4 हे़निङ काबेॽ पेनानिङे मोबा हे़निङ्बेॽ का पेङ्इङे। हक्काम्बा डाङ्बाङ हाघे़ॽहोङ चा किङ्निबा मोडोक्नोॽ हे़निङ्सो काबाङ हाघडानिङ्होङ हे़निङ्बेॽ चा किङ्निबा।
“नुबा डाङ्बेॽ नुबा चा किङ्इहा। मङे़ॽमा डाङ्बेॽ मङे़हानोॽ चा किङ्इहा। इन्ढोङ्होङ चाबाङ्नोॽ मोमि डाङ लेहेये।
मोलिलो आक्खामाबेॽ सिॽपॽआ चरि लुबॽआ चाहिँ, माहा याॽमिजिडे़ॽ निवाहाङ्मि बचन खेम्इन्डुजे मोबा निवाबेॽ नुरोॽ युङ्नुङ दुःखाबेॽ सुखाबेॽ चोप निवे़ॽ बिस्वास ले़न्डुजे, मोबा खोजिबाङ बेॽलो याॽमिजिडे़ॽ आसिस चुप्मिन्डुजे।
मो याक ‘का पाबाबेॽ टुङे, मोबा हे़निङ काबेॽ टुन्डानिङे, का हे़निङ्बेॽ टुङे’ लुनुङ लेन्डानुमे।
का माहाजिबेॽ मोबा हे़न काबेॽ टुङे, मोडोक्नोॽ माहाजिसो चोप इक्को लिहेमिरो। इगो खाबाङ्नोॽ हे़ने़ॽ का इगो मक्खाम्डेमबेॽ पाङ्इटे़नुङ हे़ने़ॽ का नम्नम ले़ःॽटिडोक्नोॽ खोजिसो नम्नम ले़न्डुए लुनुङ मक्खाम्डेमबेॽहा याॽमिजिडे़ॽ लेसुजिरो।
काङ्मि हिङा चाघुबानुङ काङ्मि हरि उङ्घुबा काबेॽ टुयेनुङ का खोबेॽ टुङे।
येसुडे़ॽ खोबेॽ बिस्वास ले़ःॽखुबा यहुदिजि लुसुजि, “हे़निङ के़ए़ बचनडे़ॽ लुबॽआडोॽ ले़टानुमहोङ, हे़निङ चइबानोॽ के़ए़ चोङ्सा ले़न्डानिङे।
बारनाबास एन्टिओकबेॽ लेम्माबेॽ मोबेॽहा याॽमिजि निवाहाङ्डे़ॽ नम्नावानुङ आसिस पिबॽआ खाङ्डोक्नुङ बेॽलो साप्थाक्सा। खोसे़ॽ मोबेॽहा बिस्वासिजि सानिङ्नोॽ परभुबेॽ नुरोॽ बिस्वास ले़ःॽमे लुनुङ अरति पिसुजि।
खोजिडे़ॽ मो ठाउँबेॽहा परभुबेॽ बिस्वास ले़ःॽखुबाजि बोलियो टोङ्साङ नुबा अरति पिसुजि। “निवाहाङ्मि राज्यबेॽ रुक्मा याक्लो कानिङे़ॽ बेॽलो खालहा चुङ्जामा खेः आङ्मानोॽ खे़ये” लुनुङ इःडुजि।
हे़निङ्मि बिस्वास चाइबमा ले़येन्डे ले़ःॽनिबा लुनुङ याक्लो हे़निङ टाङ्बे़ॽ टाङ्बा जाँच ले़ःॽखाक्सानुमे। चइबानोॽ हे़निङ्मि रुम्बेॽ खिरिस्ट टुये लुमे खा लेसानुमे, हे़निङ्मि रुम्बेॽ खिरिस्ट मे़न्चुप्टानुमहोङ हे़निङ्मि बिस्वास बोलियो ले़ःॽनिबा।
का खिरिस्टनुङ्नोॽ काप्सिङ्बेॽ सिटिङे, मोडोगे़ॽ हागोएम्बाङ ए़क्साङ हिङ्घुबा का ने़ॽनि, तर खिरिस्ट काबेॽ हिङ्इये। मो हिङ्मवा चाहिँ काङ्मि ने़ॽनि, निवाहाङ्मि पसाबेॽ बिस्वास ले़ःॽनुङ हागो हिङ्इङे। असे़ॽ का नम्नम ले़टिङ खोसे़ॽ काङ्मि लागि टाङ्बामि हिङ्मवानोॽ पिसा।
हे़निङ्मि बिस्वासबाङ खिरिस्ट हे़निङ्बेॽ पेङ्रो, मोबा निवाहाङ्मि नम्नमबेॽ हे़निङ नुरोॽ साम एम्बॽआनुङ बोलियो लिसानिङे।
मोबा निवाहाङ्मि महिमानुङ ओहाङ्मि लागि येसु खिरिस्टबाङ लेङ्इये नुबा योम्बोक हे़निङ्मि हिङ्मवाबेॽ बेॽलो खाङ्मुहा।
चइबानोॽ हे़निङ टाङ्बामि बिस्वासबेॽ दिगोनुङ बोलियो लिसानिङे। हे़निङे़ॽ खेम्बॽआ सुसमाचारमि आसाबेॽ सानिङ पेनानिङे। इगो सुसमाचारनोॽ सिरिस्टिबेॽहा चोप याॽमिजि खेम्मेॽपॽआ ले़ये। इगो सुसमाचार खेम्मेॽमामि लागिनोॽ का पावल सेवाक लिटिङे।
इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्बामि याॽमिजि खाङ्मुमामि निवाहाङ्डे़ॽ से़ङ्इटे़। इगो लेमा छॽइये खा चाहिँ खिरिस्ट हे़निङ्बेॽ टुये लुमे खा ले़ये, खो महिमामि आसा ले़ये।
इन्डोॽ हे़निङे़ॽ खिरिस्ट येसु परभु मिॽनुङ बिस्वास ले़ए़टानुमे, मोडोक्नोॽ हे़निङ खोबेॽ हिक्सानिङे।
के़ॽ हाइखा बेॽलो याक मे़हुङ्हेसुङ इन्ढोङ्होङ रेम्एङ्घुबा सैतानडे़ॽ हे़निङ्मि बिस्वास नासि ले़टुएन्डे मिॽनुङ का बेॽलो किस्सिडिङा। मोडोगे़ॽ हे़निङ्मि बिस्वास इन्डोॽ ले़ये लुनुङ लेडोक्मामि लागि के़ॽ तिमोथि हे़निङ्बेॽ पाक्सुङ।
तर कानिङ्गो बिस्वासबाङ टेघे़ॽखुबाजिनुङ नास लिघुबा याॽमिजि ने़ॽनि, तर निवाहाङ्बेॽ बिस्वास ले़ःॽनुङ हिङ्बॽआ याॽमिजि ले़न्डिङ्मे।
का निवाहाङ्मि ले़ङे काघुबा याॽमिडे़ॽ खिरिस्टमिनोॽ चालबेॽ राम्मा खे़ये।
खिरिस्टमि सिक्छेबाङ हाइखा खाबेॽ निवा टिघुबा याॽमिबेॽ निवाहाङ पेन्निबा। तर खोमि सिक्छेबेॽ सानिङ निवा टिघुबानुङ निवाहाङ पाबानुङ पसा निप्पाङ्नोॽ पेङ्इन्जे।