युहन्‍ना 15:2 - याम्फु

² काबेॽ टुघुबा चोप चा मे़ङ्‌किङ्‌घुबा हक्‍काम्‍बा खोसे़ॽ चेन्‍नुङ राप्‍पेन्‍डुए, तर चा किङ्‌घुबा हक्‍काम्‍बाबेॽ हागोसो बेॽलो चा किङ्‌रो लुनुङ सेबोक्‍इन्‍डुए।

युहन्‍ना 15:2 Iomraidhean Croise

मत्‍ति 13:12

इन्‍ढोङ्‌होङ असानुङ टुहा, मोसे़ॽ हाइखासो चुप्‍मिन्‍डुहा, मोबा छना बेॽलो लिहा। तर असानुङ माॽआये खोमि ए़डे़ॽवासो खोबाङ नाप्‍खे़हा।

मत्‍ति 13:33

येसुडे़ॽ खोजि हाइको खानवा इःबेॽटुजि, “थाङ्‌सिरिमि राज्‍य चाहिँ चरेपा होम्‍बोक्‍मे खमिरडोक्‍मा ले़ये, इक्‍को मेॽनामिॽडे़ॽ ए़डेॽवा खमिर सुम पाथिडोक गहुमि खाॽमिबेॽ ठुनुङ नागु माहा होम्‍बोक्‍माठोक आरिबेॽ युक्‍सु।”

मत्‍ति 15:13

तर येसुडे़ॽ लुसु, “थाङ्‌सिरिबेॽ पेङ्‌घुबा के़ए़ पाबाडे़ॽ मे़रिॽपॽआ चोप सिङ्‌बु डाङ साम्‍नुङ्‌नोॽ साक्‍पेमा खे़हा।

मत्‍ति 21:19

राम के़क्‍पेॽ इक्‍को वेॽलाभुमि डाङ खाङ्‌डोक्‍नुङ चा किङ्‌इटाहाडे लुनुङ वाबु, तर मोबेॽ आॽवारेॽनोॽ टुसा। मोबा येसुडे़ॽ मो डाङ चापहिसाङ इडोॽ लुसु, “आयुएम्‍बाङ ए़क्‍साङ हे़नबेॽ इन्‍डोक्‍पेॽसो चा मे़ङ्‌किङ्‌रो।” मोडोॽ लुमासोरोॽ मो वेॽलाभुमि डाङ हेघडा।

मत्‍ति 25:29

इन्‍ढोङ्‌होङ असानुङ टुहा खोसे़ॽ हाइखा चुप्‍मिन्‍डुएनुङ मोनुङ छना बेॽलो लिहा, तर असानुङ आडे़ॽवा टुहा मोसो खोबाङ ङाप्‍खे़हा।

मत्‍ति 3:10

आयुनोॽ सिङ्‌बुमि राडाङ्‌बेॽ न्‍यायमि एन्‍दि सिप्‍पेटे़। नुबा चा मे़ङ्‌किङ्‌खुबा पुडाङ चेम्‍बेनुङ मिबेॽ राप्‍खे़हा।”

मत्‍ति 3:12

खाक्‍सानुमे, खोसे़ॽ अन्‍न ठाःप्‍मामि नाङ्‌ग्‍रो हुकपेॽ लाबेटुए, खोसे़ॽ खोमि खला चोप सेःबेन्‍डुए, टाङ्‌बामि सिचाम अन्‍न चाहिँ भकारिबेॽ युङ्‌इन्‍डुहा, तर भुसु चाहिँ इन्‍डोक्‍पेॽसो सिनिबा मिबेॽ हिॽइन्‍डुहा।”

मत्‍ति 7:19

नुबा चा मे़ङ्‌किङ्‌खुबा चोप डाङ चेन्‍नुङ मिबेॽ राप्‍पेमानोॽ खे़ये।

मरकुस 4:20

इन्‍डोक याॽमिजिमि निवाबेॽ इगो बचन मलिलोमा आक्‍खामाबेॽ सिॽपॽआ चरिडोॽ लिये। माहाजिडे़ॽ निवाहाङ्‌मि बचन खेम्‍नुङ पालना ले़न्‍डुजे, मोबा माहाजि तिस गुना, साठि गुनानुङ सय गुना चुरोक चा किङ्‌इये डाङडोॽ लिम्‍मे।”

लुका 8:13

रुङ्‌गोॽवाबेॽ सिप्‍पॽआ चरि लुबॽआ चाहिँ निवाहाङ्‌मि बचन खेम्‍नुङ साप्‍थाङ्‌मानुङ इॽछोॽको बिस्‍वास ले़न्‍डुजे, तर माहाजिडे़ॽ चइबानोॽ बिस्‍वास मे़ले़ःॽपॽआसे़ॽ सारो गारो सिॽमासोरोॽ बिस्‍वास ले़ःॽमा लेप्‍पेन्‍डुजे।

युहन्‍ना 15:1

“चाइबमा अङ्‌गुरमि डाङ का ले़ङे, मोबा के़ए़ पाबा चाहिँ मो अङ्‌गुरमि डाङ खाङ्‌घुबा किसान ले़ये।

युहन्‍ना 15:16

हे़निङे़ॽ का से़म्‍बॽआ ने़ॽनि, तर के़ॽ हे़निङ से़नुङ। इन्‍ढोङ्‌होङ हागो सानिङ टुडुङ्‌घे़हा चा किङ्‌मेॽटानुमे लुनुङ के़ॽ हे़निङ पाङ्‌मे़ॽनिङ्‌सिनिम्‍ने़। मोबा काङ्‌मि निङ्‌बेॽ पाबानुङ इमाङ ङागानुमहोङ्‌सो खोसे़ॽ हे़निङ पिये।

युहन्‍ना 15:3

डाङ खाङ्‌घुबा किसानडे़ॽ हक्‍काम्‍बा सेनुङ नुरोॽ सेडिडोक्‍नोॽ के़ॽ लुबॽआ इघा बचनडे़ॽ हे़निङ चोखो टोङ्‌बेटे़।

युहन्‍ना 15:6

कोहि याॽमि काबेॽ माॽआहोङ, मो याॽमि चेम्‍बेबॽआ हक्‍काम्‍बाडोॽ पाखे़ॽयु राप्‍खे़येनुङ हेघे़ये। मोबा मो सुम्‍नुङ मिबेॽ राप्‍खे़येनुङ हिक्‍खे़ये।

युहन्‍ना 15:8

हे़निङे़ॽ बेॽलो चा किङ्‌मेॽनुङ के़हा चोङ्‌सा लुनुङ चिनारि पिसानुमहोङ इगो खाबेॽनोॽ के़ए़ पाबामि महिमा लिये।

युहन्‍ना 17:12

का खोजिनुङ टुसिङारो के़ॽ हे़ने़ॽ पिबॽआ हे़ने़ए़ निङ्‌बेॽ खोजि जोगा ले़टुङ। माहाजिबेॽ नासि लिमानोॽ खडे़ याॽमिबाङ हाइखाजि असासो नासि मे़लिमेॽटुङ्‌जिङ। इगोगो धारमिक नेॽचिराबेॽ साप्‍पॽआ खा पुरा लिमा खडे़।

रोमि 11:17

मोडोक्‍नोॽ इन्‍डोक यहुदि जातिहा याॽमिजि नुबा जैतुनमि डाङ्‌बाङ चेन्‍नुङ राप्‍पेबॽआडोक्‍नोॽ लिटामे। तर हे़निङ अयहुदिजि चाहिँ नाम्‍भुङ्‌लाबेॽए जैतुन ले़टानिङ्‌सो खिमबेॽ रिःॽपॽआ जैतुनमि हक्‍काम्‍बाबेॽ काम्‍डिबॽआडोॽ लिटानिङे। हागो हे़निङ्‌सो मो नुबा जैतुनमि राडाङ्‌बाङ सक्‍ति पिघुबा हिङ्‌मवामि योङा चुप्‍मिन्‍डानुमे।

रोमि 11:22

मोडोगे़ॽ निवाहाङ नम्‍नावानुङ्‌मासो ले़ये मोबा निवा छॽइयेसो ले़ये लुमे खा लेयुक्‍सानुमे। खोबेॽ बिस्‍वास मे़ले़ःॽखुबाजिनुङ नम्‍नावा मे़ॽनिङ बेबहार ले़न्‍डुजे। खोबेॽ बिस्‍वास ले़ःॽखुबाजि नम्‍नावानुङ्‌बा बेबहार ले़न्‍डुजे, ने़ॽनिहोङ हे़निङ्‌सो मो हक्‍काम्‍बाडोक्‍नोॽ चेन्‍नुङ राप्‍पेये।

रोमि 8:28

कानिङे़ॽ लेन्‍डुङ्‌मे़, निवाहाङ्‌डे़ॽ नम्‍नम ले़ःॽपॽआजिनुङ खोमि योम्‍बोकमि लागि से़म्‍बॽआ चोप याॽमिजिमि लागि इन्‍डोॽहोङ्‌सो खोसे़ॽ भलाइनोॽ ले़न्‍डुजे।

१ कोरिन्‍थि 13:1

के़ॽ याॽमिजिमि खाल खालहा खाप्‍लानुङ थाङ्‌सिरि दुतजिमि खाप्‍लाबेॽनोॽ यामुङाहोङ्‌सो काबेॽ नम्‍नम माॽआहोङ, के़ॽ यामुबॽआ खागो मे़नोक्‍सो झाइ झाइ अथबा ठङ ठङ मुॽइये टेन्‍जिराडोॽमारेॽ लिये।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

हिब्‍रु 12:15

चङ्‌खो पेनानिङे, असे़ॽसो निवाहाङ्‌बाङ चुप्‍पॽआ अनुग्‍रहा मे़चोबेमा मे़न्‍सिॽरो, हे़निङ्‌मि रुम्‍बेॽ निवा टुक्‍मेॽखुसे़ॽ चुनुङ खिमावा मे़म्‍पुक्‍लो, टुक्‍पॽआ निवाबेॽ युम ए़ॽटिमे, मोसे़ॽ हाइखा याॽमिजि असुद्‌ध टोङ्‌इन्‍डुजे।

१ युहन्‍ना 2:19

माहाजि कानिङ याःॽयानुङ खे़ॽप्‍पेसामि, इन्‍ढोङ्‌होङ खोजि कानिङ्‌हाजि ने़ॽनिहाजि। खोजि कानिङ्‌हाजि ले़टामिहोङ्‌गो कानिङ्‌नुङ्‌नोॽ पेनामे, मोडोगे़ॽ इगो खाबाङ छे़ङ्‌गै लिमामि लागि माहाजि कानिङ्‌बाङ हाःघडामि।

परकास 3:19

के़ॽ नम्‍नम ले़ःॽपॽआ याॽमिजि, के़ॽ योप्‍नुङ दन्‍डा पिनुङ्‌हाजि। मोडोगे़ॽ नुबा योम्‍बोक ले़ःॽमामि लागि साप्‍थाक्‍सानिङे, मोबा पापि योम्‍बोक लेप्‍पेनुङ टेसानिङे।