युहन्‍ना 17:2 - याम्फु

² इन्‍ढोङ्‌होङ हे़ने़ॽ खो पिबॽआ चोप याॽमिजि खोसे़ॽ ए़ॽसिमे हिङ्‌मवा पिहेसुजिरो लुनुङ चोप याॽमिजिसोक्‍पेॽ खो अधिकार पिटुए।

युहन्‍ना 17:2 Iomraidhean Croise

मत्‍ति 11:27

“के़ए़ पाबाडे़ॽ चोप थोक का जिम्‍मा पिटिङे। पाबाबाङ हाइखा असे़ॽसो पसा लेसुजिनिनुङ पसाबाङ हाइको असे़ॽसो पाबा लेसुजिने, मोबा पसे़ॽ लेमेॽपॽआजिडे़ॽ चाहिँ पाबा लेन्‍डुजे।

मत्‍ति 25:46

मोबा इघाजि इन्‍डोक्‍पेॽसो सिघे़ॽनिबा मिबेॽ सिॽइम्‍मे, तर धरमिजिडे़ॽ इन्‍डोक्‍पेॽसो सिघे़ॽनिये हिङ्‌मवा चुप्‍मिन्‍डुजे।”

मत्‍ति 28:18

मोबा येसु खोजिमि के़क्‍पेॽ खे़ॽनुङ लुसुजि, “खेप्‍सानुमे, निवाहाङ्‌डे़ॽ का थाङ्‌सिरिनुङ मक्‍खाम्‍डेमसोक्‍पेॽ चोप अधिकार पिटे़।

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

युहन्‍ना 17:6

“हे़ने़ॽ का पिबॽआ मक्‍खाम्‍डेमबेॽहा याॽमिजि के़ॽ माहाजि हे़ने़ए़ टुम्‍बेॽ नुरोॽ इःॽपेॽटुङ्‌हाजि। माहाजि हे़ने़हाजिनोॽ ले़टामे मोबा हे़ने़ॽ माहाजि का पिसा। माहाजिडे़ॽ हे़ने़ए़ बचन पालना ले़ए़टुजे।

युहन्‍ना 17:9

“के़ॽ माहाजिमि लागि पारथना ले़ःॽमे़ॽनिङ्‌सिनुङे, मक्‍खाम्‍डेमबेॽहा चोप याॽमिजिमि लागिगो ने़ॽनि, तर हे़ने़ॽ का पिबॽआ याॽमिजिमि लागिरेॽ ले़नुङे। इन्‍ढोङ्‌होङ माहाजि हे़ने़हाजि ले़म्‍मे।

युहन्‍ना 3:35

पाबाडे़ॽ खोमपसा नम्‍नम ले़न्‍डुएनुङ खोसे़ॽ चोप थोक पसामि हुकपेॽ पिटुए।

युहन्‍ना 4:14

तर असे़ॽ के़ॽ पिबॽआ योङा उङ्‌इन्‍डुजे खो फेरि इन्‍डोक्‍पेॽसो वाइमे़ॽ सिसुनिबा। इन्‍ढोङ्‌होङ के़ॽ पिमे योङा चाहिँ मो याॽमि होङ्‌सिॽयु सानिङ्‌नोॽ पिॽइये, खो योङा पिॽठाम मुहान लिये, मोसे़ॽ खो ए़स्‍सिमे हिङ्‌मवा पिन्‍डुए!”

युहन्‍ना 6:27

नासि लिघे़हा चामामि लागि ने़ॽनि, तर ए़ॽसिमे हिङ्‌मवाठोक रुक्‍मे चामामि लागि दुःख ले़टानिङे। मो चामा याॽमिमि पसाडे़ॽ हे़निङ पिये। इन्‍ढोङ्‌होङ निवाहाङ पाबाडे़ॽ खो मोमि लागिनोॽ पाङ्‌इटुए।”

युहन्‍ना 6:37

काङ्‌मि पाबाडे़ॽ पिबॽआ चोप काबेॽ लेङ्‌इम्‍मेनुङ काबेॽ लेङ्‌घुबाजि इन्‍डोक्‍पेॽसो के़ॽ याःॽयासुङ्‌जिनि।

युहन्‍ना 6:39

का पाङ्‌घुबाडे़ॽ मिॽपॽआ खा चाहिँ खोसे़ॽ का पिबॽआजिबेॽ असासो मे़चाबेमा मे़न्‍सिरो तर माहाजि ए़क्‍साङ्‌ए याकपेॽ हिङ्‌रिक लिहेमिरो।

रोमि 6:23

इन्‍ढोङ्‌होङ पापमि नमयाक चाहिँ सिमवा ले़ये, तर निवाहाङ्‌डे़ॽ खिरिस्‍ट येसु परभुबाङ कानिङ मोडोक्‍नोॽ पिमे बरदान चाहिँ ए़ॽसिमे हिङ्‌मवा ले़ये।

१ कोरिन्‍थि 15:25

इन्‍ढोङ्‌होङ खोसे़ॽ चोप सतुरजि खोमि सराङेॽ मे़सिक्‍लो खोसे़ॽ राज्‍य ले़ःॽमानोॽ खे़ये।

एफिसि 1:20

मो सक्‍तिबाङ्‌नोॽ निवाहाङ्‌डे़ॽ येसु सिबॽआबाङ हिङ्‌बोगु, मोबा थाङ्‌सिरिबेॽ खोमि चुप्‍थिङ्‌लाम येसु युक्‍सु।

फिलिप्‍पि 2:10

इडोॽ थाङ्‌सिरि, मक्‍खाम्‍डेमनुङ मक्‍खाम्‍डेमबाङ मिॽमुहा चोबे़ॽ येसुमि पोम्‍बेॽ टुम्‍रुक ठोःक्‍नुङ खो आदर ले़न्‍डुजे।

१ तिमोथि 1:16

तर येसुडे़ॽ का बेॽलो नम्‍नावा ले़टिङ। ए़क्‍साङ चुप्‍मिये ए़ॽसिमे हिङ्‌मवा चुप्‍खुबाजिमि लागि नमुना लिरो लुनुङ खोसे़ॽ काडोक्‍मा चोप्‍पाङ बेॽलो पापि याॽमि नम्‍नावा ले़टिङा।

हिब्‍रु 1:2

तर इघा ए़क्‍साङ्‌ए याकपेॽ खो टाङ्‌बामि पसामिलामबाङ कानिङ्‌नुङ यामुटे़। निवाहाङ्‌डे़ॽ खिरिस्‍टबाङ्‌नोॽ चोप खा टोक्‍सु मोबा खोसे़ॽ टोङ्‌बॽआ चोप थोकमि अधिकार खिरिस्‍टनोॽ पिसु।

१ पत्‍रुस 3:22

खो हिङ्‌बोक्‍नुङ ए़क्‍साङ थाङ्‌सिरिॽटु खे़ॽनुङ निवाहाङ्‌मि चुप्‍थिङ्‌लाम पेङ्‌इटे़, मोबा चोप थाङ्‌सिरि दुतजिनुङ थाङ्‌सिरिबेॽहा अधिकारनुङ सक्‍ति खोमि अधिनबेॽ टुहा।

१ युहन्‍ना 1:2

मो हिङ्‌मवा कानिङ्‌मि रुम्‍बेॽ लेस्‍सा, कानिङे़ॽ मो खाङ्‌नुङ मोमि टुम्‍बेॽ गबाहि पिन्‍डुङ्‌मा। मो ए़ॽसिमे हिङ्‌मवा निवाहाङ पाबानुङ टुसा मो कानिङ्‌मि रुम्‍बेॽ लेस्‍सा।

१ युहन्‍ना 2:25

खोसे़ॽ कानिङ पिनिम्‍ने़ लुनुङ हेन्‍ज्‍रुङ हे़म्‍बॽआ खा चाहिँ, ए़ॽसिमे हिङ्‌मवा ले़ये।

१ युहन्‍ना 5:20

निवाहाङ्‌मि पसा लेस्‍सा, मोबा खोसे़ॽ कानिङ चाइबमा निवाहाङ लेमाराप्‍टा। इगो खा कानिङे़ॽ लेन्‍डुङ्‌मे़। हागो येसुडे़ॽ ले़ःॽमे़ॽ कानिङ ए़ॽसिमे हिङ्‌मवा पिघुबा चाइबमा निवाहाङ्‌मि याॽमिजि लिटिङ्‌मा।

यहुदा 1:21

हे़निङ निवाहाङ्‌डे़ॽ ले़ःॽपॽआ नम्‍नमबेॽ सानिङ हिक्‍सानिङे, मोबा परभु येसुमि अनुग्‍रहाबाङ चुप्‍मिये ए़स्‍सिमे हिङ्‌मवा हुक्‍सानुमे।