युहन्‍ना 17:1 - याम्फु

¹ इघा खा लुसेॽनुङ येसुडे़ॽ थाङ्‌सिरिलाम खाङ्‌मानुङ लुसु, “हे पाबा, हागो बेला लेम्‍बेटे़, हे़ने़ए़ पसामि महिमा खाङ्‌मुसे, पसाडे़ॽ हे़ने़ए़ महिमा खाङ्‌मुहेसुरो लुनुङ खो महिमा पिसे।

युहन्‍ना 17:1 Iomraidhean Croise

मरकुस 14:41

इडोॽ येसु सुमखेॽनोॽ चोङ्‌साजिबेॽ टेजामाबेॽ इम्‍डिखे़ॽपॽआ चुप्‍टुजि। मोबा येसुडे़ॽ लुसुजि, “इमा हे़निङ हागोसो नाजामे़ॽनिङ्‌सिन्‍डानिङे ? हागो बेला लिबेटे़। याॽमिमि पसा राःप्‍नुङ पापि याॽमिजिमि हुकपेॽ पिमे बेला लिसा।

लुका 18:13

“तर मे़क्‍चेन लाघुबा याॽमि चाहिँ ओःनोॽ येःप्‍नुङ थाङ्‌सिरिॽटु खाङ्‌मासो किस्‍सिमानुङ हुगे़ॽ हाङ्‌डाङ फे़ःक्‍साङ लुसु, ‘हे निवाहाङ पाबा, का पापि नम्‍नावा ले़ःॽमा’!”

लुका 22:53

का सानिङ हे़निङ्‌नुङ्‌नोॽ सोरि मन्‍दिरबेॽ टुसिङ, मोडोक्‍पेॽ हे़निङे़ॽ का मे़राःप्‍हेसानिङ! तर हागो हे़निङ्‌मि पालो लेङ्‌इटे़ सैतानमि सक्‍तिमि राज्‍य इगोनोॽ ले़ये।”

युहन्‍ना 11:4

तर इगो लम्‍बवाँ खेम्‍नुङ येसुडे़ॽ लुसु, “इगो टुक्‍मवाडे़ॽ याॽमि सेॽनेसुनि, तर इगोबाङ निवाहाङ्‌मि महिमा लिरो लुनुङ लिटे़, इगोबाङ निवाहाङ्‌मि पसामि महिमा लिरो।”

युहन्‍ना 11:41

मोडोगे़ॽ माहाजिडे़ॽ मो रुङ्‌गोॽवा सेम्‍बेसुजि, मोबा येसुडे़ॽ थाङ्‌सिरिॽटु खाङ्‌साङ लुसु, “हे पाबा, के़ॽ हे़न ओहाक पिन्‍ने़, इन्‍ढोङ्‌होङ हे़ने़ॽ काङ्‌मि बिन्‍ति खेम्‍इटुए।

युहन्‍ना 12:23

येसुडे़ॽ माहाजि लुसुजि, “याॽमिमि पसामि महिमा लिमे बेला लेम्‍बेटे़।

युहन्‍ना 13:1

छुट्‌कारा चाड लेम्‍मा याक्‍लो, इगो मक्‍खाम्‍डेमबाङ बिदा लिनुङ पाबाबेॽ खे़ॽमे बेला लेन्‍सिॽ पोरोइटे़ लुनुङ येसुडे़ॽ लेडोक्‍टु, मोबा मक्‍खाम्‍डेमबेॽ टुघुबा खोमि टाङ्‌बाङ्‌जि चोङ्‌साजि, नम्‍नम ले़टुजे, मोबा खो खे़ॽमा बेलाठोकनोॽ नम्‍नम ले़टुजि।

युहन्‍ना 16:32

खेप्‍सानुमे, बेला लेम्‍बेटे़, मोडोक्‍पेॽ हे़निङ हाम्‍बेॽको हाम्‍बेॽ फक्‍खे़न्‍डानिङे। हे़निङ टाङ्‌बा टाङ्‌बामि खिमबेॽ खे़ॽपेन्‍डानिङे मोबा काङ्‌दाङ्‌बा याःॽयान्‍डानिङे। तर का काङ्‌दाङ्‌बा लिङानि, इन्‍ढोङ्‌होङ कानुङ काङ्‌मि पाबा टुये।

युहन्‍ना 7:30

मोडोक्‍पेॽ माहाजिडे़ॽ येसु राःप्‍मा योगुजि, तर असे़ॽसो खोबेॽ हुक मे़न्‍टिसुजि, इन्‍ढोङ्‌होङ खोमि बेला हागोसो मे़लिबॽआ ले़टा।

युहन्‍ना 7:39

इगो खा चाहिँ येसुडे़ॽ पबित्‍रा होङ्‌निवामि टुम्‍बेॽ लुबॽआ ले़टे़, मो पबित्‍रा होङ्‌निवा खोबेॽ बिस्‍वास ले़ःॽखुबाजिडे़ॽ चुप्‍मे बेला लेङ्‌सिॽपोरोक्‍पॽआ ले़टे़। मो पबित्‍रा होङ्‌निवा मोडोक बेलारो निवाहाङ्‌डे़ॽ खाङ्‌मुबॽआ मे़ले़टे़, इन्‍ढोङ्‌होङ येसुडे़ॽ महिमा मे़न्‍चुप्‍पॽआ ले़टा।

युहन्‍ना 8:20

इघा खा येसुडे़ॽ मन्‍दिरमि भेटि चेॽटिढाम ढुकुटिमि के़क्‍पेॽ येःप्‍नुङ लुबॽआ ले़टे़। तर असे़ॽसो खो मे़राबुजि, इन्‍ढोङ्‌होङ खोमि बेला हागोसो मे़लेम्‍बॽआ ले़टा।

एप्‍पा चोङ्‌सा 3:13

कानिङ्‌मि टुबा अब्‍राहाम, इसहाकनुङ याकुबमि निवाहाङ्‌डे़ॽ खोमि सेवाक येसु महिमित टोक्‍सु। हे़निङे़ॽ चाहिँ खो सेॽनेमा खे़ये लुनुङ राःबानुम। एप्‍पा मायोङ्‌बा पिलातसडे़ॽ खो लेॽमा योक्‍माबेॽसो हे़निङे़ॽ लेॽमा फे़न्‍नि लुसानुम।

१ पत्‍रुस 1:21

खोबाङ हे़निङे़ॽ निवाहाङ्‌बेॽ बिस्‍वास ले़टानुम। निवाहाङ्‌डे़ॽ खिरिस्‍ट सिबॽआबाङ हिङ्‌बोक्‍नुङ महिमानुङ्‌मा टोक्‍सु, मोडोगे़ॽ हे़निङ्‌मि बिस्‍वासनुङ आसा निवाहाङ्‌बेॽ युङ्‌इन्‍डानुमे।