॽमिजिडे़ॽसो बिस्‍वास ले़टुजिरो।

युहन्‍ना 17:23

का माहाजिबेॽ मोबा हे़न काबेॽ टुङे, मोडोक्‍नोॽ माहाजिसो चोप इक्‍को लिहेमिरो। इगो खाबाङ्‌नोॽ हे़ने़ॽ का इगो मक्‍खाम्‍डेमबेॽ पाङ्‌इटे़नुङ हे़ने़ॽ का नम्‍नम ले़ःॽटिडोक्‍नोॽ खोजिसो नम्‍नम ले़न्‍डुए लुनुङ मक्‍खाम्‍डेमबेॽहा याॽमिजिडे़ॽ लेसुजिरो।

युहन्‍ना 17:25

“हे धारमिक पाबा, मक्‍खाम्‍डेमबेॽहा याॽमिजिडे़ॽ हे़न लेमिनिबा, तर के़ॽ हे़न लेन्‍ने़। मोबा हे़ने़ॽ का पाङ्‌बॽआ लुनुङ इघा चोङ्‌साजिडे़ॽ लेन्‍डुजे।

युहन्‍ना 17:8

इन्‍ढोङ्‌होङ हे़ने़ॽ का पिबॽआ सिक्‍छेनोॽ के़ॽ खोजि पिटुङ्‌हाजि, मोबा मो सिक्‍छेबेॽ खोजिडे़ॽ बिस्‍वास ले़ए़टुजे। का चइबानोॽ हे़नबाङ लेम्‍बॽआ लुनुङ खोजिडे़ॽ लेटुजे, मोबा हे़ने़ॽनोॽ का पाङ्‌बॽआ लुनुङ खोजिडे़ॽ बिस्‍वास ले़ए़टुजे।

युहन्‍ना 3:17

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि आप्‍टिकनुङ्‌मा टोङ्‌मामि ने़ॽनि, तर माहाजि हिङ्‌माराप्‍सिॽ खोमि पसा पाक्‍सु।

युहन्‍ना 3:34

निवाहाङ्‌डे़ॽ पाङ्‌बॽआ असा ले़ये, मोसे़ॽ निवाहाङ्‌मिन्‍नोॽ खा इःन्‍डुहा इन्‍ढोङ्‌होङ निवाहाङ्‌डे़ॽ खो खोमि होङ्‌निवा के़ॽलो पिन्‍डुए।

युहन्‍ना 5:44

हे़निङ इक्‍कोसे़ॽ हाइकोबाङ आदर योॽइन्‍डानुमे तर निवाहाङ्‌बाङ चुप्‍मिये आसिस नेन्‍जासानुम्‍निहोङ हे़निङे़ॽ इन्‍डोक्‍टे बिस्‍वास ले़ःॽहेन्‍डानुमे ?

युहन्‍ना 6:57

हिङ्‌रिक पाबाडे़ॽ का पाक्‍सिङ, मोडोगे़ॽ का पाबाडे़ॽ ले़ःॽमे़ॽ हिङ्‌इङे, मोडोक्‍नोॽ का चाघुबाजिसो काङ्‌मि कारनडे़ॽ हिङ्‌इम्‍मे।

युहन्‍ना 7:29

तर के़ॽ खो लेनुङे़, इन्‍ढोङ्‌होङ कागो खोसे़ॽ पाङ्‌नुङ लेङ्‌इटिङे।”

युहन्‍ना 8:19

माहाजिडे़ॽ येसु सिप्‍सुजि, “हे़ने़ए़ पाबा हाम्‍बेॽ टुये ?” येसुडे़ॽ लुसुजि, “हे़निङे़ॽ ना का लेन्‍डानिङे ना काङ्‌मि पाबा लेन्‍डानुमे। हे़निङे़ॽ का लेसानिङ्‌होङ काङ्‌मि पाबासो लेसानुम होला।”

१ कोरिन्‍थि 15:34

होसियार पेम्‍मा खे़ये, इगो खा चाहिँ नुबा ले़ये हागोएम्‍बाङ पाप ए़ले़टानुमे। हे़निङ्‌बेॽ इन्‍डोक जनाडे़ॽको निवाहाङ्‌नोॽ मे़लेडिॽटानुमे। हे़निङ नेम्‍माबेॽ सिॽमेॽमामि लागिनोॽ के़ॽ इगो खा लुनिम्‍ने़।

१ कोरिन्‍थि 8:4

हागो मुरतिबेॽ चेॽटिबॽआ थोकमि टुम्‍बेॽ खा इःमाबेॽ हे़निङे़ॽ लुडिडोॽ “मक्‍खाम्‍डेमबेॽहा मुरति इमाङ्‌सो ने़ॽनिहा” मोबा “इक्‍कोरेॽनोॽ निवाहाङ टुये, खोबाङ हाइको निवाहाङ माॽआये” लुमे खा कानिङे़ॽ लेन्‍डुङ्‌मे़।

२ कोरिन्‍थि 4:6

“सेन्‍जुगुपमि रुम्‍बेॽ जोति लिरो” लुघुबा निवाहाङ्‌डे़ॽनोॽ खोमि जोति कानिङ्‌मि निवाबेॽ युङ्‌बेटे़। मो जोतिबाङ निवाहाङ इन्‍डोक बेॽलो ओहाङ्‌नुङ्‌मा ले़ये लुमे खा कानिङे़ॽ लेन्‍डुङ्‌मे़। चइबानोॽ मो जोति चाहिँ येसु खिरिस्‍टबाङ खाङ्‌मुटे़।

फिलिप्‍पि 3:10

के़ॽ खिरिस्‍टनुङ खो हिङ्‌बोक्‍मे सक्‍ति लेहेमा, खोसे़ॽ आङ्‌बॽआ खेः आङ्‌मानुङ खोमि सिमवाठोक खोडोक्‍नोॽ लिमा मिङ्‌इङे।

फिलिप्‍पि 3:8

चइबानोॽ लुमाबेॽ खिरिस्‍ट येसु काङ्‌मि परभु लेडोक्‍मा चोप्‍पाङ बेॽए खा ले़ये, इगो खामि पोम्‍बेॽ हाइखा चोप थोक के़ॽ योम्‍बोक मे़ॽनिङ्‌हा मिॽइनुङे। खिरिस्‍टमि लागिनोॽ के़ॽ चोप थोक लेॽपेटुङ्‌हा मोबा खो नुरोॽ लेहेमा लुनुङ्‌नोॽ हाइखा चोप थोक से़क्‍चिबाडोक्‍नोॽ मिॽइनुङ्‌हा।

१ थेस्‍लोनिकि 1:9

इन्‍ढोङ्‌होङ हे़निङ्‌बेॽ लेम्‍माबेॽ कानिङ बेॽलो नुरोॽ स्‍वागत ले़टानिङ, मोबा मङे़हा चापजिमि साम्‍माङ ले़ःॽमा लेॽनुङ चाइबमा निवाहाङ्‌लाम टेआप्‍नुङ खोमि चोङ्‌सा लिसानिङ। इघा चोप खामि टुम्‍बेॽ माहा याॽमिजिडे़ॽनोॽ लुटामे।

२ थेस्‍लोनिकि 1:8

मोबा निवाहाङ मे़लेघुबाजिनुङ कानिङ्‌मि परभु येसुमि सुसमाचार मे़ङ्‌खेम्‍खुबाजि खो मिमि राप्‍लवाबेॽ लेन्‍नुङ दन्‍डा पिन्‍डुजे।

हिब्‍रु 3:1

मोडोगे़ॽ निवाहाङ्‌डे़ॽ से़म्‍बॽआ पबित्‍रा वावानिसानुङ नानुसाजि, निवाहाङ्‌डे़ॽ पाङ्‌बॽआ पसानुङ चोप्‍पाङ एप्‍पा याडाङ्‌बा लुनुङ कानिङे़ॽ बिस्‍वास ले़ःॽपॽआ येसुबेॽ निवा टिसानुमे।

२ पत्‍रुस 1:2

निवाहाङडे़ॽ हे़निङ बेॽलो बेॽलो अनुग्‍रहानुङ सान्‍ति पिरो। इन्‍ढोङ्‌होङ हे़निङे़ॽ निवाहाङ्‌मिनुङ कानिङ्‌मि परभु येसु खिरिस्‍ट लेटानुमे।

२ पत्‍रुस 1:3

धरमि हिङ्‌मवा हिङ्‌मामि लागि पाप्‍मिहा चोप खा निवाहाङ्‌मि सक्‍तिबाङ्‌नोॽ चुप्‍मिटुङ्‌मे, इन्‍ढोङ्‌होङ टाङ्‌बामि महिमानुङ भलाइबाङ कानिङ के़ःक्‍खुबा निवाहाङ कानिङे़ॽ लेटुङ्‌मे।

२ पत्‍रुस 1:8

इन्‍ढोङ्‌होङ हे़निङ्‌बेॽ टुमा खे़हा खा इघा ले़हा। इडोॽ कानिङ्‌मि परभु येसु लेबॽआसे़ॽ बेॽलो योम्‍बोक ले़ःॽखुबाजिनुङ नुबा चा किङ्‌घुबा डाङ लिन्‍डानिङे।

१ युहन्‍ना 1:2

मो हिङ्‌मवा कानिङ्‌मि रुम्‍बेॽ लेस्‍सा, कानिङे़ॽ मो खाङ्‌नुङ मोमि टुम्‍बेॽ गबाहि पिन्‍डुङ्‌मा। मो ए़ॽसिमे हिङ्‌मवा निवाहाङ पाबानुङ टुसा मो कानिङ्‌मि रुम्‍बेॽ लेस्‍सा।

१ युहन्‍ना 1:3

कानिङ्‌मि सङ्‌गति चाहिँ निवाहाङ पाबानुङ खोमि पसा येसु खिरिस्‍टनुङ टुये। मोडोगे़ॽ हे़निङ्‌सो कानिङ्‌नुङ सङ्‌गति ले़टानिङे लुनुङ्‌नोॽ कानिङे़ॽ खाङ्‌बॽआनुङ खेम्‍बॽआ मो खा हे़निङ लुमे़ॽनिङ्‌सिन्‍डुङ्‌मे।

१ युहन्‍ना 2:23

पसाबेॽ बिस्‍वास मे़ले़ःॽखुबे़ॽ पाबासो बिस्‍वास ले़टुनिबा, मोबा पसा बिस्‍वास ले़ःॽखुबे़ॽ पाबासो बिस्‍वास ले़न्‍डुए।

१ युहन्‍ना 4:6

कानिङ चाहिँ निवाहाङ्‌मि याॽमिजि ले़न्‍डिङ्‌मा, निवाहाङ लेघुबाजिडे़ॽ कानिङ्‌मि खा खेम्‍इन्‍डुजे। असा निवाहाङ्‌मि याॽमि ने़ॽनिबा मोसे़ॽ कानिङ्‌मि खा खेप्‍सुजिनि। चाइबमा होङ्‌निवानुङ मे़ॽनोक्‍मा होङ्‌निवा इगोबाङ्‌नोॽ लेडोक्‍इये।

१ युहन्‍ना 5:20

निवाहाङ्‌मि पसा लेस्‍सा, मोबा खोसे़ॽ कानिङ चाइबमा निवाहाङ लेमाराप्‍टा। इगो खा कानिङे़ॽ लेन्‍डुङ्‌मे़। हागो येसुडे़ॽ ले़ःॽमे़ॽ कानिङ ए़ॽसिमे हिङ्‌मवा पिघुबा चाइबमा निवाहाङ्‌मि याॽमिजि लिटिङ्‌मा।